Hetelenu muYuma Yatwinkayi Yehova
“Yami Yehova Nzambi yeyi, yami nakulejaña mwakukuwahisha.”—ISAYA 48:17.
TUMINA: 117, 114
1, 2. (a) A Yinsahu jaYehova amonaña ñahi Bayibolu? (b) Chibalwinyi chamuBayibolu chimwakeña?
ETU aYinsahu jaYehova twalemesha Bayibolu. Yatwikundejaña, yatwinkaña kuchiñeja ninshimbi jitwatela kulondela. (Aroma 15:4) ‘Hizu daNzambi,’ bayi neyi himukanda wamaana awantuku.—1 Atesalonika 2:13.
2 Wejima wetu kudi yibalu yimu yamuBayibolu yitwakeña. Antu amakwawu akeña nyikanda yaNsañu Yayiwahi muloña yamwekesheña chekalayi Yehova kuhitila mudi Yesu. (Yowanu 14:9) Amakwawu akeña nyikanda yawuprofwetu yidi neyi Chimwekeshu, yatulejaña ‘yuma yikukeña kumwekana katataka.’ (Chimwekeshu 1:1) Amakwawu mukanda waMasamu wayikundejaña neyi awutaña nawa amakwawu kufumba kwekala mumukanda waYishimu kwayikoleshaña. Mwamweni, antu ejima anateli kuhetela muBayibolu.
3, 4. (a) Twamonaña ñahi nyikanda yetu? (b) Nyikandanyi yitwatambwilaña yasonekelañawu hohu anvwali hela atwansi?
3 Chineli twalemesha Bayibolu, twalemesha ninyikanda yetu yashindamena Hezu daNzambi. Nyikanda yejima yidi Titusa 2:2.
neyi mabuloshuwa, magazini ninyikanda yikwawu yitwatambulaña yafuma kudi Yehova. Yatukwashaña kukundama kwakwihi nayena nikukolesha chikuhwelelu chetu.—4 Nyikanda yetu yayivulu ayisonekelaña aYinsahu jaYehova ejima. Kudi nyikanda yikwawu yasonekelañawu hohu atwansi hela anvwali. Yibaaba nimavidiyo amavulu ekala hawebusayiti yetu ayiloñeshelaña antu abula kwikala aYinsahu jaYehova. Yuma yejimiyi yinakumwekesha nawu Yehova nakushikija chikaninu chindi chakufumba antu ejima.—Isaya 25:6.
5. Chumanyi chamutiyishaña Yehova kuwaha?
5 Etu amavulu twakeñaña mpinji yeneni yakutaña Bayibolu ninyikanda yetu. Tukutwesha wanyi kuzatisha mpinji yoyimu kudiza nyikanda yejima yitwatambwilaña. Twatela kwiluka netu Yehova watiyaña kuwaha neyi tuzatisha mpinji yetu chiwahi kutaña nikudiza Bayibolu ninyikanda yetu. (Aefwesesa 5:15, 16) Hela chochu, kudi yuma yitwatela kubula kwila. Yumanyi yenoyu?
6. Yumanyi yikutuleñela tubuli kuhetela muyuma yatwinkañayi Yehova?
6 Neyi kubabala nehi, tunateli kutoñojoka netu yibalu yikwawu yamuBayibolu hela nyikanda yikwawu yikutukwasha wanyi. Chakutalilahu, indi neyi chibalu chimu chamuBayibolu chikutukwasha wanyi kwesekeja nakukala kutukweti? Hela neyi owu mukanda anawusonekeli etu wanyi? Komana twatañañamu swayi swayi hela kubula kutañamu? Neyi twila mwenimu, tukwiluka wanyi nsañu yidimu yinateli kutukwasha. Tunateli kukañesha ñahi iku kukala? Twatela kwiluka netu, nyikanda yejima yitwatambwilaña yafumaña kudi Yehova. Twatañaña muBayibolu nawu: “Yami Yehova Nzambi yeyi, yami nakulejaña mwakukuwahisha.” (Isaya 48:17) Muchinu chibaaba, tukuhanjeka hayuma yisatu yikutukwasha kuhetela muyuma yejima yatuloñeshelayi Yehova.
YUMA YINATELI KUYIKWASHA KUTIYISHISHA BAYIBOLU
7. Muloñadi wutwatelela kutaña Bayibolu nakanañachima?
7 Tañenuña nakanañachima. Yibalu yikwawu yamuBayibolu ayisonekeleli muntu wumu hela antu amavulu. Hela chochu, Bayibolu yahosha nawu ‘Nyikanda yajila yejima ayonena dehi kudi Nzambi nawa yayiwahi.’ (2 Timotewu 3:16) Dichi twatelela kutañila Bayibolu nakanañachima. Manakwetu wumu wahosheli nindi wadizaña yuma yayivulu munsañu yimu yinatañiyi. Chumichi chamukwashaña kudizilaku nsañu yakala kutiyishisha. Dichi henohu kanda tutañi Bayibolu, twatela kumulomba Yehova kulonda twikali nakanañachima nimaana akutiyisha nsañu yinakukeñayi nindi twiluki.—Ezera 7:10; tañenu Yakoba 1:5.
Munakuhetela mukutaña Bayibolu? (Talenu paragilafu 7)
8, 9. (a) Neyi tunakutaña Bayibolu, malwihwinyi itwatela kudihula? (b) Yuma yatela kwilawu aeluda hakwila ekali aeluda akwaKristu yatwidizishañadi hadi Yehova?
8 Ihulenu malwihu. Neyi munakutaña Bayibolu, hudikilenu nakudihula nenu: ‘Inakudizilaku kwodi hadi Yehova? Nukuzatisha ñahi iyi nsañu muchihandilu tukuhetelamu nankashi mukutaña Bayibolu. Tushinshikenu chakutalilahu. Bayibolu yalumbulula yuma yatela kwilawu aeluda akwaKristu. (Tañenu 1 Timotewu 3:2-7.) Hela chochu etu amavulu twekala wanyi aeluda, dichi tunateli kutoñojoka netu iyi nsañu yinatukundami wanyi. Hela chochu, tuzatishenu malwihu ejima asatu itwatena hakusambila kulonda tumoni chatela kutukwashawu.
chami? Nukuzatisha ñahi iyi nsañu kukwasha amakwawu?’ Neyi tukutoñojoka hanawa malwihu,9 “Iyi nsañu yinakundizishadi hadi Yehova?” Yehova watuleja yuma yatela kwilayi muntu hakwila nawu yekali eluda. Muntu washikahu diyi watela kwakamena chipompelu. Ichi chinakumwekesha nawu Yehova walemesha chipompelu. Bayibolu yahoshaña nawu wachilanda ‘namashi aMwanindi.’ (Yililu 20:28) Dichi Yehova wakeñaña aeluda kwikala nayilwilu yayiwahi, nawa wakayisompesha nachahembañawu antu amuchipompelu. Wakeñaña nindi twikaleña akiñewa. (Isaya 32:1, 2) Neyi tutaña iyi yuma yatela kwilawu aeluda, tukwiluka Yehova chatwakamenañayi.
Yehova wakeñaña nindi wejima wetu twikali amwovu nawa ashinshika
10, 11. (a) Neyi tunakutaña yuma yatela kwilawu aeluda, tukuyizatisha ñahi oyu nsañu muchihandilu chetu? (b) Tukuzatisha ñahi iyi nsañu kukwasha amakwawu?
1 Timotewu 3:1) Ilaña akwaKristu ejima atela kudizila kuniyi yilwilu. Chakutalilahu, Yehova wakeñaña nindi wejima wetu twikali amwovu nawa ashinshika. (Afwilipi 4:5; 1 Petulu 4:7) Neyi aeluda akwikala ‘yakutalilahu kudi anyikoku’, tukudizila kudi wena nawa ‘tukwimbujola chikuhwelelu chawu.’—1 Petulu 5:3; Aheberu 13:7.
10 “Nikuzatisha ñahi iyi nsañu muchihandilu chami?” Neyi mudi aeluda, mpinji yejima mwatela kutaña yuma yatela kwilawu aeluda nikuzatilahu. Neyi “munakukeña mudimu [wawueluda],” mwatela kutañaña iyi yilwilu yatela kwikala nawaeluda kulonda mwikali nayu. (11 Nikuzatisha ñahi iyi nsañu kukwasha akwetu?” Tunateli kuzatisha yuma yatela kwilawu aeluda akwaKristu kulonda tukwashi atudizi etu aBayibolu niakwakukeña kwakuwahi kulonda eluki chaambu chekala hadi aeluda nawakulumpi jansakililu. Iyi yuma yikutukwasha kwiluka mudimu walema wazatañawu aeluda muchipompelu chetu. Nawa chikutukwasha kuyilemesha awamanakwetu. (1 Atesalonika 5:12) Neyi tuyilemesha, akuzataña chiwahi nyidimu yawu.—Aheberu 13:17.
12, 13. (a) Tunateli kusandujoladi kuzatisha yitwa yitukweti? (b) Shimunenu chakutalilahu chinakumwekesha nsañu yamwekanaña neyi yalumbwa wanyi chiyinateli kutukwasha kutiyishisha nsañu yakala kutiya.
12 Sandujolenu. Neyi tunakutaña Bayibolu, twatela kwakula awa malwihu:
-
Hinyi wasonekeli iwu mukanda wamuBayibolu?
-
Awisonekeleli kudihi nawa mpinjinyi?
-
Yumanyi yalema yamwekeneña hampinji yasonekeleñawu iwu mukanda?
Awa malwihu akutukwasha kwiluka nsañu yakala kutiyishisha.
13 Chakutalilahu, Ezekeli 14:13, 14 yahosha nawu:“Neyi ituña dimu dinanvulumuni dehi muloña wakumotoka lushimbi lwami ami, nadolweli dehi chikasa chami, nakeheshumu dehi niyakudya, natemeshumu dehi ninzala, najilumunimu dehi niantu niayimuna; hela mukwikala awa amayala asatu niNowa niDanyeli niYoba akupulwisha kwawumi wawu awenawu hohu nakuloña kwawu. Dimu mwanahoshiyi Mwanta Yehova.” Neyi tusandujola, tukwiluka netu Ezekeli wasonekeli awa mazu henohu kunashali yaaka 612 hakwila Kristu yavwaliki. A Nowa naYoba adiña afwa dehi hadi nkulakaji yayaaka, ilaña Yehova wadiña nakwanuka kashinshi kawu. Ilaña Danyeli wachidiñi kwoku. Hadaha wadiña nayaaka 20 hampinji yamulejeliwu kudi Yehova nawu waloña neyi chadiñayi Nowa niYoba. Tunakudizilaku kwodi? Yehova wamonaña nikulemesha ambuñindi ejima, kubombelahu tuhu niatwansi.—Masamu 148:12-14.
HETELENU MUNYIKANDA YASHIYASHANA
14. Nyikanda yasonekelañawu atwansi yayikwashaña ñahi, nawa yinateli kukwashaña ñahi amakwawu? (Talenu mwevulu wakutachikilahu.)
14 Nyikanda yawatwansi. Tunadizi netu tunateli kuhetela muyibalu yejima yamuBayibolu. Tunateli cheñi kuhetela munyikanda yetu yejima. Tushinshikenu yakutalilahu yantesha. Hayaaka yinahituhu, Yehova naloñeshi nsañu yayivulu yawatwansi. [1] (Talenu mazu adi kunsa.) Iyi nsañu yatukwashaña kuumika ikakeja dahashikola nikukala kwamwekanaña mukukula. Hanu dinu tunateli kuhetelamu ñahi wejima wetu mukutaña iyi nyikanda niyibaaba? Neyi tunakutaña iyi nsañu, tukwiluka kukala kunakumonawu atwansi nawa tukwiluka chakuyikwasha nichakuyikolesha.
Akwakristu apama dehi atela wanyi kudimona nawu hiyatela kutaña nsañu jawatwansiku.
15. Muloñadi akwaKristu chiyatelela kutañawu nsañu yasonekelañawu atwansi?
15 Akwakristu apama dehi atela wanyi kudimona nawu hiyatela kutaña nsañu jawatwansiku. Kukala kwakuvulu kwasonekañawu muniyi yibaaba yakundamaña kudi akwaKristu ejima. Chakutalilahu, wejima wetu twatela kuhakwilaku kudifukula kwetu, kuleka ndulu, kukaana ikakeja nikuleka kudikunda nawantu atama niyisela. Dichi hela chakwila iyi nyikanda ayisonekeleli atwansi, ilaña nsañu yekalamu yafuma muBayibolu nawa akwaKristu ejima anateli kuhetelamu.
16. Nyikanda yetu yakwashaña cheñi atwansi kwiladi?
16 Nyikanda yasonekelawu atwansi yinateli kuyikwasha atwansi kukolesha wubwambu wawu naYehova. (Tañenu Mukwakutañisha 12:1, 13.) Akulumpi niwena anateli kuhetelamu. Chakutalilahu, muAwake! yaApril 2009 mwadiña chibaaba chawatwansi chahosheleña nawu “How Can I Make Bible Reading Enjoyable?” (Nateli Kudiluñisha Ñahi Kutaña Bayibolu) Munichi chibaaba mwadiña nsañu jajivulu kushilahu nichikasha chinateli kuzatishawu hakudiza. Akulumpi ahetelelimu munichi chibaaba? Mumbanda wumu wasumbuka wukweti nyana wahosheli nindi chamukalilileña kutaña Bayibolu. Wazatishili njila jadiña munichi chibaaba, nawa watiyaña kuwaha kutaña Bayibolu. Wahosheli nindi watiyaña kuwaha kumona nyikanda yamuBayibolu chiyesekana nawa watoñojokañahu, wabombelelihu nindi, “kanda nitiyeñahu dehi kuwaha neyi inakutaña Bayibolu.”
17, 18. Tunateli kuhetelamu ñahi mukutaña nyikanda yitwahanaña mwiha? Shimunenu chakutalilahu.
17 Nyikanda yitwahanaña mwiha. Kufuma tuhu mu 2008 twadizaña muKaposhi Kakutalila kakudizamu. Aka Kaposhi akisonekelaña aYinsahu jaYehova hohu, ilaña kwekala cheñi magazini yakuzatisha mumudimu wamwiha hohu. Tunateli kuhetelamu ñahi munawa magazini? Tuzatishenu chakutalilahu. Neyi mutambika muntu kwinza Kwitala daWanta, mwazañalalaña neyi yenza. Neyi nhoshi nakuhana mpanji, mukutoñojoka hadi muntu imwatambika. Mukutachika kutoñojoka chinakutoñojokayi nansañu yinakutiyayi nichiyinateli kuhimpa chihandilu chindi. Chikufumamu, mukutiya kuwaha nawa mukuhameka oyu mpanji.
18 Twatiyaña kuwaha neyi tutaña nyikanda yitwahanaña mwiha. Chakutalilahu, Kaposhi Kakutalila kitwahanaña mwiha niyibaaba ya ha jw.org/lun yalumbulula Bayibolu mumazu nimunhoshelu yapela kutiyisha. Neyi tutaña iyi nsañu tukuyilukisha nawa tukukeña chalala chamuBayibolu chitweluka dehi. Nawa tukwiluka chitwatela kulumbulula chikuhwelelu chetu mumudimu wamwiha. Magazini yaAwake! yaleteshaña tukuhweleli netu kwekala Nleñi. Yatukwashaña cheñi kwiluka chakuhakwilaku kudifukula kwetu.—Tañenu 1 Petulu 3:15.
19. Tunateli kumwekesha ñahi kusakilila kuyuma yatuloñeshelayi Yehova?
19 Mwalala, Yehova naloñeshi kufumba kwakuvulu kukutukwasha. (Matewu 5:3) Tutwalekenuhu nakutaña nikuzatisha nsañu yinatwinkuwu. Neyi tukwila mwenimu, tukuhetelamu nawa tukumwekesha kudi Yehova netu twasakililaña hayuma yatuloñeshelayi.—Isaya 48:17.
^ [1] (paragilafu 14) Iyi nsañu yabombelamu Questions Young People Ask—Answers That Work, Volume 1 ni 2, niyibaaba yahaIntaneti yahoshaña nawu “Young People Ask.”