Mukwakula nenudi?

• Eña

• Inehi

• Hekwawu

Chahoshaña Bayibolu

Muchiyuulu chaYesu Kristu, “kuwunda kwakasweja, nichamba kakuma kakweji,” dikwila nawu haya nyaaka.—Masamu 72:7.

Yumanyi yikwawu yitwatela kudiza muBayibolu?

• Antu atama akayifumisha hamaseki, kulonda antu amawahi ‘akatiyi kuwaha nankashi nakushakama chachiwahi chamwena.’—Masamu 37:10, 11.

• Nzambi wakakumisha majita ejima.—Masamu 46:8, 9.

Antu amakwawu akuhwelela nawu . . .antu hiyanateli kwikala nakuwunda kwamuyitoñojokaku chineli ituña dinenzali nayihuñu niwuñanji waheña. Munakutoñojokahu nenudi?

Chahoshaña Bayibolu

Nimakonu, antu akundama kudi Nzambi anateli kwikala “nakuwunda kwaNzambi kwabadika kwiluka kwejima.”—Afwilipi 4:6, 7.

Yumanyi yikwawu yitwatela kudiza muBayibolu?

• Nzambi washiika nindi wakafumishahu yihuñu niwuñanji waheña, ‘wakelisha yuma yejima kwikala yayiha.’—Chimwekeshu 21:4, 5.

• Tunateli kwikala nakuwunda kwamuyitoñojoka kuhitila ‘mukudiza hadi Nzambi’—Matewu 5:3.