KUDIZA 20
Chipompelu Chichazatilaña Hamu
Yehova hiNzambi wakuwunda. (1 AKorinda 14:33) Dichi twatela kukuhwelela antu jindi kuzatila hamu. Chipompelu chawakaKristu chazatilaña ñahi hamu? Yumanyi yitwatela kwila kulonda chitwalekihu kuzatila hamu?
1. Hinyi mutu wachipompelu?
“Kristu [diyi] mutu wachipompelu.” (AEfwesesa 5:23) Walombolaña nyidimu yawantu jaYehova mukaayi kejima iku wudi mwiwulu. Yesu watonda “nduñu wamaana nikashinshi,” izanvu danyanya dawakulumpi apama datenañawu cheñi nawu Izanvu Dalombolaña. (Tañenu Matewu 24:45-47.) Izanvu Dalombolaña denkaña yipompelu nshimbi mukaayi kejima neyi chelileñawu apostolu amumafuku akusambila niakulumpi muYerusalema. (Yilwilu 15:2) Ilaña awa amayala, bayi neyi hiyanlomboli akuloñesha kwetuku. Atañaña Bayibolu kulonda eluki yuma yinakukeñayi Yehova nindi eli nawa alondelaña chikupu wunlomboli waYesu.
2. Nyidimwinyi yazatañawu akulumpi?
Akulumpi hiyamayala akaKristu apama azatishaña jiNsona hakutañisha nikubiña antu jaYehova kuhitila mukuyikwasha nikuyikolesha. Ayifwetaña wanyi hamudimu wazatañawu. Ilaña, akalakalaña “namuchima wakudihana kudi Nzambi; bayi kufwila kuheta munjila yawupwapokiku, ilaña mukudikeñela chikupu.” (1 Petulu 5:1, 2) Akulumpi ayikwashaña kudi ankoñi akuzatila, mukuhita kwampinji niwena ashikañahu nakwikala akulumpi.
Izanvu Dalombolaña datondaña akulumpi amakwawu kwikala akoñi añinza. Endelaña yipompelu yashiyashana nakuyilombola nikuyikolesha. Ankoñi añinza atondaña akulumpi niankoñi akuzatila, anashikiji yuma yakeñekaña yamuNsona.—1 Timotewu 3:1-10, 12; Titusa 1:5-9.
3. Chinsahu chaYehova wejima wukweti mudimwinyi?
Antu ejima muchipompelu “Amushimekaña Yehova” kuhitila mukwakulahu hakupompa nikuzataku mumudimu wakushimwina kwesekeja nahanakumini ñovu jawu.—Tañenu Isamu 148:12, 13.
SANDUJOLENU CHIKUPU
Ilukenu Yesu chalombolañayi, akulumpi chamwimbujolañawu nichitunateli kumwovwahila Yesu nikuzatila hamu nawakulumpi.
4. Yesu hinlomboli wukweti luwi
Yesu watutambikaña kulonda ekali nlomboli yetu. Tañenu Matewu 11:28-30, kuhiñahu hanjekenu hanilu lwihu:
-
Yesu hinlomboli wamuchidinyi nawa nakukeña nindi tutiyeña ñahi?
Akulumpi amwimbujolaña ñahi Yesu? Vumishenu VIDIYO.
Bayibolu yashimuna chiwahi akulumpi chatela kuzatawu mudimu wawu.
Tañenu Isaya 32:2 ni 1 Petulu 5:1-3, kuhiñahu hanjekenu hanawa malwihu:
-
Munatiyi ñahi chimuneluki nenu akulumpi azataña nañovu kukwasha chipompelu neyi chelileñayi Yesu?
-
Njilanyi jikwawu akulumpi mwamwimbujolelañawu Yesu?
5. Akulumpi elaña yuma yatañishañawu
Yesu wakeñaña nindi akulumpi amoneña ñahi mudimu wawu? Vumishenu VIDIYO.
Yesu wamwekesheli yuma yatela kwilawu antu anakulombola muchipompelu. Tañenu Matewu 23:8-12, kuhiñahu hanjekenu hanilu lwihu:
-
Yumanyi yinayitiyishi kuwaha kutalisha hanshimbi jamuBayibolu jatela kulondelawu akulumpi nayuma yimunamoni yelañawu akulumpi jamachechi?
-
Akulumpi akoleshaña wubwambu wawu naYehova nawa akwashaña yisaka yawu kwila mwomumu
-
Akulumpi akamenaña antu ejima muchipompelu
-
Akulumpi ashimwinaña mpinji yejima
-
Akulumpi hiyantañishi. Azatañaku cheñi nyidimu yakuwahisha ninyidimu yikwawu
6. Tunateli kuzatila hamu nawakulumpi
Bayibolu yatulejaña chichalemena kuzatila hamu nawakulumpi. Tañenu AHeberu 13:17, kuhiñahu hanjekenu hanawa malwihu:
-
Muloñadi Bayibolu chiyahoshela nawu twatela kwovwahila antu anakulombola? Muloñadi?
Tañenu Luka 16:10, kuhiñahu hanjekenu hanilu lwihu:
-
Chalemenadi kwovwahila akulumpi hela chakwila ochu chuma tunachimoni netu chalema nankashi wanyi?
AMAKWAWU AHOSHAÑA NAWU: “Tunateli kudifukula kudi Nzambi munjila yejima yitunakeñi.”
-
Yumanyi yayiwahi yafumañamu neyi muntu nakudifukula kudi Nzambi hamu nawakwawu muchipompelu?
YUMA YIMUNADIZI
Yesu diyi mutu wachipompelu. Dichi twatiyaña kuwaha kuzatila hamu nawakulumpi alondelaña mwayilejañayi muloña atukoleshaña nawa twadizilaña kudi wena.
Kuhitulukamu
-
Hinyi mutu wachipompelu?
-
Akulumpi akwashaña ñahi chipompelu?
-
Mudimwinyi wukwetiyi mukakudifukula waYehova wejima?
ILUKILENUHU NSAÑU YIKWAWU
Talenu yuma yinakumwekesha nawu Izanvu Dalombolaña niakulumpi akamenaña chikupu akaKristu makonu.
Talenu nyidimu yazatañawu ankoñi añinza.
Tañenu kulonda mwiluki nyidimu yazatañawu ambanda muchipompelu.
“Komana aYinsahu jaYehova Ekala Nawambanda Akakukalakala?” (Kaposhi Kakutalila, September 1, 2012)
Talenu akulumpi chazatañawu nañovu kukolesha akwawu akakwitiya.
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
