KOMANA MWELUKA?

Indi chihandilu chawanduñu chadiña ñahi muchiyuulu chawaRoma?

Muchiyuulu chawaRoma, antu amavulu ekalileña anduñu neyi anayishindi kunjita hela kuyiwombolola. Antu akwatileñawu ayilandishileña nawa hiyafuntileña cheñi kumatala awu hela kudi antaña jawuku.

Anduñu amavulu ayizatishileña chakwila afwilileña hanyigoti, ilaña azatilileña mumaha nimumatala ahandileña chiwahi. Nduñu amukajikijileña kuvwala chikuñu chakusonekahu munshiñu hela chinjikijilu chamwekesheleña nawu neyi yatemuka, muntu wakamukwata nakumufuntisha kudi nkanka yindi akamufweta. Ana avulileña kutemuka ayifundileña mumahama, nansona ya F (mukwakubatajala).

Mukanda wamuBayibolu waFwilemoni wahosha hadi kapostolu Pawulu wamufuntishili Onesimusa nduñu watemukili kudi nkanka yindi Fwilemoni. Hela chakwila Fwilemoni wadiña nawuswa wakumubabesha Onesimusa, Pawulu wamulejeli Fwilemoni ‘kumutambwila chiwahi’ hamuloña wakukeña niwubwambu.—Fwilemoni 10, 11, 15-18.

Muloñadi musumba wakushankulu waFwenisiya chiwayilili mpuhu yawusombu wakulomba nachu?

Musumba waFwenisiya hadaha diwunakutenawu makonu nawu Lebanoni, wayili mpuhu yawulombu wamuTira wawusombu wakulomba nachu, idi ijina dafumini kumusumba waTira. Mwanta Solomoni wamuIsarela wakushankulu wawahishili tembeli yindi ‘nawanda wawusombu’ watuñileñewu kudi mukalawinu wakuTira.—2 Kushindulula 2:13, 14

Wusombu wakuTira wadiña wawuwahi nankashi hayina mpinji, muloña wadiña namudimu nankashi hakuweñula. Chatachi, akwakukwata inshi akwatileña ñoñi jajivulu mukaluñalwiji jatenañawu nawu murex shellfish. * Kudi añoñi 12,000 afumishileñaku wulombu wakutuña nachu ihina dimu. Kuhiñahu, iji ñoñi ajifumishileña muyibwezu kulonda azulumunimu wulombu. Akwakutuña iwu wulombu ashileñaku muñwa nakuwanyika kumwaana hadi mafuku asatu. Nkumininaku akuwisha mudilamu yakujika nakuwutatisha nameji amukaluñalwiji hadi mafuku amavulu.

Hadi yaaka yayivulu, kuhitila mukulanda nikuhemba yumiyi, aFwanisiya atwalekahu nakukamuna wulombu wawusombu wakuTira. Yuma yazatishileñawu hakukamuna wulombu ayiwanini kwakwihi nakaluñalwiji kaMediterranean kushika tuhu nikumujika kwakwihi naCádiz, Spain.

[Tumazu twaheshina]

[Mwevulu wudi hefu 15]

Chikuñu chamunshiñu chawanduñu amuRoma

[Mazu aKusakilila]

© Vanni Archive/Art Resource, NY

[Mwevulu wudi hefu 15]

[Mazu aKusakilila]

Courtesy of SDC Colour Experience (www.sdc.org.uk)