Imbenu naÑovu Nawa naMuzañalu!
“Chachiwahi kumuseña Nzambi yetu.”—MAS. 147:1.
TUMINA: 9, 138
1. Kwimba kwakojejaña muntu kwiladi?
MUKWAKUSONEKA tumina waya mpuhu wahosheli nindi: “Mazu adi mukamina aleteshaña muntu kutoñojoka nsañu yinakwimbayi. Yivumina yaleteshaña kamina kumushika muntu hamuchima. Ilaña kamina kakojejaña muntu kufwikija nsañu yejima.” Tumina tutwembaña hakumushimeka Tata yetu wamwiwulu, Yehova twatela ‘kutushika nankashi hamuchima’ kubadika tumina tudi twejima. Dichaletesha kwimba kwikali chibalu chakudifukula kwalala chili tunakwimba nkawetu hela tunakwimba hamu nachipompelu chawantu aNzambi.
2, 3. (a) Antu amakwawu atiyaña ñahi kwimbila hewulu hamu muchipompelu? (b) Malwihwinyi itukuhanjekahu?
2 Mwatiyaña ñahi kwimbila hewulu hamu nachipompelu? Komana mwatiyaña nsonyi? Muyisemwa yikwawu, amayala akañanyaña kwimba hadi antu amavulu. Yuma yamuchidiwu yajahilañamu chipompelu, sweje-e neyi anakulombola anakwimba wanyi hela anakwila yuma yacheñi hampinji yinakwimba chipompelu.—Mas. 30:12.
3 Neyi twiluka chikupu netu kwimba hichibalu chakudifukula kwetu, tukufumañahu wanyi hanichi chibalu chakupompa. Dichi, muntu wejima watela kudihula nindi: ‘Natiyaña ñahi
kwimba neyi tunakupompa? Nateli kushinda ñahi ikañesha dakutiya woma wakwimba namuzañalu? Nawa yumanyi yinatela kwila kulonda nimbeña chiwahi?KWIMBA, HICHIBALU CHALEMA MUKUDIFUKULA KWALALA
4, 5. A Isarela akunyima aloñesheli ñahi ntanjikilu yakwimba hakudifukula?
4 Akwakudifukula ashinshika aYehova anazatishi tumina hadi yaaka yayivulu hakumushimeka Yehova. A Isarela akunyima neyi anakumukalakela Yehova, alemesheli kwimba hampinji yadifukwileñawu. Chakutalilahu, hampinji yaloñesheleñawu nyidimu yahatembeli, Mwanta Davidi washiliku aLevi 4,000 kulonda embeña tumina twakushimeka. Hakachi kawu, antu 288 ‘ayifundishili kumwimbila Yehova, ejima elukili nankashi kwimba.’—1 Kushi. 23:5; 25:7.
5 Kwimba tumina kwadiña kwalema hampinji yahanineñawu tembeli. Bayibolu yahosha nawu: “Cheliluwu akwakwimba mpuña niakwakwimba tumina anayi dehi mumu, hiyakuvwakuka nezu dimu nakutiyakana nakumuhameka nakumusakilila Yehova. Cheliluwu anatwali dehi izu dawu kwiwulu hamu nampuña namachakayi nayuma yakwimbisha nachu tumina, hiyakumuhameka Yehova, . . . kulema kwaYehova kwenzesheli itala daNzambi.” Iyi mpinji yawahili chikupu nawa yakolesheli chikuhwelelu chawu.—2 Kushi. 5:13, 14; 7:6.
6. Lumbululenu chembileñawu hampinji yayuulileñayi Nehemiya neyi nguvulu muYerusalema.
6 Nehemiya halombweleñayi aIsarela ashinshika kutuña mpwembu yaYerusalema, wakeñakeñeli aLevi akwakwimba niyuma yakuzatisha hakwimba. Hahanineñawu mpwembu yatuñulwiliwu, kwimba kwawahishili ichi chidika. Haniyi mpinji, kwadiña “yendu yamaneni yiyedi yawakwakusakilila.” Chelili awa anayiku awa anayiku iku, yendu yiyedi yawakwakwimba yadibulakeneni kukamwihi natembeli kulonda embi chivumina chatiyakeni kwakulehi. (Nehe. 12:27, 28, 31, 38, 40, 43) Chakadi nikujina, Yehova watiyileña kuwaha hakutiya akwakudifukala indi anakumushimeka neyena.
7. Yesu wamwekesheli ñahi kulema kwakwimba hakudifukula kwawakwaKristu?
7 Chatachikiliwu chipompelu chawakwaKristu, tumina twatwalekelihu kwikala chibalu chakudifukula kwalala. Hefuku dalema muchihandilu chawantu, hanyima yakwila Yesu nawapostolu indi anadi dehi Kuda kwaMwanta kwaMelela, embili tumina.—Tañenu Matewu 26:30.
8. Tunateli kwimbujola ñahi akwaKristu amumafuku awapostolu kwimba tumina hakudifukula?
8 Twatela kwimbujola akwaKristu amumafuku awapostolu embileña hamu hakumushimeka Nzambi natumina. Hela chakwila kakavulu adiña nakubulakena mumatala, chumichi hichakañesheleña iyena dawu dakumwimbila Yehovaku. Kapostolu amoneni kusonekela amanakwindi akwaKristu nawu: “Ditañishenuña nikudikolesha wumu namukwawu namasamu, muhamekenuña Nzambi, imbenuña tumina twakuspiritu nakusakilila, mwimbilenuña Yehova munyichima yenu.” (Kol. 3:16) Tumina tudi mumukanda watumina mwalala ‘hitumina twakuspiritu twakwimba nakusakilila.’ Twekala hakachi kayakuda yakuspiritu yatuloñeshelawu kudi “nduñu wamaana nikashinshi.”—Mat. 24:45.
IMBENU CHAKUBULA KUTIYA WOMA
9. (a) Yumanyi yakañeshaña amakwawu kwimba namuzañalu hakupompa kwachipompelu nikweneni? (b) Twatela kwimba ñahi hakumushimeka Yehova, nawa anyi atela kulombola hakwimba? (Talenu mwevulu wakutachikilahu.)
9 Mukwila ñahi neyi muchisaka chenu, muchisemwa Ezera 3:11; tañenu Masamu 147:1.) Chayinu mpinji, muMatala aWanta amavulu, mazu adi mukamina, anakuyimwekesha hanyivwimbimbi, nawa chumichi chinakutukwasha kwimba chikupu. Nawa ntanjikilu yakwimba tumina twaWanta anayinki muchibalu chamuShikola yaMudimu waWanta yawaeluda. Chumichi chinakumwekesha nawu aeluda atela kulombolaña mudimu wakwimba muchipompelu.
chenu hela mwiluña denu mwekala wanyi chaaku chakwimba? Chineli kudi yozelu yakatataka, munateli kutiyilila kutumina tunakwimbawu antu eluka kwimba. Hela chochu, munateli kutiya kutama, hela kutiya nsonyi neyi mwesekeja izu denu nachinakwimbawu. Chumichi bayi chiyikañesha kwimba nakumushimeka Yehovaku. Ilaña, neyi munakwimba, nyamunenu mukanda wenu hewulu, bandulenu mutu wenu nawa imbenu namuchima wejima. (10. Yumanyi yitwatela kwanuka neyi tunakutiya woma wakwimba nañovu?
10 Chuma chimu chakañeshaña antu amakwawu kwimba nezu datiyakana hiwoma. Hadaha achinaña nawu izu dawu dinateli kuya hewulu hela nawu datama. Ilaña twatela kwanuka netu neyi tunakuhosha “wejima wetu twahukanaña kakavulu.” (Yak. 3:2) Hela chochu, chumichi chatulekeshaña wanyi kuhosha. Hanu dimu, muloñadi chitukwitejela kubula kuwanina kwetu kutukañeshi kumushimeka Yehova?
11, 12. Njilanyi jinateli kutukwasha kwimba chiwahi?
11 Hadaha twatiyaña woma kwimba muloña tweluka wanyi chakwimba. Hela chochu, tunateli kwiluka chakwimba neyi tulondela njila jakwimbilamu. *
12 Munateli kwiluka chakwimba nañovu kuhitila mukoona chiwahi. Neyi chambukaña manoñu namalayiti, koona nikwena kwakwashaña neyi munakuhosha hela munakwimba. Mwatela kwimbila hewulu neyi chimwahoshaña hela kubadikahu. (Talenu njila jinateli kuyikwasha jidi mumukanda waNonkelenimo mu Masambililo ya Isukulu lya Butumikishi Ilya Bulesa, mafu 181-184 hamutu wunakwila nawu “Imipeemene Isuma.”) Kutalisha hansañu yakwimba, Nsona mpinji yikwawu yalejaña akwakudifukula aYehova nawu, “imbenu chachiwahi nakuvumisha chacheni.”—13. Lumbululenu chitunateli kwimba chiwahi nañovu.
13 Hakudifukula kwenu kwachisaka hela hakudiza kwahalwenu, esekenu iji njila: Tondenu kamina kimwakeña mumukanda wetu wakamina. Tañenu mazu ejima adi mukamina nañovu nawa hewulu. Kuhiñahu, hoshenu mazu adi mumukuku wumu nezu dodimu chakadi koona. Nawa, imbenu mukuku wowumu nezu datiyakana. (Isa. 24:14) Izu denu dikwidika chiwahi nawa dichuma chachiwahi. Izu denu bayi diyitisha woma hela nsonyiku.
14. (a) Kwasama nankashi mukanwa kunateli kutukwasha ñahi kwimba? (Talenu chikasha chinakwila nawu “Yuma Yinateli Kuyikwasha Kwimba Chiwahi.”) (b) Njilanyi jakuwahishilamu kwimba chiwahi jimweluka?
14 Neyi mwasama mukanwa hakwimba, izu denu dikwidika chiwahi. Njila yikwawu hikwasama nankashi mukanwa kubadika chimwahoshaña mpinji yejima. Chumanyi chimwatela kwila neyi izu denu danyanya chikupu hela deneni nankashi? Hefu 184 damukanda waNonkelenimo mu Masambililo ya Isukulu lya Butumikishi Ilya Bulesa, hadi chikasha chinakuhosha nawu “Ukucimfya Amafya Yamo,” hadi nsañu yinateli kuyikwasha.
IMBENU CHAKUFUMA HAMUCHIMA
15. (a) Kubidikanyi kwadiñaku hakubulakana kwahachaaka kwamu 2016? (b) Yumanyi yaletesheli edishi mukanda wawuha watumina?
15 Amavulu azañaleli chikupu hakubulakana kwahachaaka kwamu 2016 kwaWatch Tower Bible and Tract Society of Pennsylvania Mwimbilenu Yehova naMuzañalu.’ Manakwetu Lett walumbulwili nindi nkeñelu yakwidisha mukanda wawuha watumina yadiña yakusumbwañesha mazu adi muBayibolu yetu yayiha yaNew World Translation of the Holy Scriptures. Chumichi chabombelelimu kufumisha mazu anabuli muBayibolu yaNew World Translation yedishiliwu mu 2013 hela kushamu mazu adi muniyi Bayibolu. Cheñi, anabombelimu tumina twatuha tunakuhosha hamudimu wetu wakushimwina nitunakumwekesha chitwasakililaña hefutu danyiloña. Kubombelahu, chineli kwimba hichibalu chakudifukula kwetu, Izanvu Dalombolaña dakeñeleña kwidisha mukanda wawuwahi wudi nakava neyi yaBayibolu yaNew World Translation.
chelili Manakwetu Stephen Lett waMwizanvu Dalombolaña yabidiki nindi keña tutachiki kuzatisha mukanda wawuha watumina hakupompa, wunakwila nawu ‘16, 17. Yumanyi yinahimpiwu mumukanda watumina?
16 Hakwila nawu chitupeleleña kuzatisha mukanda ‘waMwimbilenu Yehova naMuzañalu,’ tumina anatusoneki mundonda kwesekeja nanyitu yansañu. Chakutalilahu, tumina twakutachikilahu 12 tunakuhosha hadi Yehova, tumina tukwawu 8 tunakuhosha hadi Yesu nihefutu danyiloña nawa tunashali tunakuhosha hayuma yikwawu. Mudi indekisi yanyitu yikutukwasha kukeña kamina, sweje-e neyi tunakukeña kamina kakuzatisha mumpanji yawantu amavulu.
17 Hakwila nawu twimbeña chakufuma hamuchima, mazu amakwawu anayipeleshi kulonda atiyakaneña nawa anafumishimu mazu anakubula kuhoshawu antu makonu. Chakutalilahu, mutu wakamina wakwila nawu “Hembaku Muchima Weyi” wunekali nawu “Tuhembenu Nyichima Yetu.” Muloñadi chinawuhimpiliwu? Antu amavulu enzaña nakupompa kupompa kwachipompelu, kwañinza, nikweluña hiyantu amaha, akweti mpwila yakudiza, atwansi niahela. Dichi, chikwikala chaluwa wena kuzatisha mazu amuchidiwu kuleja muntu wacheñi kwila ochu chuma. Dichinaleteshi nyitu nimazu amutumina ayihimpi.
Dizenuña tumina hakudifukula kwachisaka (Talenu paragilafu 18)
18. Muloñadi chitwatela kwilukila tumina tudi mumukanda wetu watumina wawuha? (Talenu tumazu twaheshina)
18 Tumina twatuvulu tudi mumukanda ‘waMwimbilenu Yehova naMuzañalu’ tunakutiyakana neyi kulomba. Tumina twamuchidiwu, tunateli kuyikwasha kumuleja Yehova chimunakutiya. Tumina tukwawu ‘tukutusañumuna kulonda tumwekeshi kukeña nikukoña nyidimu yayiwahi.’ (Heb. 10:24) Twatela kwiluka chadilaña tumina, yingongu nimazu adi mutumina twetu. Tunateli kwila mwenimu kuhitila mukutiyilila kutumina twembawu dehi tudi ha jw.org/lun. Neyi mudizilaña kumatala, mukwiluka chakwimba nañovu nawa chakufuma hamuchima. *
19. Antu ejima muchipompelu anateli kudifukula ñahi kudi Yehova?
19 Mwatela kwiluka nenu kwimba kwalema muloña hichibalu chakudifukula kwetu. Hinjila yimu yalema mutwamwekeshelaña kukeña nikusakilila kudi Yehova. (Tañenu Isaya 12:5.) Neyi mukwimbaña namuzañalu, mukukwasha amakwawu niwena kwimba nañovu. Mwamweni, antu ejima muchipompelu, atwansi, akulumpi niamaha atela kudibomba munichi chibalu chakudifukula kudi Yehova. Dichi bayi mutiyaña nsonyi kwimba nezu datiyakanaku. Ilaña, londelenu kufumba kwonenewa kwañimbi yamasamu kwakwila nawu: “Mwimbilenu Yehova.” Mwamweni, imbenu namuzañalu!—Mas. 96:1.
^ para. 11 Neyi munakukeña kwiluka nsañu yikwawu kutalisha hakwimba chiwahi, talenu progilamu yahakakweji yaDecember 2014 haJW Broadcasting (yenu hanasonekiwu nawu FROM OUR STUDIO).
^ para. 18 Hakupompa kwejima kweluña nikwañinza, chibalu chejima chaprogilamu chatachikaña natumina twamaminetisi 10, kulonda tudiloñeshi kwimba. Itu tumina atwimba munjila yinateli kutukwasha kuloñesha nyichima niyitoñojoka yetu haprogilamu yikulondelahu. Dichi, anakutukolesha tushakameña muyitwamu henohu mpinji yakupompa kanda yitachiki kulonda tutiyilileña nakanañachima kuniyi progilamu yatumina.