Indi Bayibolu Yahoshaña Nawudi?
Komana Bayibolu yinateli kuyikwasha kukeheshaku kwakama?
Mukwakula nenudi?
Eña
Inehi
Hekwawu
Chahoshaña Bayibolu
“Muumbilenuña [Nzambi] kwakama kwenu kwejima, muloña yena wayakamenaña.” (1 Petulu 5:7) Bayibolu yinakuhosha nawu Nzambi nateli kuyikwasha kulonda mukeheshiku kwakama.
Yumanyi yikwawu yitwatela kudiza muBayibolu?
Kuhitila mukulomba, munateli kwikala ‘nakuwunda kwaNzambi’ kwamanishaña kwakama.—Afwilipi 4:6, 7.
Kubombelahu, kutaña Izu daNzambi kunateli kutukwasha kuleka kuneña.—Matewu 11:28-30.
Komana kwakama akakwimanisha?
Antu amakwawu akuhwelela nawu . . . kwakama nikuneña hiyuma yekala muchihandilu chawantu, amakwawu nawu kwakama kunateli hohu kumana muchihandilu chikwawu bayi chinuku. Munakutoñojoka nenudi?
Chahoshaña Bayibolu
Nzambi wakafumishahu yuma yatuleñelaña kwakama. “Kufwa hikwakekalaku cheñiku, nawa hikwakekala cheñi kudishona, kudila hela kukataku.”—Chimwekeshu 21:4.
Yumanyi yikwawu yitwatela kudiza muBayibolu?
Muchiyuulu chaWanta waNzambi, antu akashakama mukuwunda kwakweni chikupu.—Isaya 32:18.
Tukaleka kwakama nikuneña.—Isaya 65:17.
