TACHIKENU KUHANJEKA
KUDIZA 4
Ikalenu adizoza
Chishina: “Dizozenuña nakumona akwenu nenu ayibadika.”—Fwili. 2:3.
Chamwekesheliyi Pawulu Ichi Chilwilu
1. Talenu VIDIYO, hela tañenu Yilwilu 26:2, 3. Kufumahu dihulenu awa malwihu:
-
Indi Pawulu wamwekesheli ñahi kudizoza hahosheleñayi naMwanta Agiripa?
-
Indi Pawulu wabalumwini ñahi nsañu nakuhosha hadi Yehova nihaNsona chatela yahoshi hadi yomwenindi?—Talenu Yilwilu 26:22.
Chumanyi Chitunakudizilaku Kudi Pawulu?
2. Neyi tudizoza nawa tumwekesha kalemesha kudi antu itunakushimwina, akutiya nsañu yitunakuyishimwina.
Mufwanenu Pawulu
3. Hoshenu nakalemesha. Bayi mudimwekesha nenu mweluka yuma yejima kubadika owu muntuku. Ilaña hoshenuña nakalemesha.
4. Mwekeshenu nenu nsañu yimunakuhosha yinakufuma muBayibolu. Izu daNzambi dikweti nsañu yashikaña hanyichima yawantu. Dichi neyi tukudizatishaña, dikwila nawu chikuhwelelu chawu tunakuchituñila hachikuku chachiwahi.
5. Diwunjikenu. Bayi mukolela kuchikuma chenuku. Hitunakukeña ntaadiku. Mwekeshenu nenu mwadizoza kuhitila mukudiwunjika nawa ilukenu mpinji yimukumushiya owu muntu. (Yish. 17:14; Tit. 3:2) Neyi mumwakula chiwahi owu muntu mukuletesha ifuku dikwawu yakakasunuki kuhanjeka nenu.
