Neyi kanda chiyimwekeneñahu dehi hadaha mwachimonahu dehi munjila yikwawu hela yambukaku. Kakavulu twatiyaña hayikunzulemba nikumona hamaTV antu ahelawu muloña afuma kwituña dacheñi, akweti ikowa dacheñi hela elaña wutumwa. Dichi, jinfulumendi jinashiku nshimbi yakubabeshelamu antu amwekeshaña yilwilu yakuhelañana.

Kuhelañana kwaleteshaña kudihela. Antu ahelañawu kakavulu afwilaña kufuntisha katama nakatama nawa kuhelañana kwatwalekañahu.

Hadaha ayimwekeshelahu dehi chaambu, kuyidiwula, kuyiseha, kuyituka nikuyitiyisha woma. Ilaña kuhelañana kwabadika yuma yejimiyi. Kakavulu mwabombela kuzuwa kwasweja chidi neyi, kwetana, kukisañana yuma, kukatishana, kukaama chakukanjikija hela kujahañana.

Ayinu Magazini yikushimuna ñakwilu yanawa malwihu analondelihu nawa yikushimuna chitunateli kushinda kuhelañana:

• Muloñadi kuhelañana chikunaswejeli?

• Tunateli kuleka ñahi kuhelañana?

• Kudihu mpinji yakamana kuhelañana lwejima?