Kwashenu antiyilili jenu kulonda adishinshiki. Ihulenu malwihu akwakwilawu mumuchima ilaña akukwasha izaza kushinshika hayuma yafwilañawu.

Yisañumunenu ekali nankeñelu yayiwahi. Yikwashenu antiyilili eluki chelilañawu nyidimu yayiwahi. Yikwashenu ekali nankeñelu yayiwahi nankashi, yakumukeña Yehova, akwawu antu nintañishilu yamuBayibolu. Kwashenu antiyilili amoni chahoshaña Bayibolu; bayi muyilejaku. Chatela muyitiyisheña nsonyi, antu atela kukolelaku hanyima yakutiya mpanji, yisañumunenu adikiteña.

Yikwashenu ashi muchima hadi Yehova. Hoshenu hantañishilu, yishina ninshimbi yamuBayibolu chiyamwekeshaña yilwilu yaNzambi nichatukeñayi. Yikwashenu ekali nampwila yakutoñojoka neyi Yehova kulonda amuzañalesheña.