KUDIZA 28
Mwekeshenuña Kusakilila haChuma Chayililayi Yehova niYesu
Mwatiyaña ñahi neyi ibwambu denu ayinka chawaana chachiwahi? Chakadi nikujina, mwazañalalaña nankashi nawa mwakeñaña kumwekesha kudi ibwambu denu nenu munasakilili hanochu chawaana. Yehova niYesu atwinkeli chawaana chabadika yawaana yejima. Hichawaananyi chenichi nawa tunateli kumwekesha ñahi kusakilila hanichi chawaana?
1. Njilanyi yimu mutunateli kumwekeshela netu twasakililaña hachuma chatwililayi Nzambi niKristu?
Bayibolu yashiika nawu “muntu wejima wukumukuhwelela [Yesu]” wakekala nawumi wahaya nyaaka. (Yowanu 3:16) Hanu tunateli kumukuhwelela ñahi? Kudi yuma yayivulu yitwatela kwila kubadika kumukuhwelela hohu Yesu. Twatela cheñi kumwekesha chikuhwelelu muyuma yitwatondaña niyitwelaña. (Yakoba 2:17) Neyi tumwekeshaña chikuhwelelu muyuma yitwelaña niyitwahoshaña, tukukolesha wubwambu wetu naYesu niTata yindi Yehova.—Tañenu Yowanu 14:21.
2. Chidikanyi chalema chatukwashaña kumwekesha kusakilila hachuma chatwililayi Yehova niYesu?
Hawufuku wakwila henohu Yesu kanda afwi, wayilejeli akakumulondela njila yikwawu yakumwekeshelamu kusakilila hamulambu windi. Watachikili chidika chalema chatenaña Bayibolu nawu “Kuda kwaMwanta kwaMelela,” chatenañawu cheñi nawu Chanukishu chakufwa kwaKristu. (1 AKorinda 11:20) Yesu watachikili ichi chidika kulonda apostolu indi niakaKristu alala ejima akalondela hadi wena akanukeña nawu wahanini wumi windi kukoola etu. Dichi wayilejeli nindi: “Ilenuña mwenimu hakuñanuka.” (Luka 22:19) Neyi muya kuChanukishu, mukumwekesha nenu munakusakilila hakukeña kwabadika kwatukeñayi Yehova niYesu.
SANDUJOLENU CHIKUPU
Ilukenu njila jikwawu mumunateli kumwekeshela nenu mwasakililaña hakukeña kwabadika kwatumwekeshelayi Yehova niYesu. Talenu chalemena Chanukishu chakufwa kwaKristu.
3. Twatela kwiladi hakwila tumwekeshi kusakilila
Fwikijenu neyi kudi muntu wapulwishili wumi wenu. Komana mwakajimbala chuma chayililiyi? Tahindi kudi yuma yimukwila kulonda mumwekeshi nenu munakusakilila hachuma chayililiyi?
Twakekala nawumi wahaya nyaaka muloña waluwi lwaYehova. Tañenu 1 Yowanu 4:8-10, kuhiñahu hanjekenu hanawa malwihu:
-
Mulambu waYesu wekala ñahi chawaana chabadika?
-
Munatiyi ñahi hachuma chayililayi Yehova niYesu?
Tunateli kumwekesha ñahi kusakilila hachuma chatwililayi Yehova niYesu? Tañenu 2 AKorinda 5:15 ni 1 Yowanu 4:11; 5:3. Chimwamanisha kutaña nsona-hinsona, muhanjeki hanilu lwihu:
-
Kwesekeja naniyi nsona, chumanyi chitwatela kwila hakwila tumwekeshi kusakilila?
4. Mwimbujolenuña Yesu
Njila yikwawu mutwatela kumwekeshela kusakilila hikumwimbujola Yesu. Tañenu 1 Petulu 2:21, kuhiñahu hanjekenu hanilu lwihu:
-
Yumanyi yimwatela kwila hakwila mulondeleña chikupu mumahaji aYesu?
Yesu wakeñeli Izu daNzambi, washimwinineña nsañu yayiwahi nawa wakwashileña antu
5. Yenuña kuChanukishu chakufwa kwaKristu
Hakwila mwiluki chuma chamwekeni hachidika chatachi chaKuda kwaMwanta kwaMelela, tañenu Luka 22:14, 19, 20. Kuhiñahu hanjekenu hanawa malwihu:
-
Chumanyi chamwekeni haKuda kwaMwanta kwaMelela?
-
Dinkendi nivinyu jemenañaku yumanyi?—Talenu mavasi 19 ni 20.
Yesu wakeñeleña atumbanji twindi anukeña Chanukishu chaKuda kwaMwanta kwaMelela kamu hachaaka hefuku dafwiliyi. Dichi aYinsahu jaYehova apompaña hamu hachaaka-hachaaka nakwanuka kufwa kwaKristu kwesekeja nachashimwiniyi. Hakwila mwiluki iku kupompa kwalema, vumishenu VIDIYO. Kuhiñahu hanjekenu halwihu lunalondelihu.
-
Yumanyi yamwekanaña haChanukishu?
Kudi yuma yemenañaku dinkendi nivinyu. Dinkendi demenañaku mujimba waYesu wawanina wahaniniyi kwikala mulambu kukoola etu. Vinyu yemenañaku mashi indi
AMAKWAWU AHOSHAÑA NAWU: “Watela kumukuhwelela hohu Yesu hakwila wakapuluki.”
-
Munateli kuzatisha ñahi Yowanu 3:16 niYakoba 2:17 hakwila mumwekeshi nenu kudi yuma yikwawu yatela kwilayi muntu?
YUMA YIMUNADIZI
Twamwekeshaña netu twasakililaña hachuma chatwililayi Yesu kuhitila mukumukuhwelela nikuya kuChanukishu chakufwa kwindi.
Kuhitulukamu
-
Kumukuhwelela Yesu kwatalisha mudihi?
-
Chumanyi chimukwila hakwila mumwekeshi kusakilila hachuma chayililayi Yehova niYesu?
-
Chalemenadi kuya kuChanukishu chakufwa kwaKristu?
ILUKILENUHU NSAÑU YIKWAWU
Kufwa kwaKristu kwatusañumunaña kwiladi?
Ilukilenuhu nsañu yikwawu hachikuhwelelu nichitunateli kwikala nachu.
“Kuhwelelenu muYikaninu yaYehova” (Kaposhi Kakutalila, October 2016)
Mumutu wunakwila nawu, “Ichi Nidi Wakadi Majilu, Inakuhanda Nawa Yuma Yejima Yidi Chiwahi,” talenu kudiza hamulambu waKristu chikwamuhimpili mumbanda wumu.
“Bayibolu Yahimpaña Yihandilu Yawantu” (Kaposhi Kakutalila, August 1, 2011)
Talenu chaletesha antu antesha hohu adeñayifwikija haChanukishu.
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
