KUDIZA 55
Kwashenuña Chipompelu Chenu
Mukaayi kejima, antu amavulu nankashi adifukulaña kudi Yehova namuzañalu muyipompelu yayivulu. Asakililaña hanshimbi niwukwashu watambwilañawu nawa akwashaña yipompelu munjila jashiyashana. Komana ninenu dichimwatiyaña nachipompelu chenu?
1. Njilanyi mumunateli kuzatishila mpinji niñovu jenu kukwasha chipompelu?
Wejima wetu twatela kukwasha chipompelu. Chakutalilahu, muchipompelu chenu mudihu atushinakaji hela ayifwayi? Kwila muyikwashaku kulonda ayi nakupompa nehi? Hela kuyikwashaku muyuma yikwawu, yidi neyi kuyilandilaku yuma hela kuyiwahishila hetala? (Tañenu Yakoba 1:27.) Tunateli cheñi kudihana kuya nakuwahisha nikuloñesha Itala daWanta. Kwosi watukanjikijaña kuzata iyi nyidimuku. Kukeña kutwamukeña Nzambi niamanakwetu dikwatusañumunaña “[kudihana etu aweni] namuchima wumu.”—Isamu 110:3.
AYinsahu apapatishewa anateli kukwasha chipompelu munjila jikwawu. Amanakwetu apama kuspiritu ekalaña ankoñi akuzatila nawa mukuhita kwampinji ashikañahu kwikala akulumpi. Amanakwetu niahela akwashaña mudimu wakushimwina kuhitila mukuzata wupayiniya. AYinsahu amakwawu akwashanaña kuhitila kutuña maluña akudifukwila hela kuya kwiluña kudi chipompelu chidi mukukaankila.
2. Tunateli kuzatisha ñahi maheta etu kukwasha chipompelu?
Tunateli “[kumulemesha] Yehova nayuma [yetu] yalema.” (Yishimu 3:9) Twatiyaña kuwaha kuhana mali niyuma yitukweti hakwila tukwashi chipompelu chetu nimudimu wakushimwina mukaayi kejima. (Tañenu 2 AKorinda 9:7.) Yawaana yetu ayizatishaña cheñi kukwasha adi muwubanji wadimwekenaña. Amavulu “[ahembañaku] yawaana hambadi” kulonda ahaneña yawaana mpinji yejima. (Tañenu 1 AKorinda 16:2.) Tunateli kuhana yawaana kuzatisha yikasha yekala mumaluña etu akudifukwila hela haIntaneti hanasonekiwu nawu hanenu yawaana ha jw.org. Yehova watwinka kukooleka kwakumwekesha chitwamukeña nanochu chitwazatishaña maheta etu.
SANDUJOLENU CHIKUPU
Talenu njila jikwawu mumunateli kukwashila chipompelu.
3. Tunateli kuzatisha maheta etu
Yehova niYesu akeña antu ahanaña namuzañalu. Chakutalilahu, Yesu wamweni mumbanda ntuluwa kazweñi chazatiliyi nañovu kuhana. Tañenu Luka 21:1-4, kuhiñahu hanjekenu hanawa malwihu:
-
Komana twatela kuhana yawaana yayivulu hakwila tumutiyishi Yehova kuwaha?
-
Yehova niYesu atiyaña ñahi neyi tuhana yawaana chakufuma hamuchima?
Hakwila mwiluki chazatikaña yawaana yitwahanaña, vumishenu VIDIYO. Kuhiñahu hanjekenu halwihu lunalondelihu.
-
Yawaana ayizatishaña ñahi kukwasha yipompelu mukaayi kejima?
4. Tunateli kudihana kukwashana
Kunyima, akakudifukula aYehova azatileña nañovu kuloñesha maluña awu akudifukwila. Ilaña mwabombeleli kuhana yuma yikwawu bayi mali hohuku. Tañenu 2 Kushindulula 34:9-11, kuhiñahu hanjekenu hanilu lwihu:
-
KaIsarela wejima wakwashileña ñahi kuhemba itala daYehova chiwahi hela iluña dakudifukwila?
Hakwila mwiluki aYinsahu jaYehova chalondelañawu ichi chakutalilahu, vumishenu VIDIYO. Kuhiñahu hanjekenu hamalwihu analondelihu.
-
Muloñadi chitwatela kuhembela Itala detu daWanta nawunyonji nikudiloñesha chiwahi?
-
Munateli cheñi kukwashana ñahi?
5. Amanakwetu atela kufwila kushikahu kuzata nyidimu yikwawu
Nsona yakoleshaña amayala akaKristu kufwila kushikahu kukwasha chipompelu. Talenu chakutalilahu, vumishenu VIDIYO. Kuhiñahu akulenu lwihu lunalondelihu.
-
Muniyi vidiyo, Ryan wazatili ñahi nañovu kukwasha chipompelu?
Bayibolu yashimuna yuma yakeñekaña hakwila manakwetu ashikihu kwikala nkoñi wakuzatila nimukulumpi. Tañenu 1 Timotewu 3:1-13, kuhiñahu hanjekenu hanawa malwihu:
MUNTU NATELI KWIHULA NINDI: “AYinsahu jaYehova afumishaña kudihi mali azatishañawu mumudimu wawu?”
-
Mukwakula nenudi?
YUMA YIMUNADIZI
Yehova watiyaña kuwaha chitwazataña nañovu kukwasha chipompelu kuzatisha mpinji yetu, ñovu yetu nimaheta etu.
Kuhitulukamu
-
Tunateli kuzatisha ñahi mpinji niñovu yetu kukwasha chipompelu?
-
Tunateli kuzatisha ñahi maheta etu kukwasha chipompelu?
-
Njilanyi yimukukeña kukwashilamu chipompelu?
ILUKILENUHU NSAÑU YIKWAWU
Talenu Nzambi chabulilañayi kukeña akakudifukula indi kuhana yamwikumi.
“Bayibolu Yahosha Nawudi haYamwikumi?” (Chibaaba chahaIntaneti)
Bayibolu yashimuna nyidimu yimu yatela kuzatawu amayala apapatishewa. Indi neyi mumbanda wapapatishewa nakukeñeka kuzata iyi nyidimu?
“Kwiluka Wuswa Wukwetiwu Akulumpi muChipompelu” (Kaposhi Kakutalila, February 2021)
Talenu aYinsahu ahamuka chadihanañawu chikupu kutwalila akwawu akakudifukula nyikanda.
Talenu kwafumaña mali akwashaña mudimu wetu chikwambuka nachelaña kudifukula kukwawu.
“Kudihi Kwafumaña Mali Akwashaña Mudimu wawaYinsahu jaYehova?” (Chibaaba chahaIntaneti)
You May Also Like
MALWIHU AVULA KWIHULAWU ANTU HADI AYINSAHU JAYEHOVA
Yumanyi Yadizishañawu aYinsahu jaYehova?
Munateli kuzatisha Bayibolu yidi yejima yimukweti hakudiza Bayibolu nawaYinsahu jaYehova. Mwani mwakasunuka kutambika antaña niamabwambu kulonda mudizili hamu.
