CHIBALU 3

Kulubuka Kufuma muEjipitu Nakushika Kudi Mwanta Watachi WamuIsarela

Mosi walombweli aIsarela kufuma muwukoli muEjipitu nakuyitwala kuMpidi yaSinayi kwayinkeleleliyi Nzambi nshimbi jindi. Chahiñilimu, Mosi hakutemesha amayala 12 kulonda akendeshi ituña daKenani. Ilaña amayala 10 afuntili nawunsahu watama. Aletesheli antu kufukulahu kufunta kuEjipitu. Muloña wakubula chikuhwelelu, Nzambi wayibabesheli aIsarela kuhitila mukuyilulutisha mwisaña hadi yaaka 40.

Nkumininaku, Yoshuwa amutondeli kulombola aIsarela mwituña daKenani. Hakwila nawu yayikwashiku kutambula ituña, Yehova wamwekesheli yihayamisha. Welishili Kaloña Yodana kuleka kuhita menji, welishili mpwembu yaYeriku kuhumuka nawa welishili itañwa kwimana kuka-a hadi ifuku damukuma. Hanyima yayaaka yitanu nachimu, atambwili ituña dawaKenani.

Kutachikila hadi Yoshuwa, Isarela ayiyulili kudi ansompeshi hadi yaaka 356. Tukudiza hadi amavulu, kubombelahu Baraka, Gideyona, Yefwata, Samisoni, niSamweli. Tukutaña cheñi hadi ambanda adi neyi Rahaba, Debora, Yahela, Luti, Nyawomi niDelila. Chibalu CHAMUCHISATU chejima chasenda yaaka yakushika ku 396 yansañu yanyaka.