MALWIHU AMUBAYIBOLU ANAYAKULI

Indi Nzambi Ijina Dindi Hinyi?

Antu ejima muchisaka chetu akweti majina awu. Niyimuna niyena yikweti majina. Komana Nzambi niyena hatela kwikala nejinaku? MuBayibolu Nzambi wukweti nkumbu jajivulu jidi neyi Nzambi Watwesha Yejima, Mwanta niNleñi, ilaña wukweti ijina dindi.—Tañenu Isaya 42:8.

MumaBayibolu amavulu abalumunawu mwekala ijina daNzambi haMasamu 83:18. Chakutalilahu, muBayibolu yaLunda, iyi vasi yahosha nawu: ‘Kulonda akeluki nawu yeyi hohu, yeyi wukweti ijina deyi daYehova, yeyi Mukwakubadika Kwiwulu deseki dejima.’

Muloñadi Wutwatela Kuzatishila Ijina daNzambi?

Nzambi wakeñaña nindi tuzatisheña ijina dindi. Neyi tunakuhosha nawantu itwakeña, chidi neyi amabwambu jetu, twayitenaña hamajina sweje-e neyi atuleja nawu tuyiteneña hamajina. Dichi twatela kwilaña mwomumu neyi tunakuhosha naNzambi. Kubombelahu, Yesu Kristu watulejeli nindi tuzatisheña ijina daNzambi.—Tañenu Matewu 6:9; Yowanu 17:26.

Hela chochu, hakwila nawu twikali amabwambu jaNzambi, twatela kwiluka yuma yayivulu hadi yena kubadika kwiluka hohu ijina dindi. Chakutalilahu, indi Nzambi himuntu wamuchidinyi? Komana tunateli kukundama kwakwihi naNzambi? Munateli kuwana ñakwilu yanawa malwihu muBayibolu.

Neyi munakukeña nsañu yikwawu, talenu kapetulu 1 kaniwu mukanda, Chumanyi Chacheni Chatañishaña Bayibolu?, wasonekawu kudi aYinsahu jaYehova

[Mwevulu wudi hefu 16]

Neyi tunakuhosha nawantu itwakeña, chidi neyi amabwambu jetu, twayitenaña hamajina