CHIBALU 3
Indi Chihandilu Chadiña Ñahi muParadisa?
Yehova wayinkeli Adama niEvu yuma yayiwahi yayivulu. Kutachika 1:28
Yehova waleñeli mumbanda watachi, Evu, nawa watwalili kudi Adama kulonda yekali iñodindi.—Kutachika 2:21, 22.
Yehova wayileñeli nayitoñojoka ninyijimba yawanina, yakadi nshidi.
Mukala waParadisa wadiña mwitempa daEdeni, iluña dadiwahi nankashi mwadiña kaloña ninyitondu yasoñeleña nyikabu niatunyama.
Yehova wahanjekeleña nawu; nawa wayilejeleña. Neyi amutiyilili, kachi adi kushakama haya nyaka muParadisa hamaseki.
Nzambi wayilejeli nindi bayi adya kumutondu wumuku. Kutachika 2:16, 17
Kañelu wumu wadikañili naNzambi. Kañelu yeniwu watama diyi Satana Diyabolu.
Yehova wayilejeli Adama naEvu mutondu wumu wamukabu wadiña mwitempa nindi neyi adyaku akufwa.
Satana hakeñeleña nindi Adama naEvu amwovwahili Yehovaku. Dichi wazatishili kapela kuya nakumuleja Evu nindi neyi yadya mukabu kuwuna mutondu, wukufwa wanyi, ilaña wukwikala neyi Nzambi. Iku kwadiña kutwamba kwahamesu bwi-i.—Kutachika 3:1-5.
You May Also Like
NTAÑISHILU YALEMA YAMUBAYIBOLU
Muloñadi Nzambi Chaleñeleliyi Iseki?
Dinu iseki ditunakushakamamu dalubanji. Iseki wadishili hahalehi netena nawa danyeñumukaña munjila yashikila, waleña nikakweji kulonda kakwashaña iseki, kaleteshaña iseki kwikala nayilaaka yashiyashana. Muloñadi Nzambi chazatililiyi nañovu kuleña iseki dalubanji muniyi njila?
