Antu amavulu mukaayi anakukabakana muloña wakubula yakuda nimatala. Amakwawu akweti kuchiñeja wanyi. Nzambi wakeñaña nindi tuyikwasheña antu amuchidiwu nawa wakatukiswila.

“Muntu wamutiyilaña kazweñi luwi wudi nakusondamisha Yehova, yena wakamufweta cheñi nachuma chachiwahi chaneliyi.”—YISHIMU 19:17.

Yesu washimwini chishimu cheyala wumu weteliwu kudi atupondu nawa washiliwu kwakwihi nakufwa. (Luka 10:29-37) Muntu wacheñi wemeni nakumukwasha nawa wamwakameneni chiwahi iwu iyala akatishiliwu. Hela chakwila wadiña wakuchitachi chacheñi wamukwashili.

Iwu iyala wamwinkeli yitumbu, wamukwashili muyuma yakumujimba, wamukundejeli nawa wamuletesheli kwikala namuzañalu.

Yumanyi yitukudizilaku kunichi chishimu? Yesu wamwekesheleña nindi twatela kukwashaña antu anakaankili kwesekeja nahakumina ñovu yetu. (Yishimu 14:31) Nyikanda yajila yashimunaña nawu katataka Nzambi yafumishihu wuzweñi nimakabi. Hela chochu, tunateli kudihula netu, Nzambi wakela ñahi mwenimu nawa mpinjinyi? Chibaaba chinalondelihu chikushimuna yuma yayiwahi yayihembelayi Nleñi.