Eñañi, Kanu hiKaposhi Kakutalila Kakudizamu!

Tunahimpi nsonekelu yaKaposhi Kakutalila kakudizamu kulonda kaleteña ikoku nikuyikwasha hakudiza Izu dalala daYehova dalema.—Mas. 1:2; 119:97.

Munahiti dehi yaaka yiwana kufuma hitwatachikili kusoneka nyitapu yiyedi yaKaposhi Kakutalila, kawantu amavulu niketu etu aYinsahu jaYehova niatudizi etu aBayibolu anakuyilaku hambidi kuspiritu.

Kuhosha haKaposhi Kakutalila kakudizamu, kambuña Yehova wumu weyala wasonekeli nindi: “Kaposhi Kakutalila kakudizamu katachi kaswejeli kuwaha nawa kantapili kumuchima chikupu. Nsañu yalala yalema yamuBayibolu yalumbululañawu muKaposhi Kakutalila kakudizamu yanshikili hamuchima chikupu. Kusakililaku nankashi haniku kuloñesha kwakuha nawa kwakuwahi.” Mana kwetu mukwawu niyena wasonekeli nindi: “Natalilaña chikupu kwikala nampinji yeneni yakudiza Kaposhi Kakutalila kakudizamu, nikuzatisha Bayibolu yami.” Tunakuhweleli netu anenu nawa mwatiyaña mwomumu.

Neyi chimweluka, Kaposhi Kakutalila atachikila kukisoneka mu 1879, nawa mudimu weniwu awuzataña hamuloña waspiritu yaYehova niwukwashu windi. (Zek. 4:6) Muniyi yaaka 133 yinahituhu, ifu dahewulu damagazini yaKaposhi Kakutalila anadihimpi kapampa kakavulu. Muchaaka cha 2012, Kaposhi Kakutalila kakudizamu kejima kakwikalaña namwevulu wawuwahi hefu dahewulu wukumwekeshaña mudimu wakushimwina, nawa wukutwanukishaña mudimu watwinkayi Nzambi wakushimwina haWanta waYehova. (Yil. 28:23) Mukachi, hefu 2, hakwikalaña mwevulu hakushindamenaña mwevulu wukwikalaña hefu dahewulu, nawa hakwikala nitumazu twantesha tukulumbululaña yuma yinakumwekana niiluña kuyinakumwekena. Muchaaka chejima, chumichi chikutwanukishaña wejima wetu nawu antu jaYehova anakushimwina nsañu yayiwahi “mwahita matuña ejima mwashakamawu antu.”—Mat. 24:14.

Yumanyi yikwawu yinahimpuwu mumagazini yeniyi? Chikasha chakuhitulukamu chikwikalaña hefu hanatachikili chibaaba chakudizamu. Malwihu wenawa akuyanukishaña yikuma yamaneni yimwatela kudiza hampinji yimunakutaña nikudiza chibaaba. Kafwampi, akwakulombola Kaposhi Kakutalila atela kutwalekahu kuzatisha awa malwihu kulonda kuhituluka munsañu yinadizuwu hanyima yakudiza. Mukumona nenu iluña didi kunsa yamaparakalafu anaditoheshi chanti nawa naambala yefu nimanaambala amaparakalafu anayitoheshi kulonda amwekaneña chikupu.

Kwesekeja nachinalumbululuwu mumagazini yanonu kakweji, anashumu chibaaba chachiha chinakuhosha nawu “Kufuma Munkalaña Yetu” chikumwekeshaña yuma yalema yinakumwekana muchihandilu chamakonu chawaYinsahu jaYehova. Cheñi, chibaaba chinakuhosha nawu “Adiheni naMuchima Wumu” akuchisonekaña mumpinji mumpinji nawa chikuhoshaña hayuma yalala yamwekeni muchihandilu chawamana kwetu niahela. Nsañu yeniyi yikumwekeshaña chikupu muzañalu watiyañawu amana kwetu niahela kuhitila mukukalakela kudi kukaankila kweneni kwawakwakushimwina aWanta.

Mwani Diluñishenuña chikupu hampinji yimukudizaña Izu daNzambi kuzatisha yinu magazini.

Ansoneki

[Mwevulu wudi hefu 3]

1879

[Mwevulu wudi hefu 3]

1895

[Mwevulu wudi hefu 3]

1931

[Mwevulu wudi hefu 3]

1950

[Mwevulu wudi hefu 3]

1974

[Mwevulu wudi hefu 3]

2008