‘Yadiña Nsañu Yayiwahi Chikupu’
Kufuma Munkalaña Jetu
‘Yadiña Nsañu Yayiwahi Chikupu’
“INDI oju jejima jankahi?” George Naish diyi wenhwili iku nakwinyika hamulumba wamakunji aleheli jimita 18 adiña heluña hatulileñawu yitwa yanjita muSaskatoon, Saskatchewan, muCanada. Amulejeli nawu awa makunji ayizatishileña hakutuña tuposhi twayisanji Munjita Yamukaayi Kejima Yatachi. Mana kwetu Naish washimwini cheñi nindi, “Ami namoni neyi twatela kuzatisha awa makunji kulonda tutuñi tuposhi twachisanji, nawa iyi diyi mpinji yatachi kutoñojoka hakwikala nachikuzulemba chakushimwinamu nsañu yayiwahi.” Chimwahitili chaaka, mu 1924, CHUC yatachikili kuzatika. Ichi dichikuzulemba chachisanji chatachi chahosheleña hansakililu muCanada.
Hela chakwila ituña daCanada deneni neyi Europe, mwawahili nankashi kushimwina hachisanji. Florence Johnson wazatilileña muchikuzulemba muSaskatoon nindi, “Hamuloña wachikuzulemba chetu, antu amavulu itwabulileña kumona atiyileña chalala. Chineli hayina mpinji antu akinkili manuñu muchisanji, afwilileña chikupu kutiya nsañu yejima yahachikuzulemba.” Mu 1926, Atudizi aBayibolu (neyi chayiteneneñawu aYinsahu jaYehova kunyima) adiña nayikuzulemba yawu munyisumba yiwana yamuCanada. *
Neyi mwadiña kwoku, nsañwinyi yimwadi kutiya kuniyi yikuzulemba? Añimbi amuchipompelu embileña hayisanji nawa kwadiña nitumazanvu twembileña nayingongu. Amana kwetu niwena ahanineña jimpanji nikuhanjeka nsañu yamuBayibolu. Amy Jones wahosheleña hachisanji nindi, “Neyi nayi mwiha nakushimwina, nadilumbulwileña nawa mpinji jikwawu wukutiya mwiniitala hakuhosha nindi, ‘Eñañe, natiya izu deyi hachisanji.’”
Atudizi aBayibolu muHalifax, Nova Scotia, ahosheleña munjila yambukaku nachahosheleñawu hayisanji yikwawu, etejeleña antu kutemesha jinshiña kuchikuzulemba nakwihula malwihu amuBayibolu. Mana kwetu wumu wasonekeli nindi “Iyi njila yazatikili chiwahi nankashi. Antu amavulu atemesheleña jinshiña chakwila jikwawu twakañenyeña nikujakula.”
Kufwana antu adiñaku mumafuku akapostolu Pawulu, antu amakwawu etejeli nsañu yashimwinineñawu kudi Atudizi aBayibolu amakwawu nehi. (Yil. 17:1-5) Antu amakwawu akeñeli iyi nsañu. Chakutalilahu, Hector Marshall chatiyiliyi Atudizi aBayibolu ateni mukanda waStudies in the Scriptures hachisanji, wasonekesheli nyikanda yitanu nawumu. Wasonekeli nindi, “Natoñojokeli nami iyi nyikanda yikukwasha kudizisha anyana anyanya kuchechi.” Chamanishiliyi kutaña Volume 1, Hector wafumini muchechi mwayileñayi. Wekalili mukwakushimwina wadikita kushika nichafwiliyi mu 1998, wamukalakeleli Yehova nakashinshi. Kumusela waNova Scotia, chikwachili hanyima yakutiyakesha hachikuzulemba mpanji yahosheleña nawu “Wanta, Dichuma Chatalilañawu Antu,” Colonel J. A. MacDonald walejeli mana kwetu wumu nindi: “Antu ahachitutu chaCape Breton atiya nsañu dahaloshi, ahosha nawu nsañu yatiyawu yayitiyisha kuwaha nankashi.”
Hela chochu, akulumpi jansakililu chayitapili kunyichima. A Katolika amakwawu muHalifax atachikili kutalumoka nawu akusanda chikuzulemba chazatishileñawu Atudizi aBayibolu. Hamuloña wakuyikakeja kudi akulumpi jansakililu, mu 1928 nfulumendi yashikeneni kubidika nawu Atudizi aBayibolu hiyakuyinka cheñi ngiya yachikuzulembaku. Hakutiya iyi nsañu, amana kwetu niahela atachikili kuhana yipapilu yapulintiluwu hadiña nsañu yahosheleña nawu Hinyi MwiniMpepela? kulonda amwekeshi nawu ananeñi nachuma chelili nfulumendi. Hela chochu, nfulumendi yakaanini kuyinka Atudizi aBayibolu ngiya yachikuzulemba.
Komana chumichi chazeyesheli kadizanvu kanyanya kwawantu jaYehova muCanada? Isabel Wainwright wetejeli nindi, “Hatachi, chamwekeni neyi ayilumbu emikili mushindu chikupu. Ilaña nelukili nami neyi yadiña nkeñelu yaYehova yakutwalekahu kushimwina hachisanji kachi hadi kuyiteja nindi atukañeshuku. Chumichi chatuleñeleli tutachiki kuzatisha njila yikwawu yayiwahi nankashi yakushimwinamu nsañu yaWanta.” Chatela ashindameni chikupu hakushimwina hachikuzulemba, Atudizi aBayibolu muCanada atachikili kusha muchima hakwendela antu hamatalawu. Hayina mpinji, chisanji chazatili mudimu weneni wakutiyakesha ‘nsañu yayiwahi nankashi.’—Kufuma Munkalaña Jetu muCanada.
[Tumazu twaheshina]
^ Hakwila ashimwini hampepela, amana kwetu muCanada afweteleleña cheñi mpinji hayikuzulemba yayisanji yakwituña.
[Mazu ekoku adi hefu 32]
“Antu amavulu atemesheleña jinshiña chakwila jikwawu twakañenyeña nikujakula”
[Nyevulu yidi hefu 32]
(1) Chikuzulemba chamuEdmonton, Alberta (2) Mana kwetu nakutala tuyozelu twakushinjikila mpepela muToronto, Ontario (3) Chikuzulemba chaCHUC mu Saskatoon, Saskatchewan
You May Also Like
KAPOSHI KAKUTALILA—KAKUDIZAMU
Mbutu yaWanta Chayikuwiliwu Katachi muPortugal
Kukalanyi kwashindiliwu akwakushimwina aWanta akusambila muPortuga?
KAPOSHI KAKUTALILA—KAKUDIZAMU
Mpanji yawantu amavulu yinashikiji nsañu yayiwahi muIreland mwejima
Chumanyi chaletesheli C. T. Russell yahoshi nindi iluña “dadiwahi nawa dinashiki hakudimuna”?
KAPOSHI KAKUTALILA—KAKUDIZAMU
“Tunakutalila Chikupu Kupompa Kukwawu”
Chumanyi chaletesheli iku kupompa kwampompeliwu hohu kudi antu 150, akwiluki kudi antu ejima?
KAPOSHI KAKUTALILA—KAKUDIZAMU
“Twatiyili Iyena niKukeña Kwakufuma Hanyichima Kubadika Kunyima”
Atudizi aBayibolu elili ñahi chayikolesheliwu ‘kutiyakesha Mwanta niwanta windi’ hanyima yakupompa mu1922?
KAPOSHI KAKUTALILA—KAKUDIZAMU
“Kwosi Njila Yatama Hela Yayilehi”
Muyaaka yamuma 1920 nakushika kumatachikilu amuma 1930, apayiniya amwekesheli mpwila yakushimwina nsañu yayiwahi yaWanta waNzambi munyikala yamuAustralia.
KAPOSHI KAKUTALILA—KAKUDIZAMU
“ Akwakushimwina aWanta muBritain—Tonenu!!”
Hadi yaaka 10 akwakushimwina aWanta anavuli chikupu muBritain! Yuma yahimpikili?
