Munakwanuka?

Komana mwadiluñishili kutaña yibaaba yakatataka yamuKaposhi Kakutalila? Esekenu kwakula awa malwihu adi heshina:

• Kañelwinyi atemesheluwu kumbidi yawaIsarela kudi Nzambi hampinji yayifumishileñayi muEjipitu? (Kwid. 23:20, 21)

Kwesekeja nachitwatañaña muBayibolu, iwu kañelu, ‘wadiña nejina daYehova,’ wadiña wedi Mwana kaNzambi, wenjeli nakwikala Yesu.—9/15, ifu 21.

• Kuleyaleyanyi kwakaanañayi Nzambi mukudifukula kwalala?

‘Himudimu wakala nankashi. Inakukeña wanyi. Nidana mpinji. Nashikilamu wanyi. Kudi waneñesheli.’ Iyi yuma hiyatela kuleñela muntu yakañanyi kwila yuma yakeñañayi Nzambuku.—10/15, mafu 12-15.

• Njilanyi jimwatela kulondela hakwila kupompa kwetu kwawakwaKristu kuyikolesheña nawa kukolesheña niamakwawu?

Loñeshelenu chadimu. Mwatela kupompaña mpinji yejima. Bayi mulabaku. Mwatela kusenda nyikanda yimukudizamu. Tondolwelenu yuma yahuwañeshaña. Akulenuhu. Akulenuhu mukwihihisha. Hanenu mpanji yinayinkuwu. Hamekenu akulahu niahana mpanji. Hanjekenu nawana kwetu henohu kanda mutachiki kupompa nihanyima yakupompa.—10/15, ifu 22.

• Chumanyi chitukudizila kudi Aroni wafwili mumuhetu wekakeja?

Mosi chafuminuhu, aIsarela amukakejeli Aroni nawu yayilili mukishi. Wetejeli nawa wayililili mukishi. Ichi chinakumwekesha nawu bayi neyi atwansi diwu akakejañawu hohu kudi akwawuku. Akulumpi akeñaña kwila yuma yaloña niwena ayikakejaña. Dichi twatela kukaana ikakeja dakwila yuma yatama.—11/15, ifu 8.