KUDIZA 37
Chahosha Bayibolu haNyidimu niMali
Mwakamenahu dehi chakuwana mudimu hela mali? Chinateli kukala hakwila tuwani yuma yakudikwashamu nachu hampinji yoyimu nikudifukula kudi Yehova kwesekeja nachakeñañayi. Bayibolu yatulejaña yuma yinateli kutukwasha.
1. Bayibolu yahoshaña nawudi hanyidimu?
Nzambi wakeñaña nindi tudiluñisheña namudimu wetu. Bayibolu yahosha nawu “kwosi chuma chachiwahi kudi muntu chabadika . . . [kudiluñisha] nanyidimu yinazatiyi nañovuku.” (Mukwakutañisha 2:24) Yehova wazataña nañovu. Neyi tumwimbujola kuhitila mukuzata nañovu, twamutiyishaña kuwaha nawa twekalaña namuzañalu.
Mudimu walema. Ilaña hitwatela kuwulemesha nankashi kubadika kudifukula kudi Yehovaku. (Yowanu 6:27) Watushiika nindi neyi tumutwamijaku, wukutwinkaña yuma yejima yitunakukeña.
2. Kubula kusweja kukeña mali kwatalisha mudihi?
Hela chakwila Bayibolu yeteja nawu “mali akiñaña,” yasoñamishaña cheñi nawu mali nkawawu hiyanateli kutuzañaleshaku. (Mukwakutañisha 7:12) Dichi, anakutuleja kubula kusweja kukeña mali ilaña ‘tuzañalaleña nayuma yitudi nayu.’ (Tañenu AHeberu 13:5.) Neyi tuzañalalaña nayuma yitukweti, hitukwikalaña nachineñi chenzaña muloña wakukeña mali amavuluku. Hitukwikalaña nanyikudiku. (Yishimu 22:7) Nawa tukutondolwela kukala kwafumaña mukuhema yisela yalwisu ninjila jawupwapoki jakuhetelamu swayi.
3. Tunateli kuzatisha ñahi mali munjila yayiwahi?
Yehova hiNzambi wachisambu nawa twamwimbujolaña neyi twikala ‘nachisambu, adiloñesha kwinkahu akwetu.’ (1 Timotewu 6:18) Tunateli kuzatisha chiwahi mali neyi tukukwashaña chipompelu nikukwasha akwetu anakaankili, sweje-e akwetu mutwadifukwilaña. Chuma chamutiyishaña Yehova kuwaha himuchima wutukweti wakuhana, bayi kuvula kwayuma yitunakuhanaku. Neyi tukuhanaña chakufuma hamuchima, tukwikala namuzañalu nawa tukumutiyishaña Yehova kuwaha.—Tañenu Yilwilu 20:35.
SANDUJOLENU CHIKUPU
Talenu kuwaha kwafumañamu neyi tumonaña mudimu munjila yatelela nikuzañalala nayuma yitukweti.
4. Mulemeshenuña Yehova nachimwazataña nyidimu
Wubwambu wetu naYehova wukutukwasha chitunateli kuzata nyidimu yetu munjila yayiwahi. Vumishenu VIDIYO, kuhiñahu hanjekenu hamalwihu analondelihu.
-
Muniyi vidiyo, yilwilu yamwekeshayi Jason kumudimu yayitiyisha ñahi kuwaha?
-
Yumanyi yelayi yamwekesha nawu wamonaña mudimu munjila yatelela?
Tañenu AKolosi 3:23, 24, kuhiñahu hanjekenu hanilu lwihu:
-
Chalemenadi kuzata mudimu wetu namuchima wejima?
Mudimu walema. Ilaña hitwatela kuwulemesha nankashi kubadika kudifukula kudi Yehovaku
5. Kuzañalala nayuma yitukweti kwatukwashaña
Antu amavulu akeñaña kwikala namali amavulu. Ilaña Bayibolu yatulejaña kubula kukeñesha mali. Tañenu 1 Timotewu 6:6-8, kuhiñahu hanjekenu hanilu lwihu:
-
Bayibolu yatulejaña kwiladi?
Tunateli kwikala namuzañalu hela chakwila tudi nayuma yantesha. Vumishenu VIDIYO, kuhiñahu hanjekenu halwihu lunalondelihu.
-
Yumanyi yakwashaña iyi yisaka kwikala namuzañalu, hela chakwila akweti mali antesha?
Chumanyi chitwatela kwila neyi tukweti mali amavulu ilaña tunakukeñelahu amakwawu? Yesu walumbulwili kukala kwafumañamu. Tañenu Luka 12:15-21, kuhiñahu hanjekenu hanilu lwihu:
-
Yumanyi yimunadizili kuchakutalilahu chaYesu?—Talenu vasi 15.
Tañenu Yishimu 10:22 ni 1 Timotewu 6:10, nawa yesekejenu naniyi nsañu. Kuhiñahu hanjekenu hanawa malwihu:
-
Munakutoñojoka nenu chumanyi chalema? Kwikala nawubwambu naYehova tahindi kwikala namali amavulu? Muloñadi?
-
Kukalanyi kwafumaña mukusweja kukeña mali?
6. Yehova wukutwakamenaña
Kukala kwanyidimu nimali kunateli kweseka chikuhwelelu chetu mudi Yehova. Vumishenu VIDIYO kulonda mumoni chitunateli kwila neyi tudi muniku kukala, kuhiñahu hanjekenu hamalwihu analondelihu.
-
Muniyi vidiyo, kukalanyi kwamweniyi manakwetu?
-
Yumanyi yeliliyi hakwila omiki kukala kwamweneñayi?
Tañenu Matewu 6:25-34, kuhiñahu hanjekenu hanilu lwihu:
-
Yumanyi yayikanayi Yehova antu amutwamijañaku?
AMAKWAWU AHOSHAÑA NAWU: “Natela kuzata nañovu kulonda nakameneña chisaka chami. Hinukutweshaña kupompa mulungu-himulunguku.”
-
Nsonanyi yayikwashaña kwiluka nenu kumutwamijaku Yehova dichuma chachiwahi chimwatela kwila?
YUMA YIMUNADIZI
Mudimu nimali jalema, ilaña bayi jitukañesha kumukalakela Yehovaku.
Kuhitulukamu
-
Yumanyi yinateli kutukwasha kubula kusweja kulemesha mudimu?
-
Kuzañalala nayuma yimukweti kunateli kuyikwasha ñahi?
-
Mukumwekesha ñahi nenu mwakuhwelela muchikaninu chaYehova chakwila nawu wukwakamenaña antu jindi?
ILUKILENUHU NSAÑU YIKWAWU
Talenu neyi chakwila Bayibolu yahosha nawu mali atama.
“Komana Mali Diwu Muji Wayuma Yatama Yejima?” (Chibaaba chahaIntaneti)
Ilukenu kuhana kwamutiyishaña Nzambi kuwaha.
“Bayibolu Yahosha Nawudi Hakuhana?” (Chibaaba chahaIntaneti)
Komana kuhema yisela yalwisu kwakuwahi?
“Ifyo Baibolo Isambilisha—Ukwangala Ifyangalo Fya Cela Mushuke” (Loleni!, March 2015)
Talenu chamukwashili iyala wumu kuleka kuhema yisela yalwisu nikwiya.
“Nakeñeli Nankashi Chisela Chakudibecha naTuwalu” (Kaposhi Kakutalila, November 1, 2011)
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
