“Wakadikwatishaña . . . Wakakoñumu”
“Wakadikwatishaña, wakomikaña chacheni, wakakoñumu; bayi wutiya womaku, bayi wakamaku muloña Yehova . . . wudi naneyi.”—1 KUSHI. 28:20.
TUMINA: 60, 29
1, 2. (a) Solomoni amwinkeli mudimwinyi walema? (b) Muloñadi Davidi chamwakameneniyi Solomoni?
SOLOMONI amulejeli kulombola mudimu weneni nawa walema wakutuña tembeli muYerusalema. Itala dateleli kwikala “deneni nankashi, dakatiyakani mpuhu nakulema mwahita matuña ejima.” Chuma chalema, tembeli yadi kwikala ‘itala daYehova, Nzambi walala.’ Yehova wamutondeli Solomoni kwikala kalama hakutuña idi itala.—1 Kushi. 22:1, 5, 9-11.
2 Mwanta Davidi wakuhweleli nindi Nzambi wakamukwasha Solomoni. Ilaña Solomoni ‘wachidiña kansi nawa wadiña kanda yapami.’ Wadi kudikwatisha ñahi hakuzata mudimu wakutuña tembeli? Komana wadi kukañanya muloña wakwila wachidiña kansi nawa wadiña kanda yapami? Hakwila yawuzati iwu mudimu, Solomoni wateleleli kudikwatisha nikukoñamu.
3. Solomoni wadizili ñahi kudikwatisha kudi tata yindi?
3 Solomoni watela wadizili kudi tata yindi kwikala wadikwatisha. Davidi hadiñayi kansi, wajahili anyama ayisumi akwatileña nyikoku yatata yindi. (1 Sam. 17:34, 35) Wadikwatishili chikupu hazuñileñayi nachikelamu cheyala. Davidi wamujahili Goliyati nawukwashu waNzambi ninakadilola kanyanya kasenena.—1 Sam. 17:45, 49, 50.
4. Muloñadi Solomoni chateleleliyi kudikwatisha?
4 Dihafumini Davidi kumukolesha Solomoni kudikwatisha hakutuña tembeli. (Tañenu 1 Kushindulula 28:20.) Neyi Solomoni wabulili kudikwatisha, wadi kutiya woma nawa wadi kukañanya kuzata mudimu.
5. Muloñadi chitwatela kwikala ahamuka?
5 Twatela kulomba wukwashu kudi Yehova neyi cheliliyi Solomoni hakwila nawu tudikwatishi nikuzata mudimu. Tuhanjekenu hadi antu amwekesheli kuhamuka. Nawa tukuhanjeka chitunateli kumwekesha kuhamuka nikuzata mudimu wetu.
ANTU AMWEKESHELI KUHAMUKA
6. Chumanyi chayitiyishaña kuwaha hakuhamuka kwamwekesheliyi Yosefu?
6 Yosefu wamwekesheli kuhamuka hampinji yakeñeleñayi ñoda Potifwari kwila nindi wuvumbi. Hadaha watela watoñojokeli nindi neyi yamukaana mwadi kufuma yuma yatama. Hela chakwila welukili nindi mukufuma yuma yatama, wamwekesheli kuhamuka nawa wamutemukili.—Kutach. 39:10, 12.
7. Shimunenu kuhamuka kwamwekesheliyi Rahaba. (Talenu mwevulu wakutachikilahu.)
7 Rahaba niyena wamwekesheli kuhamuka. Hampinji yelili akwakwendesha ituña awa aIsarela enzi kwitala dindi kuYeriku, kachi watiyili woma nakuyihaña. Ilaña wamukuhweleleli Yehova nawa wamwekesheli kuhamuka hakuyisweka awa mayala ayedi nikuyileja chakutemuka. (Yosh. 2:4, 5, 9, 12-16) Rahaba welukili nindi Yehova hiNzambi walala nawa wakuhweleleli nindi wakayinka aIsarela ituña. Kwosi muntu watiyiliyi woma hela mwanta wamuYeriku niantu jidiku. Ilaña welili chuma chenjili nakumupulwisha yena nichisaka chindi.—Yosh. 6:22, 23.
8. Kuhamuka kwaYesu kwayikwashili ñahi apostolu?
8 Apostolu aYesu ashinshika amwekesheli kuhamuka. Amweni Yesu chadiñayi wahamuka. (Mat. 8:28-32; Yow. 2:13-17; 18:3-5) Kuhamuka kwamwekesheliyi Yesu kwayikwashili niwena kwikala ahamuka. Apostolu atwalekelihu kushimwina mwijina daYesu hela chakwila ayikañesheleña kudi aSadusi.—Yilw. 5:17, 18, 27-29.
9. Mukanda wa 2 Timotewu 1:7 wunateli kutukwasha ñahi kwiluka kwafumaña kuhamuka kwalala?
9 Yosefu, Rahaba, Yesu niapostolu indi adikwatishili chikupu kulonda azati nyidimu yayiwahi. Bayi neyi amwekesheli kuhamuka muloña adishandameneniku. Ilaña ashindameneni hadi Yehova. Twatela kushindamena hadi Yehova chatela tudishindameneña etu aweni. (Tañenu 2 Timotewu 1:7.) Tuhanjekenu chitunateli kumwekesha kuhamuka muchisaka chetu nimuchipompelu.
MPINJI YITWATELA KUMWEKESHA KUHAMUKA
10. Muloñadi atwansi akwaKristu chatelelawu kwikala ahamuka?
10 Atwansi akwaKristu amonaña kukala kwakuvulu kuyatela kumwekesha kuhamuka hakwila nawu amukalakeli Yehova. Atela kumwimbujola Solomoni wamwekesheli kuhamuka hakufuukulahu chiwahi kumanisha mudimu wakutuña tembeli. Hela chakwila atwansi akwaKristu atela kuyilombola kudi anvwali jawu, awenawu atela kufuukulahu yuma yalema. (Yish. 27:11) Atela kwikala ahamuka hakufuukula chiwahi amabwambu amawahi, yisela yayiwahi, yilwilu yayiwahi nikupapatishewa. Muloña anakufukulahu yuma yahelayi Satana, wamusawulaña Nzambi.
11, 12. (a) Mosi wamwekesheli ñahi kuhamuka? (b) Atwansi anateli kumwimbujolañahi Mosi?
Heb. 11:24-26) Chumichi chaletesheli Mosi amukiswili kudi Yehova hayina mpinji, nawa kumbidi akamukiswila.
11 Chuma chalema chatela kwilawu atwansi hikufuukulahu yuma yakelañawu kumbidi. Mumatuña amu, atwansi ayikanjikijaña kutaña mashikola ahewulu nikufwila nyidimu yamali amavulu. Mumatuña amakwawu, kubula maheta kunateli kuyiletesha atwansi kusha muchima kunyidimu yakukwasha yisaka yawu. Neyi mwashakamaña mumatuña amuchidiwu, mwimbujolenu Mosi. Mosi amukulishili kudi mwana kaFwaro wamumbanda. Wateleleli kusha maana hakukeña maheta hela kuya mpuhu. Hadaha chisaka chindi chamuEjipitu, antañishi niakwakuleja maana amukanjikijileña kufwila maheta. Chatela yafwili mpuhu nimaheta, Mosi wahamukili nakuhakwilaku kudifuula kwalala. Chelili yashiyi maheta amuEjipitu, Mosi wamukuhweleleli Yehova. (12 Munjila yoyimu, Yehova wukukiswila atwansi amwekeshaña kuhamuka hakufwila yuma yakuspiritu yakelañawu kumbidi nikutwamijaku Wanta muchihandilu chawu. Wukuyikwasha kwakamena yisaka yawu kumujimba. Timotewu hadiñayi kansi wafwilileña yuma yakuspiritu, nawa ninenu munateli kwila chochimu. *—Tañenu Afwilipi 2:19-22.
Munakufwila kwikala ahamuka muyuma yejima yimwelaña muchihandilu chenu? (Talenu maparagilafu 13-17)
13. Kuhamuka kwamukwashili ñahi muhela wumu wakansi kushikija mwafuukwiliyi?
13 Muhela wumu mukwaKristu muAlabama, U.S.A., wahamukili kufuukulahu yuma yakuspiritu. Wasonekeli nindi: “Kufuma tuhu kuwansi nadiña wansonyi. Nakañenyeña kuhosha nawantu Hetala daWanta, sweje-e dinu natiyileña nsonyi mumudimu wakushimwina.” Iwu muhela mukwaKristu wekalili payiniya nawukwashu wawanvwali jindi niantu amakwawu muchipompelu. Dichi wahosheli nindi: “Kaayi kaSatana kakeñaña antu afwileña kutaña mashikola ahewulu, kuya mpuhu, kufwila mali nikufwila maheta. Kakavulu antu afwilaña yumiyi akañanyaña kuyiwana nawa yaleteña kwayineñi nikukatisha nyichima. Ilaña kumuzatila Yehova kunankwashi kwikala namuzañalu nikuzata chiwahi.”
14. Anvwali akwaKristu atela kumwekesha kuhamuka muyumanyi?
14 Anvwali akwaKristu niwena atela kwikala ahamuka. Chakutalilahu, muntu wayiñija mudimu nateli kuyila nindi muzateña maora amakwawu namelela hela kunsa yinyilungu. Hadaha diyi mpinji yakudifukula kwachisaka, yakuya nakushimwina nikuya kukupompa kwawakwaKristu. Mwatela kwikala ahamuka kukaana kuzata maora amakwawu nawa anyanenu akudizilaku kukuhamu kwenu. Hadaha anvwali amakwawu muchipompelu eteja anyanawu kwila yuma yimu yimunakubula kukeña mwanenu kwila. Ana anvwali anateli kuyihula muloña wumwabulil kwiteja mwananenu kwila yumoyu. Komana mukuhamuka hakuyilumbulwila chuma chaletesha mufuukuli mwenimu?
15. Mukanda waMasamu 37:25 niAheberu 13:5 yinateli kukwasha ñahi anvwali?
15 Twamwekeshaña kuhamuka neyi tuyikwasha anyanetu kufuukula yuma yakuspiritu nawa ayishikija. Chakutalilahu, anvwali amakwawu akañanyaña kukolesha anyanawu kufwila kuzata wupayiniya, kuya nakuzatila kudi kukaankila, kuzatila haBeteli hela kuzata nyidimu yakutuña. Anvwali Masamu 37:25; Aheberu 13:5.) Nijla yikwawu yimunateli kumwekeshela kuhamuka nikushindamena hadi Yehova hikukwasha mwanenu niyena yamukuhweleli Nzambi.—1 Sam. 1:27, 28; 2 Tim. 3:14, 15.
achinaña nawu anyanawu akakañanya kuyihemba neyi anashinakaji dehi. Ilaña anvwali amawahi amwekeshaña kuhamuka nawa akuhwelelaña muyikaninu yaYehova. (Tañenu16. Anvwali amakwawu anakwashi ñahi anyanawu kufwila yuma yakuspiritu, nawa mwafumaña yumanyi yayiwahi?
16 Anvwali amu muUnited States akwashili anyanawu kufwila yuma yakuspiritu. Tata yawantu wahosheli nindi: “Henohu anyanetu kanda atachiki kuhosha nikwenda, twayilejeleña hamuzañalu wekala mukuzata wupayiniya nikukwasha chipompelu. Ichi anakufwila kuzata wupayiniya. Kufwila yuma yakuspiritu nikuyila, kwayikwashaña anyanetu kushinda kukala kudi mukaayi kaSatana nikumushindamena Yehova.” Manakwetu wukweti anyana ayedi wasonekeli nindi: “Anvwali amavulu azataña nañovu kulonda akwashi anyanawu ashi maana hayuma yidi neyi, yisela, kuhema nikutaña mashikola. Chachiwahi kuzatisha ñovu nimaheta itukweti kukwasha anyanetu kwila yuma yikayikwasha kutwalekahu kwikala nawubwambu wawuwahi naYehova. Chatuletelaña muzañalu hakumona anyanetu anakushikija mwafuukwiliwu nawa tunakuzatila nawu hamu.” Nzambi wukukiswila anvwali anakukwasha anyanawu kufwila yuma yakuspiritu.
KUMWEKESHA KUHAMUKA MUCHIPOMPELU
17. Shimunenu chimwatela kumwekesha kuhamuka muchipompelu chawakwaKristu.
17 Twatela cheñi kumwekesha kuhamuka muchipompelu. Chakutalilahu, aeluda atela kwikala ahamuka hakusompa nyiloña hela hakukwasha adi mukukala kweneni kuyipatela. Aeluda amakwawu ayaña kutuleya nakudizisha atuyili. Indi ahela ajiki? Atela kuzataku wupayiniya, kuya nakuzatila kudi kukankila, kuzataku mudimu wakutuña nikukuya kuShikola
Yawakwakushimwina aWanta. Amakwawu ayaña nikuShikola yaGileyadi.18. Ahela akulumpi anateli kumwekesha ñahi kuhamuka?
18 Kwikala nawakulumpi awambanda kwakuwahi. Twayikeña chikupu awa ahela. Amakwawu hiyanakuzata mumudimu waNzambi neyi chiyazatileñawu kumafuku akunyimaku, ilaña anakudikwatisha chikupu nikukoñamu. (Tañenu Titusa 2:3-5.) Chakutalilahu, muhela wamukulumpi watela kwikala wahamuka neyi anamuleji nawu yahanjeki namuhela wakansi wunakubula kuvwala chiwahi. Hatela kumuhoshola muhela wakansi hayakuvwala yinakuvwalayiku, ilaña watela kumuleja muhela wakansi nvwalililu yindi chiyinateli kuneñesha antu amakwawu. (1 Tim. 2:9, 10) Kumuleja muniyi njila yayiwahi kunateli kumukwasha kuhimpa.
19. (a) Amanakwetu apapatishewa anateli kwikala ñahi ahamuka? (b) Afwilipi 2:13 ni 4:13 yinateli kukwasha ñahi amanakwetu kwikala ahamuka?
19 Antu amakwawu atela kumwekesha kuhamuka hiyamanakwetu apapatishewa. Chipompelu chahetelañamu chikupu neyi amayala ekala namuchima wakufwila kukalakala nyidimu yayivulu. (1 Tim. 3:1) Hela chochu, antu amakwawu akeñaña wanyi kukalakala nyidimu muchipompelu. Hadaha manakwetu wakoñelihu chiluwa kunyima, dichi nakutoñojoka nindi washikilamu wanyi kukalakala neyi eluda hela nkoñi wakuzatila. Manakwetu wumu nateli kutoñojoka nindi wukukañanya kuzata mudimu. Neyi dichimwatoñojokaña, Yehova nateli kuyikwasha kwikala ahamuka. (Tañenu Afwilipi 2:13; 4:13.) Anukenu nenu, mpinji yimu Mosi niyena watoñojokeleña nindi wukutwesha wanyi kuzata mudimu wamwinkeliwu. (Kwid. 3:11) Ilaña, Yehova wamukwashili nawa chimwahitili mpinji, Mosi wekalili wahamuka nawa wazatili mudimu wamwinkeliwu. Manakwetu wapapatishewa niyena nateli kwikala wahamuka neyi yalombaña wukwashu kudi Nzambi chakadi kuleka nikutaña Bayibolu mpinji yejima. Kutoñojokahu chikupu cheñi hadi antu amwekesheli kuhamuka kunateli kumukwasha. Nateli kulomba wukwashu mukudizoza kudi aeluda kulonda amudizishi nawa watela kwikala wakasunuka kuzataku nyidimu yidi yejima muchipompelu. Tunayikoleshi amanakwetu ejima apapatishewa netu mwikali ahamuka nawa muzateña nyidimu muchipompelu!
“YEHOVA . . . WUDI NANEYI”
20, 21. (a) Davidi wamukanini Solomoni nindidi? (b) Twatela kukuhwelala netudi?
20 Mwanta Davidi wamulejeli Solomoni nindi Yehova wukwikala nayena nichakamana mudimu wakutuña tembeli. (1 Kushi. 28:20) Wansi nikubula kupama kwamukañesheli Solomoni wanyi, muloña wanukileña mazu amulejeliwu kudi tata yindi. Wadikwatishili chikupu nikukoñamu. Yehova wamukwashili kutuña tembeli yalubanji mudi yaaka 7 nachikunku.
21 Neyi chochamukwashiliwu Solomoni kudi Yehova, ninetu nateli kutukwasha kuzata mudimu wetu muchisaka nimuchipompelu. (Isa. 41:10, 13) Neyi tumwekesha kuhamuka hakudifuukula kudi Yehova, wukutukwasha makonu nikumbidi. Dichi, ‘dikwatishenu nawa koñenumu.’
^ para. 12 Munateli kuwana njila yinateli kuyikwasha kwimika yikwonkwanyi yakuspiritu muchibaaba chinakwila nawu, “Cindikeni Kabumba Wenu pa Kuba na Mabuyo ya ku Mupashi,” muKaposhi Kakutalila kaCibemba kaJuly 15, 2004.