KUDIZA 10
Kuhimpa Izu
Yishimu 8:4, 7
CHIKUMA: Hoshenu chiwahi yikuma yimukweti kulonda antu asañumuki kuhitila mukuhimpa izu, kudinyamuna hela kudikulula, kuhosha lufuchi hela chovu.
CHAKWILA:
-
Himpenu ntiyakenu yezu. Nyamunenu izu hakushimuna yikuma nihakusañumuna antiyilili jenu. Dichimwatela kwila nihakutaña Nsona yawunsompeshi. Keheshenu izu neyi munakuhosha hayuma yakutiyisha woma hela yakwakamisha.
-
Himpenuña izu. Neyi mwidimi denu chetejewa kuhoshela hewulu, nyamunenu izu kulonda mumwekeshi iyena, kutoha kwachuma hela iluña. Kululenu izu neyi munakuhosha mazu akuneña hela akutiyisha woma.
-
Hoshenu lufuchi hela chovu. Hoshenu lufuchi hakutena nsañu yakuzañalesha. Hoshenu chovu neyi himukuhosha yikuma yamaneni.
