MALWIHU AMUBAYIBOLU ANAYAKULI

Komana nsakililu yejima yamulemeshaña Nzambi?

Neyi mutiyilila kunsañu yamukaayi munateli kwiluka nenu yuma yatama mpinji yikwawu anakuyikoña kudi akwansakililu. Bayi neyi nsakililu yejima yadifukulaña kudi Nzambuku. (Matewu 7:15) Mwamweni, antu amavulu ayidimbaña.—Tañenu 1 Yowanu 5:19.

Hela chochu, Nzambi weluka antu ashinshika akeñaña yuma yayiwahi nichalala. (Yowanu 4:23) Nzambi nakukeña nindi antu amuchidiwu adizi chalala Mwiizu dindi Bayibolu.—Tañenu 1 Timotewu 2:3-5.

Munateli kwiluka ñahi nsakililu yalala?

Yehova Nzambi nakunuñañesha antu anakufuma munsakililu yashiyashana kuhitila mukuyidizisha chalala nikwikala nakukeña. (Mika 4:2, 3) Dichi, munateli kwiluka nsakililu yalala neyi mumona chiyadikeñawu.—Tañenu Yowanu 13:35.

Akwakudifukula alala akuhwelela nsañu yekala muBayibolu nawa alondelaña chahoshaña Bayibolu muchihandilu chawu. (2 Timotewu 3:16) Alemeshaña ijina daNzambi. (Masamu 83:18) Nawa ashimwinaña nawu Wanta waNzambi diwu hohu wakamanisha makabi awantu. (Danyeli 2:44) Embujolaña Yesu kuhitila ‘mukutoñeka chejeji’ chawu, nakuyilila antuñi jawu yuma yayiwahi. (Matewu 5:16) AkwaKristu alala ayilukaña chayaña nakwendela antu hamatala awu kulonda ayishimwini nsañu yayiwahi yaWanta waNzambi.—Tañenu Matewu 24:14; Yililu 5:42; 20:20.

Neyi munakukeña nsañu yikwawu, talenu kapetulu 15 kawunu mukanda, Chumanyi Chacheni Chatañishaña Bayibolu?, wasonekawu kudi aYinsahu jaYehova

Iwu mukanda wudi cheñi ha www.pr418.com

[Mazu ekoku adi hefu 16]

Yehova Nzambi nakunuñañesha antu ejima kuhitila mukudifukula kwalala.—Masamu 133:1