Malwihu amuBayibolu Anayakuli
Komana Wuzweñi wamba komana mukaayi
Indi Nzambi wakaleta ñahi kaayi kakadi wuzweñi?—Matewu 6:9, 10
Antu amavulu nankashi anakufwa hachaaka hachaaka kunzala niyikatu muloña wakusweja wuzweñi. Hela chakwila mumatuña amakwawu antu aheta,ilaña antu amavulu adi muwuzweñi waweni. Bayibolu yashimuna nawu wuzweñi wakatwalekahu kudi antu.—Tañenu Yowanu 12:8.
Nfulumendi yamukaayi kejima diyi yamanisha wuzweñi. Iyi nfulumendi yikweti ñovu yakwinka antu ejima yakudya nikumanisha majita anakuleta wuzweñi. Iyi diyi nfulumendi yakanayi Nzambi.—Tañenu Danyeli 2:44.
Hinyi wunatali kumanisha wuzweñi?
Nzambi wamutonda Mwanindi, Yesu kuyuula antu ejima. (Masamu 2:4-8) Yesu wakayipulwisha atuzweñi nikujilimuna antu ejima ayikabishaña nikufumishahu yuma yatama yejima.—Tañenu Masamu 72:8, 12-14.
Hakwikala “Kalamba waKuwunda” washimwinuwu dehi, Yesu wakaleta kuwunda nikukiñewa mukaayi kejima. Dikwila nawu antu ejima akashakama na mumutalawu, akazata na nyidimu yawu nikwikala nayakudya yayivulu.—Tañenu Isaya 9:6, 7; 65:21-23.
