CHIBALU 2

Kufuma Mpinji yaDibaji Kushika Nimpinji Yakulubuka Kufuma muEjipitu

Antu atanu nasatu hohu diwu ahandili haDibaji, ilaña mukuhita kwampinji avulili kushika kumakombakaji. Dichi hanyima yaDibaji, chimwahitili yaaka 352, Abarahama wavwalikili. Twadizaña ochu Nzambi chahembeliyi chikaninu chindi kuhitila mukumwinka Abarahama mwana weyala wejina daIsaka. Dichi hadi anyana kaIsaka awamayala ayedi, Yakoba wadiñi watondewa kudi Nzambi.

Yakoba wadiñi nachisaka cheneni chakushika kunyana 12 awamayala nianyana amakwawu awambanda. Anyana kaYakoba awamayala 10 amuheleli mana kwawu wakansi Yosefu nawa amulandishili muwuduñu muEjipitu. Nkumininaku, Yosefu wekalili nlomboli walema muEjipitu. Chikwaholokeli nzala yakapwelendendi, Yosefu wayesekeli ana kwindi kulonda atali neyi anafutumuki munyichima yawu. Nkumininaku chisaka chaYakoba chejima, aIsarela ayili kuEjipitu. Ichi chamwekeni hanyima yayaaka 290 henohu Abarahama wasemuka dehi.

Hayaaka 215 yalondelelihu, aIsarela ashakamineña muEjipitu. Chelili Yosefu nafwi dehi, aIsarela ekalili anduñu mwenamuna. Mukuhita kwampinji, Mosi wasemukili, nawa Nzambi wamuzatishili hakulubula aIsarela kufuma muEjipitu. Chibalu CHAMUCHIYEDI chinashimuni nsañu yejima yasendeli yaaka yakushika ku 857.