ANTU AMAKWAWU AHOSHAÑA NAWU wudana ijina, amakwawu ahoshaña nawu diyi “Nzambi” hela “Mwanta,” amakwawu nawu wukweti majina amavulu. Munatoñojoki nenudi?

CHAHOSHAÑA BAYIBOLU:

“Yeyi wukweti ijina deyi daYehova, yeyi Mukwakubadika Kwiwulu deseki dejima.”—Masamu 83:18.

YUMANYI YIKWAWU YITUNATELI KUDIZA MUBAYIBOLU?

• Hela chakwila Nzambi wukweti nkumbu jajivulu, wukweti hohu ijina dimu.—Kwidika 3:15.

• Nzambi, hiNzambi wakulumbishaku; nakukeña nindi tumwiluki.—Yililu 17:27.

• Neyi twiluka ijina daNzambi, dichuma chatachi chikukolesha wubwambu wetu nayena.—Yakoba 4:8.

MUKWAKULA NENUDI?

• Eña

• Inehi

• Kwesekeja nansañu yimunakuhosha

CHAHOSHAÑA BAYIBOLU:

“Kutena ijina daYehova Nzambi yeyi namaswimbu, chinjila.” (Kwidika 20:7) Bayi tuzatishaña ijina daNzambi munjila yatamaku.—Yeremiya 29:9.

YUMANYI YIKWAWU YITUNATELI KUDIZA MUBAYIBOLU?

• Yesu welukili ijina daNzambi nawa wadizatishileña.—Yowanu 17:25, 26.

• Nzambi nakukeña nindi tumuteneña hejina.—Masamu 105:1.

• Ayilumbu jaNzambi akeñaña nawu antu avulameni ijina dindi.—Yeremiya 23:27.