CHIBALU 6

Kusemuka kwaYesu Nakushika kuKufwa Kwindi

Kañelu Gabireli amutemesheli kuya kudi chañadima wamumbanda wamuwahi wejina daMariya. Wamulejeli nindi wukavwala mwana wukayula neyi mwanta haya nyaka. Mwana, Yesu wavwalikilili mwitaña mwamuhempwiliwu kudi atubiña. Mukuhita kwampinji, katumbwa kayilombweli amayala kufuma Kumusela nakushika kwadiña mwana. Tuneluki wayilishili kumona kana katumbwa, nichamupulwishiliwu Yesu hakeñeliwu kumujaha.

Kulondelahu, tukuwana Yesu hadiñayi nayaaka 12 yakusemuka, nakuhanjeka nawantañishi mutembeli. Chimwahitili yaaka 18 Yesu amupapatishili, nawa watachikili mudimu waWanta wakushimwina nikutañisha owu Nzambi wamutemesheleliyi hamaseki. Hakwila nawu amukwashiku muniwu mudimu, Yesu watondeli amayala 12 nakuyilisha apostolu indi.

Yesu welili cheñi yihayamisha yayivulu. Wadyishili makombakaji awantu nanshi yantesha nimankendi antesha. Wokili akata nawa wasañwili niafu. Nkumininaku, tukudiza hayuma yayivulu yamumwekeneni Yesu hefuku dakukumisha kwawumi windi, nichamujahiliwu. Yesu washimwinini hadi yaaka yisatu nachikunku, dichi CHIBALU 6 chasenda mpinji yantesha kubadika hayaaka 34.