Loñeshenu chiwahi nawa lombelenuhu. Lombenu wukwashu kulonda mushi muchima hamazu imukuhosha, bayi hadi enu aweniku. Ilukilenu chadimu yikuma yamaneni yimukuhosha. Hoshenu yikuma mumazu enu; bayi mukumina dakuhosha mazu anasonekiwu imunahembeli kumutuku.

Hoshenu chakufuma hamuchima. Toñojokenu hayuma yikukwasha antiyilili jenu. Hoshenu hayoyenoyu yuma. Cheñi, ñimenu, nzatishilu yayiidi nimmwekenu yahamesu yatela kumwekesha nawu munakuhosha namuzañalu.

Yitalenuña antiyilili jenu. Neyi muchisemwa antu ahoshaña nakuditala, yitalenuña antiyilili jenu. Neyi munakuhana mpanji, talenuña antu ejima mwizaza nawa yitalenuña hamuntu-hamuntu.