NSAÑU YACHIHANDILU
Nafwishili Tata Yami Ichi Nawana Tata
TATA wavwalikilili muGraz, Austria, mu 1899, hampinji yatachikili Njita Yakaayi Yatachi, wachidiña kansi. Dichi amukakejeli kwiñila wushidika muGerman chatachikili tuhu Njita Yakaayi Yamuchiyedi mu 1939. Wafwili mu 1943 hampinji yalwileñawu muRussia. Chawushona, nafwishili tata yami henohu nidi hohu kwakwihi nayaaka yiyedi yakusemuka. Hinamwilukili tataku, dichi natoñeleña nankashi nami kachi nadiñi natata, sweje-e chinamweneña atwansi amavulu hashikola adiñi nawatata jawu. Kudiza hadi Tata yetu wamwiwulu, Tata wabadika, wabulaña kufwa chankundejeli hinachidiñi kampululu.
YUMA YINAMWENI HINADIÑA KANSI MUWUSIKAWUTI
Hinadiña Kansi
Chinadiñi nayaaka yitanu nayiyedi, neñilili mwizanvu dawatwansi datenañawu nawu Boy Scouts (Atwansi aSikawuti). Atwansi aSikawuti hizanvu dekala mukaayi kejima datachikiluwu muGreat Britain mu 1908, kudi mukulumpi wawamashidika wakuBritain wejina daRobert Stephenson Smyth Baden-Powell. Mu 1916 watachikili cheñi izanvu datenañawu nawu Wolf Cubs (hela Cub yawaScouts) dawatwansi anyanya awamayala amuyaaka yami.
Natiyileña kuwaha kuya nakuteeka mumasaña kunsa yamulungu, kukama mumatenti, kuvwala yunifomu nikunyeñumoka mumusululu iku ñoma yinakuvuma. Sweje-e dinu, nadiluñishileña kwikala hamu nawaSikawuti amakwawu kushilahu nikwimba iku tunashakami kukesi namelela nikuhema yisela mumatahu. Twadizileña cheñi yuma yayivulu hayileñaleña yaletesheli kuhameka nyidimu yañovu yaNleñi yetu.
Atwansi aSikawuti ayikoleshaña kwila chuma chachiwahi mafuku ejima. Ilu dilu lushimbi lwawu. Twadimushileña namazu akwila nawu “Diloñeshi Mpinji Yejima.” Chumichi chantiyishileña kuwaha. Mwizanvu detu dawatwansi awamayala akubadika nkulakaji, amakwawu adiña aKatolika, amakwawu aProtestanti wumu wadiña mukwaBuddha.
Kufuma tuhu mu 1920, aSikawuti akufuma kumatuña amavulu apompaña hamu chimwahita yaaka yantesha. Nayili kuKupompa kwawaSikawuti kwamuKaayi Kejima kwamunaambala 7 kwadiñi muBad Ischl, Austria, muAugust 1951, niKupompa kukwawu kwamunaambala 9 kwadiñi muSutton Park, kwakwihi naBirmingham, England, muAugust 1957. Hakupompa kwamu 1957, kwapompeli aSikawuti akushika ku 33,000 afumini kumatuña 85. Antu akushika ku 750,000 enjili nakututala, kushilahu Mwanta waMumbanda Elizabeth wakuEngland. Namweni neyi kwiji hiyamana kwami amukaayi kejima. Nelukili wanyi nami keña nikali hakachi kawamana kwetu amukaayi kejima amawahi, antu amukeña Nzambi.
MPINJI YINADIMWENI NACHINSAHU CHAYEHOVA KATACHI
Rudi Tschiggerl, mukulumpi wawakwakuteleka diyi wadiña watachi kunshimwina wunsahu
Mu 1958 mukakweji kaMarch indi kwiji muApril, nadiña kwakwihi nakumanisha kudiza mudimu
wakuhana yakudya haGrand Hotel Wiesler yamuGraz, Austria. Haniyi hotelu, mukwetu wutwazatileña nindi wadiñi mukulumpi wawakwakuteleka wejina daRudolf Tschiggerl wanshimwinini wunsahu wakukoolekela. Diyi mpinji yatachi yinatiyili nsañu yalala. Wasambilili kuhosha hantañishilu Yawanzambi Asatu nindi hintañishilu yamuBayibolu wanyi. Namulejeli nami hintañishilu yamuBayibolu nawa nami watwambileña. Namukeñeli mukwetu nawa nakeñeleña kumushinjila nami yafunti muChechi yaKatolika.Rudolf, itwateneneña netu Rudi, wakeñeleña kunyika Bayibolu. Namulejeli nami chiña yanyinki Bayibolu yaKatolika. Natachikili kuyitaña nawa Rudi washilumu nitilakiti yasonekeluwu kudi aWatchtower Society. Iyi tilakiti nayikeñeli wanyi muloña natoñojokeleña nami hadaha anayisoneki chakwila yitiyakani neyi nsañu yalala komana nehi. Hela chochu, netejeli kuhanjeka nindi hansañu yamuBayibolu. Rudi wadiña nakashinshi muloña hanyinkeluhu mukanda wudi wejimaku. Hadi tukweji tusatu, twahanjekeleña hansañu yambokamboka yamuBayibolu nawa kakavulu twahanjikileña kushika niwufuku.
Chinamanishili kudiza mudimu wami hahotelu yamumbaka yetu yaGraz, mama wantemesheli kushikola yeneni yatalaña nsañu jamahotelu. Dichi nayili kuBad Hofgastein, mumbaka yekala muchinekineki chaAlps, kwadiña iyi shikola. Iyi shikola yazatileña hamu naGrand Hotel muBad Hofgastein, nawa mpinji yikwawu nayileña nakuzatila kuhotelu kulonda nilukishi mudimu wunadizileña mushikola.
AÑENDELELI KUDI AHELA AYEDI AMISHONALI
Ilse Unterdörfer niElfriede Löhr atachikili kundizisha Bayibolu mu 1958
Rudi watemesheli keyala yami yayiha kukasanji kamutayi kuVienna, nawa mutayi walejeli ahela ayedi amishonali kuñendela, Ilse Unterdörfer naElfriede Löhr. Ifuku dimu mukwakutambwila enyi hahotelu wantambikili nindi, kunenzi ambanda ayedi adi hanzi mumotoka nawa anakukeña kuhosha naneyi. Nahayamini muloña nayilukili wanyi. Ilaña nedikili nakudimona nawu. Chimwahitili mafuku, nelukili nami akalakeli neyi akwakutwala nyikanda awaYinsahu mpinji yayulileñawu aNazi muGermany halekesheluwu mudimu wakushimwina henohu Njita Yakaayi Yamuchiyedi kanda yitachiki. Henohu njita kanda yitachiki, ayikwatili kudi atupokola amuGerman azataña mukuswamujoka (Gestapo) nawa ayitwalili muchilombu chakuyandishila kuLichtenburg. Hampinji yanjita ayitwalili kuchilombu chakuRavensbrück, kwakwihi naBerlin.
Awa ahela adiña muyaaka neyi yamama yami, dichi nayilemesheleña. Hinakeñeleña kuyimanishila mpinji yawu kuhitila mukuhanjeka nawuku, chakwila chimukuhita nyilungu hela tukweji hinukuyileja nami inakukeña kutwalekahu kudiza wanyi. Dichi nayilejeli nami anleteli jinsona jahosha hantañishilu yawaKatolika yakwila nawu kapostolu Petulu diyi popu watachi nawa apopu amakwawu ayinkaña ñovu kudi yena. Nayilejeli nami nakatwala jinsona kudi kapristu wetu kulonda nakahanjeki nindi. Natoñojokeli nami chinakahanjeka nindi nakeluka anakuhosha chalala.
KUDIZA HADI TATA YETU WAMWIWULU WALALA NAWA WAJILA
A Katolika akuRoma atañishaña nawu Petulu diyi popu watachi nawa apopu amakwawu ayinkaña haMatewu 16:18, 19.) Chechi yaKatolika yahoshaña cheñi nawu popu, atenañawu nawu Tata Wajila watwambaña wanyi neyi nakuhosha hansañu yantañishilu. Nakuhweleleli chumichi nawa natoñojokelaña nami popu wabulaña kutwamba hansañu yantañishilu wahosha nindi ntañishilu Yawanzambi Asatu yalala, dikwila nawu yalala. Ilaña neyi watwambaña, nintañishilu niyena yakutwamba. Dichi chaleñela aKatolika amavulu kumona ntañishilu yakwila nawu Petulu diyi popu watachi nawa apopu amakwawu ayinkaña ñovu kudi yena nawu yalema chikupu, muloña ntañishilu yawaKatolika yalala hela yakutwamba yashindamena henaha.
ñovu kudi yena nawa aswanaña chakadi wakuyikañesha. (Chechi yalumbululaña mwaluwa mazu aYesu ekalaChinayili kudi kapristu, wakañenyi kwakula malwihu ami, ilaña wanyinkeli mukanda wahosha hantañishilu yawaKatolika yakwila nawu Petulu diyi popu watachi. Nawusendeli kwitala nakutaña neyi chanlejeliyi, nawa nafuntili nakumwihula malwihu amavulu. Nkumininaku, chineli kapristu wakañenyi kwakula malwihu ami, wahosheli nindi: “Hinukutwesha kukushinjilaku, aneyi nawa hiwukutwesha kunshinjilaku. . . . Wendi chiwahi!” Hakeñeli cheñi kuhanjeka nanamuku.
Haniyi mpinji, netejeli kudiza Bayibolu namuhela Ilse niElfriede. Andizishili yuma yayivulu hadi Tata walala Wajila wamwiwulu, Yehova Nzambi. (Yow. 17:11) Munidi iluña himwadiña chipompeluku, dichi awa ahela ayedi adiña nakulombola kupompa mwitala dachisaka chadiña nampwila yakudiza. Mwapompeleña hohu antu antesha. Ahela ahanineña jimpanji jahakupompa muwuyedi wawu muloña hikwadiña mana kwetu wapapatishewa wateleleli kulombolaku. Kwenjileña mana kwetu kufuma kwacheñi nakuhana mpanji yawantu amavulu mwiluña dakufwetela mumpinji mumpinji.
CHINATACHIKILI KUSHIMWINA
Ilse niElfriede atachikili kundizisha Bayibolu muOctober 1958, nawa napapatisheweli muJanuary 1959 chimwahitili tukweji tusatu. Henohu kanda nipapatishewi, nayihwili neyi natela kuya nawu mumudimu wakushimwina kwitala nikwitala kulonda nimoni chazatañawu mudimu wakushimwina. (Yil. 20:20) Chinamanishili kushimwina nawu katachi, nayilombeli nami anyinki iluña dami dakushimwinamu. Anyikeli mukala wumu nawu nishimwineñamu, nawa nayileña nakushimwina kwitala nikwitala nkawami nikufuntila kudi antu amwekesheleña mpwila. Mana kwetu watachi inazatili nindi mumudimu wakwitala nikwitala wadiña nkoñi wañinza, nawa watwendeleleli chimwahitili mafuku.
Mu 1960, chinamanishili kudiza shikola yahotelu, nafuntili kumukala nami nikwashi antaña jami kulonda adizi chalala chamuBayibolu. Hela chakwila kwosi niwumu wadiza chalala niyinu mpinji, ilaña amakwawu amwekeshaña mpwila.
MPINJI YINATACHIKILI KUZATA MUDIMU WAMPINJI YEJIMA
Hinadiña nayaaka yamuma 20 nihinadiña kansi
Mu 1961 kasanji kamutayi katemesheli nyikanda kuyipompelu kulonda akoleshi ana kwetu niahela kutoñojoka hamudimu wawupayiniya. Nadiña mujiki wakola kumujimba, dichi natoñojokeli nami kwosi chuma chikunkañesha kuzata wupayiniya. Namwihwili nkoñi wañinza, Kurt Kuhn, kulonda nitiyi chikuhoshayi kutalisha hakuzata mudimu wakumujimba hatukweji twantesha kulonda nilandi motoka wakuzatisha mumudimu wawupayiniya. Wahosheli nindidi? Nindi, “Komana Yesu niapostolu akeñeleña motoka kulonda azati mudimu wampinji yejima?” Chumichi chankwashili! Nafuukwiluhu kutachika wupayiniya chakadi kumba mpinji. Ilaña chineli nazatileña maora 72 mulungu nimulungu mulesitilanti yamuhotelu, nasambilili kuhimpa yuma yikwawu.
Namwihwili mukulumpi wamudimu neyi
chakwila wukuñiteja kuzataña maora 60. Wetejeli nawa wanfweteleña nfwetu yoyimu. Chimwahitili mpinji yantesha, namulombeli neyi natela kuzataña maora 48 hamulungu nimulungu. Wetejeli cheñi nawa wanfweteleña nfwetu yoyimu. Nalombeli cheñi nami añiteji nizateña hohu maora 36 mulungu nimulungu chili maora 6 hamafu 6, añitejeli. Chuma chakuhayamisha chakwila nawu, wanfweteleña nfwetu yoyimu! Chamwekeni neyi mukulumpi wami wanyidimu hakeñeleña nindi nileki mudimuku. Chumichi chankwashili kutachika wupayiniya wampinji yejima. Hayina mpinji apayiniya azatileña maora 100 hakakweji.Chimwahitili tukweji tuwana, antondeli wupayiniya wadimena nikwikala nkoñi wachipompelu, muchipompelu chanyanya chamumbaka yaSpittal an der Drau. Hayaaka yakunyima, apayiniya adimena azatileña maora 150 hakakweji. Hikwadiña mukwetu payiniyaku, ilaña nalemesheli chikupu wukwashu wunatambwilileña kudi muhela wejina daGertrude Lobner, wakalakeleña neyi nkoñi wachipompelu wakwashileña. *
ANHIMPILEÑA NYIDIMU MUMPINJI MUMPINJI
Mu 1963, antondeli kwikala nkoñi wañinza. Mpinji yikwawu nazatishileña masuwa kufuma kuchipompelu chimu nakuya kuchipompelu chikwawu iku nasendi mapakumuna alema. Amana kwetu amavulu hiyadiñi nanyotokaku, dichi hikwadiñi watelela kunsenda hachiteshenuku. Hinakeñeleña “kudimwekeshaku,” dichi chatela nikandami takisi yakuntwala kumatala kunashikeneneña, nendeleña hamaseki.
Mu 1965, henohu nichidi mujiki, antambikili kuShikola yaGileyadi yamunaambala 41. Akwetu akashikola amavulu adiña ajiki. Chuma chanhayamishili chikupu chakwila nawu, chitwamanishili shikola antemesheli cheñi kwituña detu kuAustria nakutwalekahu namudimu wawunkoñi wañinza. Hela chochu, henohu kanda nifumi kuUnited States, anlejeli kuzata nankoñi wañinza hadi nyilungu yiwana. Nasakililili chikupu hakuzata hamu namana kwetu Anthony Conte, wukweti kukeña nawa wakeñeli mudimu windi wakushimwina nawa wawuzatileña chiwahi. Twazatilili hamu mumbaka yaNew York mwiluña daCornwall.
Ifuku ditwadisumbwili
Chinafuntili kuAustria, anyinkeli kuzatila muñinza munawanini muhela walubanji wejina daTove Merete wadiña mujiki. Wakulilili muchalala kufuma hampinji yadiñiyi nayaaka yitanu yakuvwalika. Neyi amana kwetu atwihula chitwadimweni, twakulaña nakusenseka netu, “Kasanji kamutayi dikaloñesheli hakwila tudiwani.” Twadisumbwili chimwahitili chaaka chimu muApril 1967, nawa atwitejeli kutwalekahu mumudimu wakwenda.
Chimwahitili chaaka chimu kufuma hitwadisumbwili, nelukili nami Yehova wantondeli kwikala mwanindi wakuspiritu hamuloña waluwi lwindi lwasweja. Dichi natachikili wulunda wadimena natata yami wamwiwulu hamu nawantu ejima atenawu hamukanda waAroma 8:15, ‘atambikaña: Abba, Tata!’
Twatwalekeluhu kuzata mudimu wawunkoñi wañinza niwankambi namwinikwami Merete kushika nimu 1976. Mpinji yikwawu muchilaaka chamashika twakamineña mutupeka mutuuta nankashi. Ifuku dimu chitwahindukili, twawanini mwemba wunadikwati namayimakanza kunyitu. Dichi twafukwiluhu
kusendaña kadikina kamalayiti kakutatisha nachu mukapeka neyi kunatuuti nawufuku. Kumaluña amakwawu nyisalanyi yadiña hanji, dichi neyi tunakukeña kuyaku nawufuku, twahitileña mumayimakanza. Hitwadiña netala dankoñi wañinzaku, dichi haChimu chanyilungu yejima twashakamineña mumatala mwatutambwilileñawu hakuzatila ochu chipompelu munowu mulungu. HaChiyedi nantetemena twayileña kuchipompelu chikwawu.Nidi namuzañalu wakuhosha nami iñodami inakeña nankwashi chikupu hadi yaaka yayivulu. Wakeña kushimwina chikupu, nawa kanda nimukolesheñahu dehi nami yayi nakushimwina. Wakeña cheñi amabwambu jindi nawa wakamenaña antu amakwawu. Chumichi chankwashaña nankashi.
Mu 1976 atutambikili kuya nakuzatila kukasanji kamutayi kuAustria muVienna, nawa antondeli kwikala membala waKometi yaMutayi. Hayina mpinji mutayi wakuAustria diwu wadiñi nakutala mudimu wakumatuña amavulu akuMusela waEurope nawa watwalileña nyikanda mukuswamujoka kunawa matuña. Mana kwetu Jürgen Rundel diyi wadiñi nakulombola iwu mudimu nawa wadiña nakashinshi chikupu. Nadiñi nakukooleka kwakuzatila hamu nindi nawa chimwahitili mpinji anyinkeli kutala mudimu wakutuntulula mumadimi ikumi akuMusela waEurope. Mana kwetu Jürgen niñodindi Gertrude, anatwalekuhu kuzata nakashinshi wupayiniya wadimena kuGermany. Kutachika mu 1978, mutayi wakuAustria watachikili kuzatisha ikina dakuwahisha nachu magazini nikuyipulinta mumadimi atanu hekina danyanya dakupulintila. Twatemesheleña cheñi magazini kumatuña ashiyashana ayikeñeleña. Mana kwetu Otto Kuglitsch, diyi wadiñi nakuzata iyi nyidimu, chayinu mpinji wazatilaña kukasanji kamutayi muGermany nañodindi Ingrid.
Hinadiña muAustria, natiyileña kuwaha kushimwina munjila jashiyashana, nikushimwina mumukwakwa
Amana kwetu akuMusela wakuEurope niwena apulintileña nyikanda yamumatuña awu kuzatisha makina akukopolola nachu hela makina amakwawu. Hela chochu, akeñeleña wukwashu kumatuña acheñi. Yehova wakiñili iwu mudimu, nawa hamutayi twayikeñeli nankashi amana kwetu amweneña kukala kweneni hakuzata mudimu nihakaanishiluwu mudimu wetu hayaaka yayivulu.
LWENDU LWADIMENA LWAKUYA KUROMANIA
Mu 1989, nadiñi nakukooleka kwakuya hamu kuRomania naMana Kwetu Theodore Jaracz, waMwizanvu Dalombolaña. Twafwilileña kukwasha izanvu deneni dawamana kwetu kulonda anuñañani cheñi
nakuloñesha kwetu. Kumatachikilu a 1949, kwamwekeni yuma yaleñeleli aleki kuhanjeka nakuloñesha kwetu nawa atuñili yipompelu yawu aweni. Hela chochu, atwalekeluhu kushimwina nikupapatisha antu. Niwena ayishileña mutuleya muloña wakubula kudiñija mujipolitiki, neyi chayiñijileñawu amana kwetu adiñi mukuloñesha kwetu kwelukiluwu kudi kasanji keneni. Mudimu wakushimwina achidiña awulekesha muRomania, dichi twahanjekeleli mukuswamujoka mwitala daMana Kwetu Pamfil Albu, hamu nawaeluda awana alemesheluwu niañimenu amuKometi Yetuña amuRomania elukiluwu. Twayili namana kwetu wakutuntulula idimi wakuAustria, wejina daRolf Kellner.Hefuku damuchiyedi dakuhanjeka nawufuku, Mana Kwetu Albu washinjilili akwawu aeluda awana nindi anuñañani nanetu hakuhosha nindi, “Neyi tubula kunuñañana yinu mpinji, hitukanuñañana nawu cheñuku.” Nkumininaku, amana kwetu akushika kwakwihi na 5,000 afuntili cheñi mukuloñesha kwetu. Yehova washindili chikupu nawa Satana wasawukili.
Kukumana kwachaaka cha 1989, henohu chiyuulu chaKomyunisimu kanda chimani kuMusela waEurope, Izanvu Dalombolaña datutambikili namwinikwami kuya nakuzatila kukasanji keneni kamwituña dejima kekala muNew York. Chumichi chatuhayamishili nankashi. Twatachikili kuzatila muBeteli yakuBrooklyn muJuly 1990. Mu 1992, antondeli kwikala nkwashi muKometi yaMudimu Yezanvu Dalombolaña, nawa nekala nakukooleka kwakwikala membala waMwizanvu Dalombolaña kufuma tuhu muJuly 1994.
KUTOÑOJOKA HACHIHANDILU CHAKUNYIMA NIKUTALILA CHAKUMBIDI
Nañodami muBrooklyn, New York
Mpinji yinakalakeleña neyi mukwakuhana yakudya hahotelu yahita dehi. Ichi natiyaña kuwaha hakukooleka kwakwikala hakachi kawantu aloñeshaña nikuhana yakudya yakuspiritu kudi amana kwetu amukaayi kejima. (Mat. 24:45-47) Neyi nishinshika hayaaka yakubadika 50 yinnakalakali mumudimu wampinji wadimena, nasakililaña chikupu nawa natiyaña kuwaha hakumona Yehova chinakukiswilayi amana kwetu mukaayi kejima. Natiyaña kuwaha kuya kukupompa kwamatuña amavulu, kwatukonkomwenañawu kudiza hadi Tata yetu wamwiwulu, Yehova nichalala chamuBayibolu.
Nalombaña nami antu amavulu adizi Bayibolu nakwiteja chalala nikumukalakela Yehova mukunuñañana nawamana kwetu akwaKristu amukaayi kejima. (1 Pet. 2:17) Nachiñejaña cheñi mpinji yinakatalilaña mwiwulu nakumona chikasañulawu antu hamaseki, nawa nakamumona tata yami wanvweli. Nafwilaña nami, hadaha tata, mama niantaña jami akakeña kudifukula kudi Yehova muParadisa.
Nachiñejaña cheñi mpinji yinakatalilaña mwiwulu nakumona chikasañulawu antu hamaseki, nawa nakamumona tata yami wanvweli
^ Chayinu mpinji, chatela kwikali nkoñi wachipompelu nikwashi yindi, mumazanvu awaeluda ejima atondañamu nloñeshi ninsoneki.