Antu amakwawu akuhwelela nawu . . .

yikekala njita yamukaayi kejima, kuzatisha matendanzumbu hela kukisañana iseki dejima. Munakutoñojokahu nenudi?

Chahoshaña Bayibolu

Amagedoni hichinjikijilu cheluña kwakekalila “njita yefuku deneni daNzambi Wañovu Jejima,” yakajilumunayi nachu antu atama.—Chimwekeshu 16:14, 16.

Yumanyi yikwawu yitwatela kudiza muBayibolu?

• Nzambi wakaleta njita yaAmagedoni, bayi neyi nakukisañana isekiku, ilaña nakudikiña kudi antu anakudikisañana.—Chimwekeshu 11:18.

• Njita yaAmagedoni yikamanisha majita ejima.—Masamu 46:8, 9.

Mukwakula nenudi?

• Eña

• Inehi

• Hekwawu

Chahoshaña Bayibolu

“Izaza deneni” dawantu akunyunza yejima akapuluka “mulukadi lwasweja,” lukamana nanjita yaAmagedoni.—Chimwekeshu 7:9, 14.

Yumanyi yikwawu yitwatela kudiza muBayibolu?

• Nzambi nakukeña nindi antu amavulu akapuluki hanjita yaAmagedoni. Wakayijilumuna antu atama chahaya nyaaka.—Ezekeli 18:32.

• Bayibolu yalumbulula chitwatela kupuluka njita yaAmagedoni.—Zefwaniya 2:3.