KUDIZA 25
Muloñadi Nzambi Chatuleñeleliyi?
Bayibolu yashimuna nawu wumi wawantu “wakapinji kanti nawa wenzala nayihuñu.” (Yoba 14:1) Komana mwamweni ichi dichakeñañayi Nzambi nindi tushakameña? Neyi diimu wanyi, hanu dinu Nzambi watuleñelelidi? Komana wakelamu? Talenu ñakwilu jamuBayibolu jikutukundeja.
1. Yehova wakeñaña nindi twiikali nawumi wamuchidinyi?
Yehova wakeñaña nindi twiikali nawumi wawuwahi. Chaleñeliyi antu akusambila, aAdama naEva, wayishili muparadisa yayiwahi, itempa daEdeni. Kuhiñahu “Nzambi wayikiswilili, nawa Nzambi wayilejeli nindi: ‘Semununenuña kulonda muvuli, mwinzeshi iseki nawa mudiidimeña.’” (Kutachika 1:28) Yehova wakeñeleña nindi avwaleña anyana, elishi iseki dejima kwikala paradisa nikuhemba anyama. Wakeñeleña nindi antu ejima ekali akola kumujimba nikushakama haya nyaaka.
Hitukweti iwu wumi makonuku, a ilaña Nzambi wuchidi kukeña nindi twakekali naniwu wumi. (Isaya 46:10, 11) Wuchidi kukeña nindi antu ovwahilaña akashakameña haya nyaaka nawa akola kumujimba.—Tañenu Chimwekeshu 21:3, 4.
2. Tunateli kwikala ñahi namuzañalu muchihandilu makonu?
Yehova watuleña namuchima ‘wakukeña kudiza kulonda tumwiluki’ dikwila nawu, mpwila yakumwiluka nikudifukula kudi yena. (Tañenu Matewu 5:3-6.) Wakeñaña nindi tudikundeña chikupu nayena, “kwenda munjila jindi jejima, kumukeña” nikumukalakela “namuchima [wetu] wejima.” (Kuhituluka 10:12; Isamu 25:14) Neyi twila mwenimu, tukwikala namuzañalu waweni hela chakwila tunakumona kukala. Neyi tudifukulaña kudi Yehova tukwikala namuzañalu muchihandilu chetu, muloña tunakwila yuma kwesekeja nachakeñañayi.
SANDUJOLENU CHIKUPU
Talenu Yehova chamwekesheliyi kukeña kwabadika hakutuleñela iseki nichatañishaña Izu dindi muloña waweni watuleñeleliyi.
3. Yehova wakeñaña nindi antu ekali nawumi wawuwahi
Vumishenu VIDIYO, kuhiñahu hanjekenu halwihu lunalondelihu.
-
Muloñadi Nzambi chatuleñeleleliyi iseki dalubanji?
Tañenu Mukwakutañisha 3:11, kuhiñahu hanjekenu hanilu lwihu:
-
Chumichi chinayidizishidi hadi Yehova?
4. Yehova wahimpa wanyi mwakanayi kuyililayi antu
Tañenu Isamu 37:11, 29 niIsaya 55:11, kuhiñahu hanjekenu hanilu lwihu:
-
Tuneluki ñahi netu Yehova wahimpa wanyi hayuma yakana kutwililayi?
Itala dinakisiki anateli kudiwahisha cheñi. Munjila yoyimu, iseki dinadiwuliwu antu akadiwahisha cheñi kudi Nzambi kulonda mwakashakameña antu amukeña
5. Kudifukula kudi Yehova kwatuleteshaña kwikala namuzañalu chikupu muchihandilu
Neyi twiluka chatuleñeleliwu tukwikala namuzañalu. Vumishenu VIDIYO, kuhiñahu hanjekenu halwihu lunalondelihu.
-
Kwiluka chatuleñeleliwu kwayikwashili ñahi aTerumi?
Tañenu Mukwakutañisha 12:13, kuhiñahu hanjekenu hanilu lwihu:
-
Chineli Yehova natwilili yuma yayivulu nankashi, chumanyi chitwatela kumwilila ninetu?
MUNTU NATELI KWIHULA NINDI: “Atuleñelelidi?”
-
Mukwakula nenudi?
YUMA YIMUNADIZI
Yehova wakeñaña nindi tushakameña hanu heseki haya nyaaka nawa akola kumujimba. Neyi tudifukulaña kudi yena namuchima wetu wejima, tukwikala namuzañalu waweni nichayinu mpinji.
Kuhitulukamu
-
Yehova wayileñelelidi aAdama naEva?
-
Tuneluki ñahi netu yuma yashiika Nzambi kwililayi antu yahimpa wanyi?
-
Munateli kwikala ñahi namuzañalu waweni muchihandilu?
ILUKILENUHU NSAÑU YIKWAWU
Talenu wunsahu wunakumwekesha nawu chalala itempa daEdeni dadiña kwoku.
“Itempa daEdeni, Dakulumbisha tahindi Dadiña Kwoku?” (Kaposhi Kakutalila, January 1, 2011)
Talenu yuma yikutukwasha kukuhwelela netu iseki dikatwalekahu haya nyaaka.
Talenu chahosha Bayibolu kutalisha hachuma chinateli kuyikwasha kwiluka chatuleñeleliwu.
Talenu iyala watoñojokeleña nindi wudi nayuma yejima chenjili nakwilukayi nindi kudi chuma chabuliliyi muchihandilu chindi.
a Mukudiza kunalondelihu, mwakadiza chuma chaletesha tubuli kwikala naniwu wumi makonu.
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
