Munakwanuka?

Komana munahetelumu mukutaña yibaaba yakatataka yaKaposhi Kakutalila? Talenu neyi mukutwesha kwakula awa malwihu:

• Indi ‘yuma yayiwahi’ yinakupompeshawu munyunza yejima hiyumanyi? (Hag. 2:7)

Awa hiyantu adifukulaña kudi Yehova mukukeña hela chakwila awanina wanyi. (Yish. 27:11) ‘Hiyuma yayiwahi’ yamulemeshaña Yehova nawa walemesha kudihana kwawu nimudimu wamukalakelañawu.—wp 4/1, ifu 11.

• Chumanyi chamuletesheli Danyeli kwikala “wasweja kukeñewa” kudi Yehova? (Dan. 10:11,19)

Danyeli wadiña kadizi waNyikanda wadikita. (Dan. 9:2) Walombeleña. (Dan. 2:17, 18) Washili muchima hakulemesha ijina daYehova. (Dan. 2:20,28; 9:19.)—wp 4/1, mafu 12-13.

• Komana akwaKristu alala azatishaña ijina daNzambi neyi chijimba?

Antu amakwawu atoñojokaña nawu chifwikija chinateli kwikala chijimba, waña wakudikiña nachu, ilaña antu jaNzambi hiyamonaña ijina dindi munjila yeniyuku. Amukuhwelela Yehova nawa afwilaña kwila mwaya muchima windi, ‘abatamaña mwijina dindi.’ (Zef. 3:12,13)—w 1/15, mafu 5-6.

• Indi anvwali anateli kukwasha ñahi anyanawu kufuukulahu yuma yayiwahi?

Anvwali atela kuleja anyanawu nshimbi jawu jalemeshawu. Dichi atela kuyileja hatooka nsañu yakudikama. Atela cheñi kuyikwasha eluki yuma yafumañamu neyi afumpa nshimbi jaYehova.—wp 4/1, mafu 19-20.

• Muloñadi Yehova chamukaanininiyi MwantaSawulu?

Sawulu wateleleli kumuhembelela kaprofwetu kaNzambi kulonda yolambuli mulambu, ilaña mwanta hovwahililuku, walambwili mulambu yomweni. Kuhiñahu, hovwahilili lushimbi lwamulejeluwu nawu yajilumuni ayilumbuku.—w2/15, mafu 22-23.

• Tunateli kumwekesha ñahi netu twahela yuma yatama?

Kuhitila mukubula kwiteja walwa wutwitadiki wuduñu nikuleka yililu yakupanda nikutiyilila kufumba kwaYesu hayililu yatama. Chakutalilahu, tukutondolwela kutala nyevulu yanzekesi nikuleka yitoñojoka yatama yafumañamu. (Mat. 5:27,28) Nawa cheñi hitwatela kudikunda nawantu ahañawu muchipompeluku.—w2/15, mafu 29-32.

• Nshimbinyi jamuBayibolu jatukwashaña kwiluka Yehova chamonañayi yisela yalwisu? (Efwes. 5:17)

Kukuhwelela mukukooleka hohamu nakupesha kumesu aNzambi. (Isa. 65:11) Yehova wayibabeshaña ambuñindi kubula kwikala nalwisu. (Kwid. 20:17; Rom. 7:7) Ambuña Nzambi awanaña mali kuhitila mukuzata nañovu. (Efwes. 4:28; 2Tesa. 3:10,12)—wp 4/1, mafu 22-23.

• Munjilanyi Yeremiya mwekalililiyi neyi “mutondu wakutumba kumeji, watanjika nyiji yindi”? (Yere. 17:7,8)

Halekeli kusoña nyikabu indi kwiji kumuluwañesha kudi akwakudiwulaku. Ilaña washindameneni haNsulu yamenji awumi, nakwila mwamulejeluwu kudi Nzambi.—w 3/15, ifu14.

• Tunateli kudizilaku chumanyi hadi Yehova hamazu aYoba ekala haYoba 14:13-15?

Yehova wakundamaña chikupu kudi antu adihanaña kudi yena, nakumwiteja kuyifumba kulonda ekali ‘yuma yasweja kuwaha’ kumesu indi. (Isa. 64:8)—w 4/1, ifu31.

• Indi kaprofwetu Samweli ‘welili ñahi mwaya kuloña’? (Heb. 11:32,33)

Samweli welili yuma yayiwahi nawa yaloña kumesu aNzambi. Watwalekeluhu kwila yuma yayiwahi muloña wamuchiñejeli Yehova mukuwunda nikukalakala mudimu windi hela chakwila wamweni yuma yamuneñesheli.—wp4/1, ifu27.