Kudi Antañi Jetu
Kudi Antañi Jetu
Magazini yimunakutaña atachikili kuyisoneka muJuly 1879. Yuma yinahimpiki kufuma tuhu yina mpinji, dichi ayinu magazini niyena yinahimpiki. (Talenu nyevulu yidi hewulu.) Kutachika nayinu magazini, mukumona yuma yikwawu yinahimpiki munsonekelu yaKaposhi Kakutalila. Yumanyi yikuhimpika?
Talenu hayuma yidumu hefu 2 kulonda mumoni mutu wunakwila nawu “Tañenu Nsañu Yayivulu haIntaneti.” Kakweji nikakweji heshina daniwu mutu mukumonaña nyitu yayibaaba yikusonekañawu mumadimi amavulu yikwikalaña hohu haWebu sayiti www.pr418.com. Muloñadi wutukusonekelaña yibaaba yikwawu haIntaneti?
Mumatuña amavulu, antu amavulu chikupu akeñaña kutaña nsañu haIntaneti nawa atiyaña kuwaha kwila mwenimu. Chapela chikupu kuwana nsañu yayivulu yekala hohu haIntaneti. Nyikanda yayivulu, magazini niyipapilu yansañu ayishaña haIntaneti.
Muloña antu amavulu anakukeña kutaña haIntaneti, twatuñulula katataka Webu sayiti yetu ya www.pr418.com kulonda yimwekaneña chiwahi nawu yikali yapela kuyizatisha. Antu atalaña haIntaneti anateli kutaña nyikanda yekalahu mumadimi kubadika 430. Hela chochu, kutachika nanonu kakweji, antu atalaña haWebu sayiti yetu anateli kutaña cheñi yibaaba yikwawu yekalaña mpinji yejima mumagazini etu apulintañawu, ilaña ichi yikwikalaña hohu haWebu sayiti yetu.
Chineli tukusonekaña yibaaba yayivulu haIntaneti hohu, kutachika nayinu magazini, Kaposhi Kakutalila kawantu amavulu kakwikalaña namafu 32 wanyi, ilaña kakwikalaña namafu 16. Chayinu mpinji Kaposhi Kakutalila akibalumunaña mumadimi 204. Chineli Kaposhi Kakutalila kakwikalaña namafu antesha, ayinu magazini anateli kuyibalumuna mumadimi amavulu. *
Tunakuhweleli netu iku kuhimpa kukutukwasha kushimwina antu amavulu nsañu yamuBayibolu yapulwishaña antu. Tunakufwila kutwalekahu kuyisonekela antu nsañu yayiwahi yayivulu yakupulinta nihaIntaneti kulonda yikwashi antu alemesha Bayibolu nawa akeñaña kwiluka chuma chacheni chatañishaña Bayibolu.
Ansoneki
[Tumazu twaheshina]
^ Iyi diyuma yikuhimpika muKaposhi Kakutalila kaLunda: Tukusonekaña magazini yamafu 16 yawantu amavulu mutukweji tuyedi. Kakweji nikakweji tukusonekaña Kaposhi Kakutalila kakudizamu ka 15 kamafu 32 kazatishañawu aYinsahu jaYehova hakupompa kwachipompelu kwetejawu antu ejima kupompa.
[Mwevulu wudi hefu 3]
INTANETI
Talenu kavidiyo kakihi “Kaposhi Kakutalila—Atachikili Kukisoneka mu 1879”
(Talenu NYUZI/Kaposhi Kakutalila—Kwosi Magazini Yesekana Nayuku)
