Mukanda Kufuma Kwizanvu Dalombolaña
‘Mwatela kwikala antañishi.’ (Heb. 5:12) Toñojokenu! Yehova, Ntañishi wamuwahi nankashi mukuleña kwejima natutambiki nindi tudizisheña antu. Mudimu wejima wutukweti wakudizisha antu chalala muchisaka, muchipompelu hela mumudimu wakushimwina kulonda amwiluki Yehova, walema nankashi nawa hikukooleka kwakweni. Tunateli kuwuzata ñahi?
Ñakwilu yidi mumazu amusonekeleliwu Timotewu kudi kapostolu Pawulu akwila nawu: “Twalekakuhu nakutaña nezu datiyakana kudi antu amavulu, kukonkomwena nikutañisha.” Pawulu watwalekelihu nindi: “Muloña mukwila mwenimu, wakadaamwina eyi aweni ninowu akutiyililaña.” (1 Tim. 4:13, 16) Mukweti mudimu wakuleja antu nsañu yakupulwisha mawumi. Dichi chikubadika kuwaha neyi muwahishaku ntañilu nintañishilu yenu. Yinu buloshuwa anayisoneki kulonda yiyikwashiku kwila mwenimu. Talenu yuma yantesha yidimu.
Hefu dejima hadi nsona yinateniwu nawa nsona yeniyi hichishina chamuBayibolu chinakundami kukudiza hela hichakutalilahu chakudiza
Yehova ‘hiNtañishi Muneni.’ (Isa. 30:20) Hela chakwila yinu buloshuwa yikuyikwasha kwikala antañi niantañishi amawahi, anukenu nenu Yehova diyi Yomweni nsañu nawa diyi wakokaña antu. (Yow. 6:44) Dichi, lombenuña spiritu yajila mpinji yejima. Zatishenuña Izu daNzambi mpinji yejima. Kwashenu antu ashi muchima hadi Yehova. Fwilenu kukwasha antiyilili jenu ekali namuchima wakumukeña.
Anayinki mudimu walema nankashi wuyabulahu dehi kuyinka antu. Tunakuhweleli netu neyi ‘mukushindamena hañovu jahanañayi Nzambi,’ mukutwesha.—1 Pet. 4:11.
Yetu akwenu antañishi,
Izanvu Dalombolaña dawaYinsahu jaYehova
