Munakwanuka?

Komana mwatañili nakanañachima yibaaba yakatataka yaKaposhi Kakutalila? Talenu neyi mukutwesha kwakula awa malwihu:

Komana nsuki jaSamisoni dijamwinkeleña ñovu?

Nsuki jaSamisoni hidijamwinkeleña ñovuku. Nsuki jindi jadiña nakwimenaku wubwambu wawuwahi naNzambi neyi kaNazari. Dichi wubwambu windi watamini chelili Delila yamutewuli nsuki jindi.—4/15, Ifu 9.

Neyi chochekala muchima wetu, yumanyi yisatu yakwashaña muchima wetu wachifwikija?

(1) Kudya chiwahi. Neyi chochakwashaña yakudya yayiwahi muchima wetu, twatela kudya yakudya yayiwahi yakuspiritu. (2) Kwovwahisha mujimba. Kudikita chikupu mumudimu wakushimwina kunateli kukwasha muchima wetu wakuspiritu kuzata chiwahi. (3) Iluña. Tunateli kumanisha iku kukala kuhitila mukudikunda nawakwetu akwakwitiya, atwakamenaña.—4/15, Ifu 16.

Indi muntu nateli kusumbuka ñahi mumpompa yawandemoni?

Mwatela kutondolwela yuma yejima yamwekanaña neyi yakundama kukupanda. (Yil. 19:19, 20) Zatenu nañovu kulonda ‘mukundami kwakwihi naNzambi,’ nakukuhwelela nenu nateli kuyikwasha kulonda musubuki kudi andemoni. (Yak. 4:7, 8)—7/1, ifu 12.

Muloñadi nhoshi chikubulilayi kuzatishayi Masamu 116:15 kudi muntu wunafwi?

Iyi nsona yahosha nawu: “Chafwañawu antu indi ajila chalema kumesu aYehova.” Awa mazu atalisha mukwila nawu Nzambi hanateli kwiteja antu jindi ashinshika ejima kufwaku muloña wayimonaña nindi alema. Haketeja izanvu dawambuñindi ashinshika kudifumisha hamaseki chikupuku.—5/15, Ifu 22.

Akolopota adiña anyi?

Henohu chaaka cha 1931 kanda chishiki, izu ‘dakolopota’ adizatishileña hakutena antu anakutenawu chayinu mpinji nawu apayiniya.—5/15, Ifu 32.

Muloñadi aYudeya amakwawu chahukenuwu hamuloña wanjila yafwililumu Yesu?

Kwesekeja nachahosheli nhoshi wumu aYudeya amuyaaka nkulakaji yakusambila amweni nawu kufwa kwaYesu muniyi njila kwaleteleña nsonyi nankashi. Akuhweleleli nawu njila yikufwilamu muntu yikumumwekesha chekalayi. Dichi Yesu amumweni nawu hichiluwañimbi.—7/1, Ifu 13.

Anyi ekala ‘munawa mawanta ejima’ ashimunawu haDanyeli 2:44?

Awa mazu atalisha kumawanta hela jinfulumendi jinafwikijuwu nayibalu yamukishi yamboka-mboka yashimwiniyi Danyeli.—5/15, Ifu 17.

Indi Wanta Wañovu Mukaayi waAnglo America wekalili mpinjinyi wanta wamuchitanu nachiyedi muwuprofwetu wamuBayibolu?

Iwu Wanta wasweja ñovu mukaayi wamabomba watachikili hampinji yelili Britain niituña daUnited States atachiki kuzatila hamu haNjita Yatachi yaMukaayi.—6/15, Ifu 19.

Njilanyi yinateli kukwasha muntu kutonda mbidi yayiwahi?

Fwikijenu yuma yikamwekana hayuma yimunafuukuluhu. (Yish. 22:3) Shinshikenu njila jimunateli kutondahu. Shinshikenu yuma yikamwekana kumbidi. (Yish. 21:5). Fwilenu kushikija yikonkwanyi yenu. (Yow. 17:3)—7/1, mafu 18-19.

Nshimbinyi jamuBayibolu jinateli kukwasha muntu kuhanda namali antesha akwetiyi hampinji yinakali mali?

Chindenu mali imukweti. (Luka 14:28) Himpenu chihandilu chenu. (Yish. 22:3) Itejenu kuzata nyidimu yidi yejima yayiha. (Yish. 29:25) Zañalalenu nayuma yimukweti. (Fwi. 4:11, 12)—7/1, Mafu 20-21.