KUDIZA 33
Yuma Yakela Wanta
Wanta waNzambi watachika dehi kuyuula. Katataka wuhimpi yuma yayivulu hanu heseki. Tuhanjekenu hayuma yayiwahi yimukutalilaña yakekala muchiyuulu chaWanta waNzambi.
1. Wanta waNzambi wakafuntisha ñahi kuwunda niwuñanji hamaseki?
Yesu, Mwanta waWanta waNzambi wakajilumuna antu atama nijinfulumendi hanjita yaAmagedoni. (Chimwekeshu 16:14, 16) Hanoyu mpinji, ichi chikaninu chamuBayibolu chikashikijewa chikupu chahosha nawu: “Hakushimbula hohu chanti, antu atama hiyakekalaku nawa cheñiku.” (Isamu 37:10) Yesu wakazatisha iwu Wanta kulonda akaleti kuwunda nikwolola yuma heseki dejima.—Tañenu Isaya 11:4.
2. Antu akashakamaña ñahi neyi nkeñelu yaNzambi anayili dehi heseki?
Muchiyuulu chaWanta waNzambi, “aloña akaswana iseki, nawa akashakamahu haya nyaaka.” (Isamu 37:29) Fwikijenu munakushakama mukaayi mudi hohu antu aloña nawa amukeña Yehova niakwawu! Kwosi muntu wakakataña nawa antu ejima akashakamaña haya nyaaka.
3. Yumanyi yakela Wanta waNzambi neyi antu atama anayijilumuni dehi?
Neyi antu atama anayijilumuni dehi, Yesu wakayuula neyi Mwanta hadi yaaka 1,000. Munoyu mpinji, yena nia 144,000 akayuulaña hamu nindi akakwasha antu hamaseki akekali awanina nawa akadi nshidi. Hakumana kwanoyu mpinji, iseki akadibalumuna nakwikala paradisa yayiwahi nawa antu ejima akekala namuzañalu muloña akwovwahilaña nshimbi jaYehova. Kuhiñahu, Yesu wakafuntisha Wanta kudi Tata yindi, Yehova. Haniyi mpinji ‘ijina daYehova akadijilika chikupu.’ (Matewu 6:9, 10) Chumichi chakamwekesha nawu Yehova hinyuuli wamuwahi wakamenaña antu jindi. Nkumininaku, Yehova wakamujilumuna Satana, andemoni, niantu ejima akadikañaña nachiyuulu chindi. (Chimwekeshu 20:7-10) Yuma yayiwahi yakela Wanta waNzambi yakatwalekahu haya nyaaka.
SANDUJOLENU CHIKUPU
Talenu chikuletesha tukuhweleli netu Nzambi wakazatisha Wanta kwila yuma yejima yakanawu muBayibolu yakatwililawu kumbidi.
4. Wanta waNzambi wakafumishahu nfulumendi jawantu
‘Muntu nakuyuula mukwawu muntu kulonda amukatishi.’ (Mukwakutañisha 8:9) Yehova wakazatisha Wanta windi kulonda akafumishihu ichi chuma chatama.
Tañenu Danyeli 2:44 ni 2 ATesalonika 1:6-8, kuhiñahu hanjekenu hanawa malwihu:
-
Nfulumendi jawantu niantu ajikwashaña akayila ñahi kudi Yehova niMwanindi, Yesu?
-
Yuma yimunadizi hadi Yehova niYesu yinayikwashi ñahi kukuhwelela nenu yuma yakelawu yakawaha nawa yakakwasha antu?
5. Yesu hiMwanta wamuwahi chikupu
Chineli Yesu hiMwanta waWanta waNzambi, wakela yuma yayivulu yakakwasha antu hamaseki. Vumishenu VIDIYO kulonda mumoni Yesu chinamwekeshiyi dehi nindi nakufwila nawa wukweti ñovu yamwinkawu kudi Nzambi yakukwasha antu.
Hampinji yadiñayi Yesu hamaseki, wamwekesheli yuma yakela Wanta. Yumanyi yayiwahi yinashimuniwu aha yimunakutalila? Tañenu iji nsona jatukwashaña kwiluka nsañu yayivulu haniyi yuma.
|
HADIÑAYI HESEKI, YESU . . . |
IKU WUDI MWIWULU, YESU . . . |
|---|---|
|
|
|
|
|
|
|
|
6. Wanta waNzambi wakaleta chihandilu chachiwahi
Iwu Wanta wakakwasha antu kwikala nachihandilu chachiwahi neyi chakeñeleñayi Nzambi. Akashakama haya nyaaka muparadisa heseki. Vumishenu VIDIYO kulonda mumoni Yehova chinakuzatishayi Mwanindi, Yesu, kushikija nkeñelu yindi.
Tañenu Isamu 145:16, kuhiñahu hanjekenu hanilu lwihu:
-
Munatiyi ñahi chimuneluki nenu Yehova “wakekutisha yuma yejima yayumi nayuma yakeñañawu”?
AMAKWAWU AHOSHAÑA NAWU: “Neyi tuzatila hamu wejima wetu tukumanisha kukala kudi mukaayi.”
-
Kukalanyi kukamanisha Wanta waNzambi kunateli kubula kumanishawu kudi nfulumendi jawantu?
YUMA YIMUNADIZI
Wanta waNzambi wakela yuma yakeñañayi Nzambi nindi wili. Wakabalumuna iseki dejima kwikala paradisa mwakekala antu amawahi akadifukulaña kudi Yehova haya nyaaka.
Kuhitulukamu
-
Wanta waNzambi wakajilika ñahi ijina daYehova?
-
Muloñadi chitwatela kukuhwelela netu Wanta waNzambi wakela yuma yakanawu muBayibolu?
-
Hakachi kayuma yakakoña Wanta, yumanyi yimwatalilaña chikupu?
ILUKILENUHU NSAÑU YIKWAWU
Ilukenu mwatalisha Amagedoni.
Talenu yuma yikamwekana muyaaka 1,000 yakayuulañayi Yesu nikumakumishilu achu.
“Chumanyi Chikamwekana Hefuku daKusompesha?” (Kaposhi Kakutalila, October 1, 2012)
Talenu yisaka chiyinateli kufwikija adi hamu muParadisa.
Muchibaaba chinakwila nawu “Nadiña Namalwihu Amavulu Inabulili Kwiluka Ñakwilu,” talenu muntu wadikañileña nanfulumendi chawaniniyi ñakwilu jakeñeleñayi.
“Bayibolu Yahimpaña Yihandilu yaWantu” (Kaposhi Kakutalila, January 1, 2012)
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
