MUNAKWANUKA?

Komana mwatañili nakanañachima yibaaba yakatataka yaKaposhi Kakutalila? Talenu neyi mukutwesha kwakula awa malwihu:

Mpinjinyi ‘yashimwininiyi Yesu kudi aspiritu amukaleya’? (1 Pet. 3:19)

Hadaha welili mwenimu chimwahitili mpinji kufuma hamusañwiluwu nawa Yesu wayishimwinini aspiritu atama kutalisha hakujilumuka kwakayishikena.—6/15, ifu 22.

Kukalanyi kusatu kwamonañawu antu afwilaña kushakama chiwahi neyi eñila cheñi mumaluwi?

Kukala dikweniku: kubula kulalamena mwini kwenu wamukulu; kuhanjeka nawamabwambu jenu amakulu abula kumwiluka mwini kwenu wamuha; kumukuhwelela mwini kwenu wamuha muloña mwini kwenu watachi hadiña washinshikaku.—7/1, mafu 9-10.

Mpinjinyi Yesu yamba kasompeshayi antu neyi anyikoku hela ampembi? (Mat. 25:32)

Yesu wakasompesha antu chakenzayi hampinji yalukadi lwasweja hanyima yakujilumuna kwitiya kwakutwamba.—7/15, ifu 6.

Mpinjinyi yakadisumonawu kumaji antu aluwaña atenawu muchishimu chatidiku nimatahu? (Mat. 13:36, 41, 42)

Akadisumona kumaji hampinji yalukadi lwasweja, hakakeñawu kwakubatama ilaña hiyakawana iluña kwakuswamaku.—7/15, Ifu 13.

Mazu aYesu ahosha hadi nduñu wamaana nikashinshi atachikili kushikijewa mpinjinyi? (Mat. 24:45-47)

Atachikili kushikijewa haPentekosta 33 C.E., wanyi, ilaña hanyima yachaaka cha 1914. Mu 1919, nduñu amwinkeli mudimu wakuhemba yuma yindi yahetayi yejima, kushilahu niakwaKristu ejima adiishañawu kuspiritu.—7/15, mafu 21-23.

Mpinjinyi Yesu yakamwinkayi nduñu washinshika mudimu wakuhemba yuma yindi yejima?

Akamwinka iwu mudimu kumbidi, hampinji yalukadi lwasweja, chikatambwilayi nduñu washinshika wuloku windi wamwiwulu.—7/15, Ifu 25.

Chumanyi chayikwashili aYinsahu jaYehova 230 kupuluka halwendu lwalulehi muchilombu chakuyandishila chamuSachsenhausen?

Hela chakwila azeyeli hamuloña wanzala niyikatu, atwalekeluhu kudikolesha wumu namukwawu nawu atwalekuhu kwenda.—8/15, ifu 18.

Nsañu yahosha hadi aIsarela azambukili Kaloña Yodana nakwiñila Mwituña daChikaninu yatukoleshaña ñahi?

Hela chakwila kaloña wenzeli, Yehova wemekili dibaji kulonda antu jindi azambuki hamaseki oma. Chumichi chakolesheli chikuhwelelu chawu mudi Yehova, iyi nsañu yatukoleshaña ninetu.—9/15, ifu 16.

Wuprofwetu waMika 5:5 wahosha hadi atubiña niatulamba wunakushikijewa ñahi makonu?

Tweluka chikupu netu “atubiña atanu nayedi, niatulamba atanu nasatu.” atenawu haMika 5:5, atalisha kudi aeluda amuchipompelu atondawu, anakukolesha antu jaNzambi kulonda akomiki chakayilukukawu.—11/15, ifu 20.