MALWIHU AMUBAYIBOLU ANAYAKULI

Muloñadi mukaayi chimwabula kwikala kuwunda?

Bayibolu yashimuna yikuma yiyedi yalema. Chatachi, hela chakwila antu azata yuma yayiwahi, hiyayileñeli nawuswa wakulombola nyendu yawuku. Chamuchiyedi, antu akañanyaña kuzata yuma yafuukulañawu muloña ‘mpata yamunu mwishina yashakama mudi owu watama,’ Satana Diyabolu. Chili antu azataña nañovu akañanya kuleta kuwunda mukaayi.—Tañenu Yeremiya 10:23; 1 Yowanu 5:19.

Antu akweti lwisu nawa afwilaña kwikala nañovu aleñelaña cheñi mukaayi mubuli kwikala kuwunda. Nfulumendi yimu hohu yamukaayi kejima yadizishaña antu kukeña yuma yaloña nikwakamena wumu namukwawu diyi yikaleta kuwunda.—Tañenu Isaya 32:17; 48:18, 22.

Hinyi wukaleta kuwanda hamaseki?

Nzambi Watwesha Yejima wakana kuleta nfulumendi yimu hohu yikayuulaña antu ejima. Yikahiña hajinfulumendi jawantu. (Danyeli 2:44) Mwana kaNzambi Yesu, wakayuula neyi Kalamba waKuwunda. Wakafumishahu yuma yatama heseki dejima nikudizisha antu kwikala awunda.—Tañenu Isaya 9:6, 7; 11:4, 9.

Makonu Yesu nakulombola antu amavulu mukaayi kejima kuzatisha Izu daNzambi Bayibolu, hakutañisha antu chakwikala awunda nawakwawu. Mukaayi keña mwikali kuwunda.—Tañenu Isaya 2:3, 4; 54:13.

Neyi munakukeña nsañu yikwawu, talenu kapetulu 3 kaniwu mukanda, Chumanyi Chacheni Chatañishaña Bayibolu?, wasonekawu kudi aYinsahu jaYehova

[Mwevulu wudi hefu 15]

Nfulumendi yimu hohu yinateli kuhimpa nyichima yawantu diyi yikaleta kuwunda

[Mazu aKusakilila]

Fatmir Boshnjaku