“Talenu Iyi Nyevulu O Kuwaha!”

Kapampa kañahi kimwahoshahu dehi mwenimu hela kuleja muntu mukwawu neyi mubakula yinu magazini yayiha? Nyevulu yayiwahi yakwatañawu hela yaleñañawu nalubanji yikweti nkeñelu. Ayishañamu kulonda yitushikeña hanyichima nikutukwasha tutoñojokeña hansañu yitunakudiza. Yinateli kutukwasha nankashi hampinji yitunakuloñesha nikwakulahu haKudiza kwaKaposhi Kakutalila.

Chakutalilahu, mpinji yejima neyi himukuloñesha chibaaba, toñojokenu hamwevulu wakutachikilahu chiwunadikumi namutu wachibaaba. Wunakumwekesha chumanyi? Wunesekani ñahi namutu wachibaaba hela nansona hanashindameni mutu? Mwatela kutoñojoka nihanyevulu yikwawu chiyinakundami kunsañu yimunakuhanjekahu nihachihandilu chenu.

Mukwakulombola Kudiza kwaKaposhi Kakutalila watela kwinka chipompelu mpinji yakuhosha hamwevulu wudi wejima, kulumbulula chiwunatalishi kunsañu yinakudizawu hela chiwunateli kuyikwasha halwawu. Mpinji jikwawu, tumazu twekalaña kwakwihi namwevulu asonekañaku naambala yaparakalafu. Neyi hosi naambala, wunakulombola nateli kufuukulahu parakalafu mwatela kuhanjekelawu owu mwevulu. Neyi twilaña mwenimu, antu ejima akuhetelañamu muyuma yinaloñeshuwu kulonda yikwashi mukwakutaña kutoñojoka hansañu yakudiza yekala Mwizu daNzambi.

Mana Kwetu wumu wahosheli nindi, “Hanyima yakutaña chibaaba chinasonekuwu chachiwahi, nyevulu yekala yakuwahisha nachu.”