Komana Mwamwiluka Tata Yenu WaMwiwulu?
Komana Mwamwiluka Tata Yenu WaMwiwulu?
KOMANA atata yenu mwayiluka chikupu? Ilu lwihu lunateli kuyihayamisha neyi chakwila mwakulila muchisaka chachiwahi. Hadaha munateli kwakula nenu, ‘atata nayiluka chikupu!’ Mwalala, antu amavulu eluka yuma yakeña atata jawu niyahelawu, chiyelaña neyi kunamwekani chuma, nichakamenañawu chisaka chawu.
Hela chochu, mpinji yimu mwatela mwahayamini chikupu hakumona yililu yawatata yenu yinahimpi. Chakutalilahu, mwana weyala nateli kumwiluka tata yindi nindi himuntu wawunda, kushika nimpinji yakwila neyi kunamwekani kukala. Mukukasumwisha, wukumona tata yindi nakufwila kukiña chisaka chindi.
Indi Nleñi yetu twamwiluka chikupu? Kutalisha hadi yena, atwileja nawu: “Muloña mudi yena dimu mutwahandilaña, dimu mutwendelaña, dimu mutwekalilaña.” (Yililu 17:28) Nzambi diyi watwinka wumi; muloña diyi Tata yawantu ejima. (Isaya 64:8) Neyi dichimwatoñojokaña hadi Nzambi, chachiwahi nankashi. Hela chochu, kudi yuma yayivulu yitwakeñaña kwiluka nikudiza kutalisha hadi yena, kulonda kuhetelamu nikwikala amuzañalu.
Chimwatoñojokaña hadi atata yenu nichimwayilemeshaña chashindamena hachimwayiluka chikupu. Chochimu, neyi mumwiluka chikupu Nzambi, wubwambu wenu wukukola nankashi. Nzambi nateli kuyikwasha kumika kukala kumukweti muwumi wenu neyi mumwiluka chikupu nikudiza kwila nkeñelu yindi.
Indi Nzambi himuntu wamuchidinyi? Yililu yindi yinateli kuyileñela kutoñojokadi hadi yena? Komana kumwiluka Nzambi kwalumbululaña nawu mwatela kukoñahu chuma chimu? Awa malwihu anayakuli muchibaba chinalondeluhu.
[Mazu ekoku adi hefu 3]
Yitoñojoka yenu kutalisha hadi antu amakwawu yashindamena hachimwayiluka chikupu