Nzambi wakeñaña nindi tukashakami mukuwunda nawa amuzañalu muparadisa hamaseki haya nyaka.

Munateli kwihula nenu, ‘Indi chumichi chikazatika ñahi?’ Bayibolu yahosha nawu, Wanta waNzambi diwu wakaleta yumiyi nawa Nzambi wakeñaña nindi antu ejima adizi nsañu yahosha haniwu Wanta niyuma yatufuukwilayi.—Masamu 37:11, 29; Isaya 9:7.

Nzambi wakeñaña nindi tuhetelumu.

Neyi chochakeñañayi nvwali wamuwahi nindi anyanindi aluñeña, Tata yetu wamwiwulu niyena wakeñaña nindi twakekali namuzañalu haya nyaka. (Isaya 48:17, 18) Wakana nindi “muntu welaña muchima waNzambi washakamaña haya nyaka.”—1 Yowanu 2:17.

Nzambi wakeñaña nindi twendeña munjila jindi.

Bayibolu yahosha nawu Nleñi yetu wakeñaña ‘kutuleja mwendelañayi’ kulonda ‘twendeña munjila jindi.’ (Isaya 2:2, 3) Wapompesha ‘antu ejina dindi’ kulonda atiyakesheña mwakeñayi heseki dejima.—Yililu 15:14.

Nzambi wakeñaña nindi twikali anuñañana hakudifukula kudi yena.

Kudifukula kwalala kwaYehova kwakwashaña antu kwikala anuñañana mukukeña, chatela ekali ambuka. (Yowanu 13:35) Anyi makonu anakudizisha amayala niambanda mwituña dejima chakumukalakela Nzambi mukunuñañana? Tunakuyikolesha netu muyiluki awa antu kuzatisha iyi buloshuwa.