MUTU WUDI HEFU DATACHI | MUNATELI KWIKALA IBWAMBU DANZAMBI
Kwikala Nawubwambu Wawuwahi naNzambi Kwalema Nankashi
Yumanyi yimunateli kwila kulonda mwikali ibwambu daNzambi? Tunahanjeki haniyi yuma yinalondeluhu yimwatela kwila kulonda mwikali ibwambu dindi:
-
Kwiluka ijina daNzambi, Yehova nikudizatisha.
-
Kuhanjeka mpinji yejima naNzambi mukulomba nikudiza Izu dindi Bayibolu.
-
Kutwalekahu kwila yuma yamuzañaleshaña Yehova.
Ikalenu ibwambu daNzambi kuhitila mukuzatisha ijina dindi, kulomba kudi yena, kudiza Izu dindi nikwila yuma yamutiyishaña kuwaha
Chimwashinshika iyi yuma, komana mukuhosha nenu munakwila yuma yakeñekaña hakwikala ibwambu daNzambi? Kuduhu yuma yikwawu yimunakumona nenu mwatela kuzatilahu? Kuhosha hohu chalala, chakeñekaña kuzata nañovu, ilaña toñojokenu hayuma yafumañamu.
Jennifer, wakuUnited States wahosheli nindi, “Neyi muzata nañovu kulonda mwikali nawubwambu wakola naNzambi mwafumaña yuma yayiwahi. Iwu wubwambu waletaña nkisu jajivulu: kusweja kumukuhwelela Nzambi, kwiluka chikupu yililu yindi sweje-e dinu kumukeña nankashi. Dichi kwikala nawubwambu wawuwahi naNzambi kwalema nankashi.”
Neyi munakukeña kudiluñisha wubwambu wakola naNzambi, aYinsahu jaYehova akutiya kuwaha kuyikwasha. Anateli kuyidizisha Bayibolu chakadi kuyifwetesha. Munateli cheñi kuya kukupompa kwawu kwadizañawu Bayibolu Hetala daWanta mwiluña denu, kumunateli kudikunda nawantu alemesha wubwambu wawu naNzambi. * Neyi mwila mwenimu, anenu nawa mukutiya neyi chatiyili ñimbi yamasamu wahosheli nindi: “Ilaña ami kwami chachiwahi kukundama kwakwihi naNzambi.”—Masamu 73:28.
^ Neyi munakukeña kudiza Bayibolu hela kuwana Itala daWanta didi kwakwihi nanenu, mwani ihulenu muntu wayinka yinu magazini hela yenu haWebu sayiti ya www.pr418.com, nawa talenu hanasonekuwu nawu CONTACT US heshina defu.
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
KUPOMPA
Yumanyi Yamwekanaña Hetala daWanta?
I Yumanyi Yamwekanaña Hetala daWanta ilenu mukachi kulonda mudimweni.
