Membala Wamuha waMwizanvu Dalombolaña

HaChisatu nantetemena, haSeptember 5, 2012, abidikili kuyisaka yaBeteli muUnited States niCanada nawu Kwizanvu Dalombolaña dawaYinsahu jaYehova anabombeluku membala wamuha. Kutachika haSeptember 1, 2012, Mark Sanderson watachikili kukalakala neyi membala waMwizanvu Dalombolaña.

Mana Kwetu Sanderson wakulilili muSan Diego, California, U.S.A., amukulishili kudi anvwali jindi akwaKristu nawa wapapatisheweli haFebruary 9, 1975. Watachikili kuzata mudimu wawupayiniya muSaskatchewan, muCanada, haSeptember 1, 1983. MuDecember 1990, wamanishili Shikola yaKudiza Mudimu wawuNkoñi yamuchitanu nachiyedi (yitunakutena makonu netu Shikola Yakudiza Bayibolu Yawamana Kwetu Ajiki) muUnited States. Mana Kwetu Sanderson amutondeli kutachika kuzata neyi payiniya wadimena hachitutu chaNewfoundland, muCanada, muApril 1991. Hanyima yakuzata neyi nkoñi wañinza wakukwasha, amutambikili kuya nakuzatila muchisaka chaBeteli yamuCanada muFebruary 1997. Mu November 2000, amutwalili kumutayi wakuUnited States, kwazatililiyi kuDipatimenti yaHospital Information Services niDipatimenti yaMudimu.

MuSeptember 2008, Mana Kwetu Sanderson wayili kuShikola Yamamembala Amukometi Yamutayi nawa kuhiñahu amutondeli kwikala membala waKometi yaMutayi waPhilippines. MuSeptember 2010, amutambikili nawu yafunti kuUnited States, kwakalakeleliyi neyi nkwashi waKometi yaMudimu Yezanvu Dalombolaña.

[Chikasha chidi hefu 26]

Amamembala aMwizanvu Dalombolaña Aduhu Chayinu Mpinji

Mufunda wakunyima, kufuma kuchimunswa nakuya kuchidiilu: D. H. Splane, A. Morris III, D. M. Sanderson, G. W. Jackson, M. S. Lett. Mufunda wakumbidi, kufuma kuchimunswa nakuya kuchidiilu: S. F. Herd, G. Lösch, G. H. Pierce. Amamembala ejima aMwizanvu Dalombolaña hiyakwaKristu awayishewa.