Chibaaba Chawatwansi

Chakushinda Kweseka

YOSEFU—CHIBALU 1

Nshimbi: Zatilenu iwu mudimu mwiluña damwena. Chimukutañaña nsona, fwikijenu neyi mudi kwoku chinakuzatika yuma. Monenu yuma chiyinakumwekana. Tiyenu mazu awantu. Tiyenu neyi chatiyileñawu antu. Fwikijenu neyi iyi nsañu yinakumwekana makonu.

Anhemi: Yosefu niñoda Potifwari

Nsañu yayihi: Yosefu nashindi kweseka kwamwesekeluwu kudi ñoda Potifwari nindi yakami nindi.

1 TOÑOJOKENU HANIYI NSAÑU.—TAÑENU KUTACHIKA 39:1-12.

Lumbululenu kutoha kwetala daPotifwari kwesekeja nachimunakufwikija.

․․․․․

Munakufwikija nenu Yosefu wamwekeneña ñahi? (Hakwila mwiluki: Tañenu cheñi vasi 6.)

․․․․․

Munakutoñojoka nenu izu daYosefu dinakutiyakana ñahi hampinji yinakuhoshayi nañoda Potifwari muvasi 8 ni 9?

․․․․․

2 SANDUJOLENU CHIKUPU.

Yumanyi yadi kuletesha Yosefu yekali mukweseka kwakubula kukakela kuyililu yindi yayiwahi? (Hakwila mwiluki: Tañenu Afwilipi 2:12, nawa toñojokenu hachihandilu chaYosefu chichadiña. Chakutalilahu, antaña jaYosefu niakwawu akwakudifukula aYehova, adiña kudihi hayina mpinji?)

․․․․․

Muloñadi wumunatoñojokeli nenu Yosefu welukili nindi kwila wuvumbi hikumuvulumuna Nzambi, henohu hayina mpinji hikwadiña nshimbi jaNzambi jakaanishili kwila wuvumbuku? (Hakwila mwiluki: Tañenu nikutoñojoka hansona jinalondeluhu: Kutachika 2:24; 12:17, 18; Aroma 2:14, 15; niAheberu 5:14.)

․․․․․

  3 ZATISHENU NSAÑU YIMUNADIZI. SONEKENU YUMA YIMUNADIZI KUTALISHA HA . . .

Kunuñañana kwekala hakudihemba nikudilemesha.

․․․․․

Chiyahetelañamu antu akakelaña kunshimbi jaNzambi jajiwahi.

․․․․․

Kulema ‘kwakufumba yitoñojoka yenu.’ (Aheberu 5:14)

․․․․․

CHIMUNATELI KUZATISHA CHIKUPU IYI NSAÑU.

Yumanyi yamwekanaña muchihandilu yatela kuyileñela mwikali asoñama kutalisha hakushinda kweseka kwakwila wuvumbi? (Hakwila mwiluki: Tañenu nikutoñojokahu hamukanda waYoba 31:1; Masamu 119:37; Aefwesesa 5:3, 4.)

․․․․․

4 CHUMANYI CHASWEJA KULEMA KUDENU CHIMUNADIZI MUNIYI NSAÑU, NAWA MULOÑADI?

․․․․․

Neyi Himukweti Bayiboluku, Munateli Kulomba kudi Ayinsahu jaYehova, hela Kupawula