KUDIZA 49
Chisaka Chenu Chinateli Kwikala Ñahi naMuzañalu?—Chibalu 1
Antu neyi dihanadisumbuliwu akuhwelelaña nawu muzañalu watiyiliwu ifuku dadisumbwiliwu wakatwalekahu haya nyaaka. Mwamweni wunateli kutwalekahu. AkaKristu anashakami muwulu mpinji yayilehi nawa anazati nañovu kuzatisha kufumba kwamuBayibolu, akwiteja nawu munateli kutwalekahu kwikala namuzañalu.
1. Kufumbanyi kwamuBayibolu kwayinkawu amayala?
Yehova watonda iyala kwikala mutu wachisaka. (Tañenu AEfwesesa 5:23.) Yehova wakeñaña nindi afuukuleña yuma yikukwasha chisaka. Bayibolu yalejaña amayala nawu: “Keñenuña añodi jenu.” (AEfwesesa 5:25) Chumichi chatalisha mudihi? Iyala wukweti kukeña wamulemeshaña ñodindi hetala nihadi antu. Wamukiñaña kuyuma yinateli kumukatisha nawa wazataña nañovu kumwakamena kumujimba nimuyitoñojoka. (1 Timotewu 5:8) Chasweja kulema, wamwakamenaña muyuma yakuspiritu. (Matewu 4:4) Chakutalilahu, walombaña nikutañila hamu nindi Bayibolu. Neyi iyala amwakamenaña ñodindi munjila yakukeña, wukutwalekahu kwikala ibwambu daYehova.—Tañenu 1 Petulu 3:7.
2. Kufumbanyi kwamuBayibolu kwayinkawu ambanda?
Izu daNzambi dahoshaña nawu mumbanda “watela kwikala nakalemesha chikupu kudi nfumwindi.” (AEfwesesa 5:33) Watela kwila ñahi mwenimu? Watela kutoñojoka hayilwilu yayiwahi yikwetiyi nfumwindi nichazatañayi nañovu kumwakamena yena nianyanawu. Watela kumwekesha cheñi nindi wamulemesha neyi amukwashaña muyuma yinafuukuliyi nikuhosha nindi nakalemesha hela chakwila hiChinsahu wanyi.
3. Adisumbula anateli kukolesha ñahi wulu wawu?
Bayibolu yahosha hadi adisumbula nawu: “Wejima wawu ayedi akekala mujimba wumu.” (Matewu 19:5) Ichi chinatalishi mukwila nawu atela kuzata nañovu kushinda chaaku chakukeña kudaambula. Anateli kwila mwenimu neyi ekalaña hamu, kudikasunukila wumu namukwawu, kumuleja chinakutoñojokayi nichinakutiyayi. Muntu wudi muwulu hatela kulemesha chuma chidi chejima hela muntu wudi wejima kubadika mwinikwindiku, chiña Yehova hohu. Atela kwikala asoñama kulonda abuli kusweja kudikunda namuntu wunabuli kwikala mwinikwawu.
SANDUJOLENU CHIKUPU
Talenu yishina yamuBayibolu chiyinateli kukolesha wulu wenu.
4. Enu amayala, keñenuña nikwakamena añodi jenu
Bayibolu yahosha nawu “amayala atela kukeña añodi jawu neyi chakeñawu nyijimba yawu aweni.” (AEfwesesa 5:28, 29) Chinatalishi mudihi? Vumishenu VIDIYO, kuhiñahu hanjekenu hamalwihu analondelihu.
-
Iyala nateli kumwekesha ñahi nindi wamukeña ñodindi nawa wamwakamenaña?
Tañenu AKolosi 3:12, kuhiñahu hanjekenu hanilu lwihu:
-
Iyala nateli kumwekesha ñahi iyi yilwilu muwulu windi?
5. Enu ambanda, keñenuña anfumu jenu nawa yilemeshenuña
Bayibolu yalejaña mumbanda kumulemesha nfumwindi hela chakwila wamukalakelaña Yehova hela nehi. Tañenu 1 Petulu 3:1, 2, kuhiñahu hanjekenu hanawa malwihu:
-
Chakadi nikujina, neyi mudi neyala wabula kwitiya munakukeña nenu adifukuleña kudi Yehova. Munakutoñojoka nenu chumanyi chinateli kumukwasha kuhimpa, kumushimwina mpinji yejima tahindi kumumwekeshela yilwilu yayiwahi nikumulemesha? Muloñadi?
Eyala namumbanda anateli kufuukwila hamu yuma yayiwahi. Hela chochu, mpinji jikwawu mumbanda nateli kukaana munafuukuli iyala. Nateli kuhosha yitoñojoka yindi mukuwunda nawa nakalemesha, ilaña watela kwanukaña nindi Yehova wamwinka iyala mudimu wakufuukula yuma yinateli kukwasha chisaka. Watela kuzata hakumina ñovu jindi neyi kudi yuma yinafuukuliyi nfumwindi. Kwila mwenimu, kukuleta muzañalu mwitala dawu. Tañenu 1 Petulu 3:3-5, kuhiñahu hanjekenu hanilu lwihu:
-
Yehova watiyaña ñahi neyi mumbanda walemesha nfumwindi?
6. Munateli kumanisha kukala kudi muwulu wenu
Kwosi wulu wawaninaku. Dichi, adisumbula atela kuzataña nañovu kumanisha kukala. Vumishenu VIDIYO, kuhiñahu hanjekenu hamalwihu analondelihu.
-
Muniyi vidiyo, yumanyi yamwekesha nawu awa adisumbula atachika kwambokelamu?
-
Yumanyi yelawu hakwila akoleshi wulu wawu?
Tañenu 1 AKorinda 10:24 niAKolosi 3:13. Chimwamanisha kutaña nsona-hinsona, muhanjeki hanilu lwihu:
-
Kuzatisha iku kufumba kunateli kukolesha ñahi wulu?
Bayibolu yahosha nawu twatela kudilemesha wumu namukwawu. Mukudilemesha munabombeli kumutiyila muntu luwi nikuhosha nakavumbi. Tañenu ARoma 12:10, kuhiñahu hanjekenu hanawa malwihu:
-
Komana eyala namumbanda atela kuhembelela mukwawu kutachikilahu kumulemesha? Muloñadi?
AMAKWAWU AHOSHAÑA NAWU: “Ami namwinikwami twaleka dehi kudikunda neyi chitwadikundileña.”
-
Munateli kuyilumbulwila ñahi nenu Bayibolu yinateli kuyikwasha?
YUMA YIMUNADIZI
Eyala namumbanda anateli kwikala namuzañalu neyi adikeña wumu namukwawu, adilemeshaña nikuzatisha yishina yamuBayibolu.
Kuhitulukamu
-
Iyala nateli kuleta ñahi muzañalu muwulu?
-
Mumbanda nateli kuleta ñahi muzañalu muwulu?
-
Neyi mudi muwulu, chishinanyi chamuBayibolu chinateli kuyikwasha kukolesha wulu wenu?
ILUKILENUHU NSAÑU YIKWAWU
Ilukenu njila jimu jinateli kuyikwasha kwikala namuzañalu muchisaka.
Talenu vidiyo yakamina yinakumwekesha yuma yayiwahi yafumañamu neyi muzatisha kufumba kwaNzambi muwulu wenu.
Ilukenu mwatalisha kulemesha wumutu.
“Muloñadi Ambanda Chatela Kulemeshelawu wuMutu?” (Kaposhi Kakutalila, May 15, 2010)
Talenu kufumba kwamuBayibolu chikunateli kukwasha adi muwulu.
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
