KUDIZA 04
Nzambi Hinyi?
Kufuma tuhu kunyima, antu amavulu adifukulaña kudi anzambi amavulu. Ilaña, Bayibolu yatena hohu Nzambi wumu “wabadika nankashi anzambi amakwawu ejima.” (2 Kushindulula 2:5) Nzambinyi yenowu? Nawa chumanyi chaletesha abadika anzambi amakwawu ejima adifukulañaku antu? Muniku kudiza, talenu yuma yinakukeñayi Nzambi nindi mwiluki hadi yena.
1. Nzambi ijina dindi hinyi, nawa tunateli kwiluka ñahi netu nakukeña nindi tudiluki?
Nzambi watuleja yomweni ijina dindi muBayibolu. Wahosha nindi: “Yami Yehova. Didu ijina dami.” (Tañenu Isaya 42:5, 8.) “Yehova” hiijina dabalumunawu kufuma muchiHeberu daya mukwila nawu “Wakojejaña Yuma Kwikalaku.” Yehova nakukeña nindi twiluki ijina dindi. (Kwidika 3:15) Tuneluki ñahi? Ijina dindi dekala muBayibolu kubadika mapampa 7,000. a Yehova hiijina daNzambi walala “mumawulu nihamaseki.”—Kuhituluka 4:39.
2. Bayibolu yatulejaña nawudi hadi Yehova?
Bayibolu yahosha nawu Yehova Nzambi hohu diyi Nzambi walala hadi anzambi ejima adifukulañaku antu. Muloñadi? Kudi yuma yayivulu yaleteshaña. Yehova wukweti ñovu chikupu nawa yena hohu diyi “Mukakubadika Chikupu heseki dejima.” (Tañenu Isamu 83:18.) Diyi “Wañovu Jejima,” dikwila nawu wukweti ñovu chikupu yakwila chuma chidi chejima chinakeñiyi. Diyi “waleñeli yuma yejima” yamumawulu niyahamaseki yejima yikweti wumi. (Chimwekeshu 4:8, 11) Nawa Yehova hohu diyi wekalañaku mpinji yejima nawa wakekalaku haya nyaaka.—Isamu 90:2.
SANDUJOLENU CHIKUPU
Talenu chaambu chekala hejina daNzambi dabadika nankumbu jindi. Kuhiñahu, dizenu kulonda mwiluki chaletesha ayileji ijina dindi.
3. Nzambi wudi nankumbu jajivulu, ilaña wukweti ijina dimu
Hakwila mwiluki chaambu chidi hankumbu yamuntu nejina dindi, vumishenu VIDIYO, kuhiñahu hanjekenu halwihu lunalondelihu.
-
Chaambwinyi chekala hakachi kankumbu yakwila nawu “Mwanta” nejina?
Bayibolu yahosha nawu antu adifukulaña kudi anzambi amavulu nianyanta. Tañenu Isamu 136:1-3, kuhiñahu hanjekenu hanilu lwihu:
-
Indi “Nzambi yawanzambi” nawa “Mwanta wawanyanta” hinyi?
4. Yehova nakukeña nindi mwiluki ijina dindi nawa mudizatisheña
Muneluki ñahi nenu Yehova nakukeña nindi mwiluki ijina dindi? Vumishenu VIDIYO, kuhiñahu hanjekenu hamalwihu analondelihu.
-
Komana Yehova nakukeña nindi antu eluki ijina dindi? Muloñadi?
Yehova nakukeña antu azatisheña ijina dindi. Tañenu ARoma 10:13, kuhiñahu hanjekenu hanawa malwihu:
-
Chalemenadi kuzatisha ijina daNzambi, Yehova?
-
Mwatiyaña ñahi neyi muntu anuka ijina denu nawa ayitena nanodu ijina?
-
Munakutoñojoka nenu Yehova watiyaña ñahi neyi muzatisha ijina dindi?
5. Yehova nakukeña nindi muswini kwakwihi nayena
Mumbanda wumu wakuCambodia wejina daSoten wahosheli nindi kwiluka ijina daNzambi kwamuletesheli kwikala “namuzañalu chikupu.” Vumishenu VIDIYO, kuhiñahu hanjekenu halwihu lunalondelihu.
-
Neyi chimwamona muvidiyo, kwiluka ijina daNzambi kwamukwashili ñahi Soten?
Henohu kanda mukwati wubwambu namuntu, mwasambilaña kwiluka ijina dindi. Tañenu Yakoba 4:8a, kuhiñahu hanjekenu hanawa malwihu:
-
Yehova nakukeña nindi mwilidi?
-
Kwiluka ijina daNzambi nikudizatisha kukuyikwasha ñahi kuswina kwakwihi nayena?
AMAKWAWU AHOSHAÑA NAWU: “Kwekala Nzambi wumu hohu, hichikweti muloña nejina diwukumutenaku.”
-
Komana muneteji nenu Yehova didu ijina daNzambi?
-
Lumbululenu chinakumwekesha nawu Nzambi nakukeña nindi tuzatisheña ijina dindi?
YUMA YIMUNADIZI
Yehova didu ijina daNzambi walala wumu hohu. Nakukeña nindi tudiluki nawa tudizatisheña kulonda tuswini kwakwihi nayena.
Kuhitulukamu
-
Yehova wambukaku ñahi nawanzambi ejima adifukulañaku antu?
-
Muloñadi wutwatela kuzatishila ijina daNzambi?
-
Yumanyi yinakumwekesha nawu Yehova nakukeña nindi muswini kwakwihi nayena?
ILUKILENUHU NSAÑU YIKWAWU
Talenu yuma yitanu yikuletesha tukuhweleli netu Nzambi wekala kwoku.
Talenu chichalemena kukuhwelela netu Nzambi wekalañaku mpinji yejima.
“Hinyi Waleñeli Nzambi?” (Kaposhi Kakutalila, September 1, 2014)
Ilukenu muloña waweni wutwatela kuzatishila ijina daNzambi hela chakwila tweluka wanyi chaditeneneñawu kunyima.
Chidi hohu chiwahi kumutena Nzambi nejina didi dejima? Talenu chikuletesha tuhoshi netu wukweti ijina dimu hohu.
a Neyi munakukeña kwilukilahu nsañu jikwawu kutalisha hamwatalisha ijina daNzambi, nichaletesha mumaBayibolu amakwawu adifumishimu, talenu Nsañu Jikwawu A4 muBayibolu yaNsona jaKaayi Kakaha.
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
