Prologue
Kudi Antañi:
‘Inzaku wiikali mukakunlondela.’ (Maku 10:21) Kafwampi, Yesu Kristu chahosheliyi awa mazu, watutambika wejima wetu kulonda tumulondeleña. Komana mweteja iwu mutambi? Neyi mwiteja, chikuyikwasha nankashi muchihandilu chenu. Muloñadi?
Yehova watemesheli Mwanindi wumu hohu hamaseki kulonda ahani wumi windi wiikali ifutu danyiloña. (Yowanu 3:16) Kubombela hakutufwila, Mwana watulejeli cheñi chakuhanda. Muyuma yejima yeliliyi wahembeli kashinshi kindi nawa wamuzañalesheli Tata yindi. Yesu watulejeli cheñi chakwikala neyi Tata yindi. Yuma yakoñeleñayi niyahosheleñayi Mwana yamwekesheli chikupu yuma yakeñañayi Tata.—Yowanu 14:9.
Bayibolu yahosha nawu Yesu diyi “chakutalilahu kulonda [etu tulondeleña] chikupu mumahaji indi.” (1 Petulu 2:21) Neyi tunakukeña kuswina kwakwihi naYehova, neyi tunakufwila kwikala nachihandilu chachiwahi makonu, neyi tunakukeña kutwalekahu kwenda munjila yaya kuwumi wahaya nyaaka, twatela kulondela chikupu mumahaji aKristu.
Hakwila nawu tulondeli mumahaji indi, twatela kwiluka chihandilu chaYesu chahamaseki. Twatela kudiza nakanañachima nsañu yaYesu yahembelawu muBayibolu. Kutoñojoka chikupu hansañu yakoñeliyi niyahosheliyi Yesu nikushinshika chitwatela kumwimbujola muyuma yitwahoshaña niyitwelaña, kukutukwasha kwiluka chiwahi chitwatela kumulondela.
Hakwila nawu tulondeli mumahaji indi, twatela kwiluka chihandilu chaYesu chahamaseki. Twatela kudiza nakanañachima nsañu yaYesu yahembelawu muBayibolu. Kutoñojoka chikupu hansañu yakoñeliyi niyahosheliyi Yesu nikushinshika chitwatela kumwimbujola muyuma yitwahoshaña niyitwelaña, chikutukwasha kwiluka chiwahi chitwatela kumulondela.
Ansoneki