Malwihu Amubayibolu Anayakuli
Indi anyana anateli kudiza ñahi kumukeña Nzambi?
Zatishenu nsañu yahosha hayileñaleña kulonda mukwashi anyanenu kumwiluka Nzambi nikumukeña
Anyanenu anateli kumukeña Nzambi neyi akuhwelela chikupu nawu wekala kwoku nawa wayikeña. Hakwila amukeñi Nzambi chiña amwiluka. (1 Yowanu 4:8) Chakutalilahu, atela kwiluka nawu: Muloñadi Nzambi chaleñeleliyi antu? Muloñadi Nzambi chetejelayi makabi? Yumanyi Nzambi yakayililayi antu kumbidi?—Tañenu Afwilipi 1:9.
Anyana anateli kumukeña Nzambi neyi amona nawu mwamukeña Nzambi. Neyi eluka nawu mwamukeña Nzambi, niwena akamukeña.—Tañenu Kuhituluka 6:5-7; Yishimu 22:6.
Munateli kushika ñahi anyanenu hanyichima?
Izu daNzambi dikweti ñovu. (Aheberu 4:12) Dichi dizishenu anyanenu kulonda eluki nsañu yalema yekala muBayibolu. Hakwila Yesu yashiki hanyima yawantu, wehwileña malwihu, wadiña nakuyitiyilila neyi anakuhosha nawa walumbulwileña Nsona. Hakwila mushiki anyanenu hanyichima, mwatela kwimbujola chatañishileñayi Yesu.—Tañenu Luka 24:15-19, 27, 32.
Kubombelahu, nsañu jamuBayibolu jashimunaña Nzambi chazatileñayi nawantu jinateli kukwasha anyana kumwiluka Nzambi nikumukeña. Nyikanda yasonekawu kulonda yikwasheña anyana yidi ha www.pr418.com.—Tañenu 2 Timotewu 3:16.
You May Also Like
ANYANA
Ikalenu Ibwambu daYehova
Awa mavidiyo akuleña, tumina ninyidimu yakufunjeka-funjeka yakwashaña anyana kudiza yuma yalema hachatela kumutiyishawu Nzambi kuwaha.
KAPOSHI KAKUTALILA
Chakudizisha Anyana Nsañu yaNzambi Njilanyi Jazatikaña Chiwahi?
Mukanda Wami waMpanji Jamu Bayibolu
Mukanda Wami Wampanji Jamu Bayibolu
NYIKANDA & MABULOSHUWA
