Munakwanuka?

Komana mwatañili nakanañachima yibaaba yakatataka yaKaposhi Kakutalila? Talenu neyi mukutwesha kwakula awa malwihu:

• Indi Nzambi watalishili mudihi hakuyila aLevi nindi: “Iseka deyi yami”?

A Isarela ejima akunyichidi yikwawu ayinkeleña chibula champata, ilaña aLevi, Yehova diyi wadiña “Iseka” dawu. (Kuch. 18:20) Hiyateleleli kuswana mpataku, ilaña ayinkeli kuzata mudimu wadimena. Yehova wayinkeleña yuma yakeñeleñawu. Makonu antu akweti kukooleka kwakutwala nsañu yaWanta hambidi anateli kukuhwelela nawu Nzambi wukuyinka yuma yakeñañawu muchihandilu.—9/15, mafu 7-8, 13.

• Yumanyi yinateli kumukwasha mukwaKristu kwiluka neyi chisela chinatondiyi chachiwahi hela chatama?

Hakwila twiluki neyi chisela chitunakukeña chachiwahi nawa chikumuzañalesha Nzambi, chikuwaha neyi tudihula netu: Chisela chamuchidinyi chinnakukeña kutonda? Mpinjinyi yinatela kwila yumiyi? Anyi inatela kuhema nawu yisela?—10/15, mafu 9-12.

• Indi nsañu yekala haYishimu 7:6-23 yinateli kutukwasha ñahi kuleka kutala nyevulu yanzekesi?

Iyi nsañu yashimuna hadi mukwenzi wahitileña mwiluña mwashakamaña mumbanda chivumbi. Wamudimbekeli. Makonu, chikuwaha neyi tuleka kusandujola haIntaneti hadi nyevulu yanzekesi, nawa chachiwahi kulomba wukwashu kudi Yehova henohu kanda tumoni nyevulu yamuchidiwu haIntaneti.—11/15, mafu 9-10.