MALWIHU AMUBAYIBOLU ANAYAKULI

Indi Diyabolu wafumini kudihi?

Nzambi hamuleñeli Diyaboluku. Ilaña Nzambi waleñeli kañelu wekalili Diyabolu, atenañawu cheñi nawu Satana. Yesu wahosheli nindi mpinji yimu Diyabolu wadiña munsañu yalala nawa wakadi muloña. Dichi hakusambila, Diyabolu wadiña kañelu waloña nawa mwana kaNzambi.—Tañenu Yowanu 8:44.

Indi kañelu nateli kwikala ñahi Diyabolu?

Kañelu wekalili Diyabolu watondeluhu kudikaña naNzambi nawa wakojejeli eyala namumbanda atachi kudibomba nindi. Wadilishili yomweni kwikala Satana, chalumbulula nawu “Mukwakudimbulula.”—Tañenu Kutachika 3:1-5; Chimwekeshu 12:9.

Kufwana yileñeleña yaNzambi yejima yikweti maana, kañelu wekalili Diyabolu wadiña nawuswa wakutondahu kwila yuma yaloña hela yatama, ilaña wafwilileña nindi antu adifukuleña kudi yena. Wakeñeleña chikupu nindi amulemesheña kubadika chafwilileñayi kumuzañalesha Nzambi.—Tañenu Matewu 4:8, 9; Yakoba 1:13, 14.

Indi Diyabolu watwalekahu ñahi kuluwañesha antu? Komana mwatela kumuchiina? Munateli kuwana ñakwilu yanawa malwihu muBayibolu.

Neyi munakukeña nsañu yikwawu talenu kapetulu 10 kaniwu mukanda, Chumanyi Chacheni Chatañishaña Bayibolu?, wasonekawu kudi aYinsahu jaYehova.