Mwanukañahu mpinji yayiwahi yimwadiña nawantu jaYehova, kupompa kwahachipompelu kwayikolesheli, kupompa kweneni kwayizañalesheli, nsañu yayiwahi yimwatiyili mumudimu wamwiha hela mpanji yayiwahi yimwahanjekeli namukwenu mukwakwitiya? Munamuvulameni wanyi Yehova; niyena hanayivulamenuku. Wanukaña chikupu mudimu wumwamuzatilili nakashinshi. Nawa nakukeñesha nindi mufunti kudi yena.

Yehova nindi, ‘Ami aweni nakakeñakeña nyikoku yami nawa nakayakamenaña. Nakatalatala nakamoni kudi nyikoku yami neyi chatalatalaña kabiña wunawani nyikoku yindi yinapalañani nawa hakuyidiisha. Nakayipulwisha kwonsu kwanapalañenuwu.’—Ezekeli 34:11,12.